ਪ੍ਰਧਾਨ ਮੰਤਰੀ ਮੋਦੀ ਦੀ ਫੋਟੋ ਵਾਲਾ ਹਾਰ ਕਾਨਸ ਮੇਲੇ 'ਚ ਚਮਕਿਆ

ਕਾਨਸ ਫਿਲਮ ਫੈਸਟੀਵਲ 2025 'ਚ ਇਕ ਦਮ ਕੈਮਰੇ ਅਭਿਨੇਤਰੀ ਰੂਚੀ ਗੁੱਜਰ 'ਤੇ ਕੇਂਦਰਿਤ ਹੋ ਗਏ। ਅਜਿਹਾ ਉਸ ਵਲੋਂ ਪਹਿਨੇ ਇਕ ਸ਼ਾਨਦਾਰ ਲਹਿੰਗੇ ਕਰਕੇ ਨਹੀਂ ਹੋਇਆ ਸੀ। ਸਗੋਂ ਰੂਚੀ ਨੇ ਇਕ ਹਾਰ ਪਹਿਨਿਆ ਹੋਇਆ ਸੀ, ਜਿਸ 'ਤੇ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਚਿੱਤਰ ਬਣੇ ਹੋਏ ਸਨ।

ਰੂਚੀ ਨੇ ਇਸ ਹਾਰ ਨੂੰ ਸਿਰਫ ਇਕ ਗਹਿਣਾ ਹੀ ਨਹੀਂ ਸਗੋਂ ਵਿਸ਼ਵ ਮੰਚ 'ਤੇ ਤਾਕਤ,ਦ੍ਰਿਸ਼ਟੀ ਅਤੇ ਭਾਰਤ ਦੇ ਉਭਾਰ ਦਾ ਪ੍ਰਤੀਕ ਦੱਸਿਆ।ਉਸ ਨੇ ਇਕ ਬਿਆਨ 'ਚ ਇਹ ਵੀ ਆਖਿਆ ਸੀ ਕਿ ਕਾਨਸ ਫਿਲਮ ਫੈਸਟੀਵਲ 'ਚ ਅਜਿਹਾ ਹਾਰ ਪਹਿਨ ਕੇ ਮੈਂ ਆਪਣੇ ਪ੍ਰਧਾਨ ਮੰਤਰੀ ਦਾ ਸਨਮਾਨ ਕਰਨਾ ਚਾਹੁੰਦੀ ਸੀ, ਜਿਨ੍ਹਾਂ ਦੀ ਅਗਵਾਈ ਸਦਕਾ ਭਾਰਤ ਨਵੀਆਂ ਬੁਲੰਦੀਆਂ ਤੱਕ ਪਹੁੰਚਿਆ ਹੈ। ਇਸ ਹਾਰ ਨੇ ਇੰਝ ਲੱਗਦਾ ਸੀ ਜਿਵੇਂ ਮੇਲਾ ਲੁੱਟ ਲਿਆ ਹੋਵੇ। ਸਭ ਨਜ਼ਰਾਂ ਉਸ ਵੱਲ ਤਕ ਰਹੀਆਂ ਸਨ ਅਤੇ ਉੱਥੇ ਮੌਜੂਦ ਲੋਕਾਂ ਦੀ ਗੱਲਬਾਤ ਵੀ ਇਸ 'ਤੇ ਕੇਂਦਰਿਤ ਸੀ।