'ਜਵਾਨ' ਦੀ ਰਿਲੀਜ਼ ਤੋਂ ਪਹਿਲਾਂ ਤਿਰੂਪਤੀ ਮੰਦਰ ਪਹੁੰਚੇ ਬਾਲੀਵੁੱਡ ਸੁਪਰਸਟਾਰ ਸ਼ਾਹਰੁਖ ਖਾਨ

ਸ਼ਾਹਰੁਖ ਖਾਨ ਦੀ ਨਵੀਂ ਫਿਲਮ 'ਜਵਾਨ' 7 ਸਤੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ।

ਰਿਲੀਜ਼ ਤੋਂ ਪਹਿਲਾਂ ਬਾਲੀਵੁੱਡ ਸੁਪਰਸਟਾਰ ਸ਼ਾਹਰੁਖ ਖਾਨ ਮੰਗਲਵਾਰ ਨੂੰ ਆਪਣੀ ਬੇਟੀ ਸੁਹਾਨਾ ਖਾਨ, ਪਤਨੀ ਗੌਰੀ ਖਾਨ ਅਤੇ ਅਦਾਕਾਰ ਨਯਨਥਾਰਾ ਨਾਲ ਤਿਰੂਪਤੀ ਵਿਚ ਵੈਂਕਟੇਸ਼ਵਰ ਸਵਾਮੀ ਮੰਦਰ ਪਹੁੰਚੇ।

SRK ਦੀ ਮੈਨੇਜਰ ਪੂਜਾ ਡਡਲਾਨੀ ਵੀ ਉਨ੍ਹਾਂ ਦੇ ਨਾਲ ਮੰਦਰ ਪਹੁੰਚੀ।

ਵਿਸ਼ਲੇਸ਼ਕਾਂ ਮੁਤਾਬਕ, ਫਿਲਮ ਪੂਰੇ ਭਾਰਤ ਵਿੱਚ 6.5 ਲੱਖ ਟਿਕਟਾਂ ਦੇ ਨਾਲ advance bookings ਵਿਚ 17.58 ਕਰੋੜ ਰੁਪਏ ਕਮਾ ਚੁੱਕੀ ਹੈ।

ਗੌਰੀ ਖਾਨ ਵਲੋਂ ਨਿਰਮਿਤ ਇਸ ਫਿਲਮ ਵਿੱਚ ਵਿਜੇ ਸੇਤੂਪਤੀ, ਨਯਨਥਾਰਾ, ਦੀਪਿਕਾ ਪਾਦੂਕੋਣ, ਪ੍ਰਿਆਮਣੀ ਅਤੇ ਹੋਰ ਵੀ ਹਨ।

ਉੱਥੇ ਹੀ, ਸ਼ਾਹੁਰਖ ਖਾਨ ਅਤੇ ਗੌਰੀ ਖਾਨ ਦੀ ਬੇਟੀ ਸੁਹਾਨਾ ਵੀ ਇਸ ਸਾਲ ਜ਼ੋਇਆ ਅਖਤਰ ਦੀ ਫਿਲਮ 'The Archies' ਨਾਲ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਕਰਨ ਜਾ ਰਹੀ ਹੈ, ਜੋ 7 ਦਸੰਬਰ ਨੂੰ OTT ਪਲੇਟਫਾਰਮ Netflix 'ਤੇ ਦੇਖੀ ਜਾ ਸਕੇਗੀ।