ਅਹਿਸਾਸ ਚੰਨਾ ਨੇ ਬਾਲੀਵੁੱਡ ਈਵੈਂਟ ਵਿੱਚ ਬਿਖੇਰੇ ਜਲਵੇ

ਮੁੰਬਈ ਵਿੱਚ ਬਾਲੀਵੁੱਡ ਨਾਲ ਸੰਬੰਧਿਤ ਇਕ ਵਿਸੇਸ਼ ਈਵੈਂਟ ਵਿੱਚ ਪੰਜਾਬੀ ਅਦਾਕਾਰਾ ਸੋਨਮ ਬਾਜਵਾ ਦੀ ਐਂਟਰੀ ਨੇ ਖੂਬ ਤਹਿਲਕਾ ਮਚਾਇਆ। ਸੋਨਮ ਹਰੇ ਰੰਗ ਦੀ ਡਰੈਸ ਪਹਿਨ ਕੇ ਇਸ ਈਵੈਂਟ ਵਿੱਚ ਸ਼ਾਮਲ ਹੋਈ ਸੀ, ਜਿੱਥੇ ਕਿ ਦਰਸ਼ਕਾਂ ਨੇ ਖੂਬ ਤਾੜੀਆਂ ਵਜਾ ਕੇ ਉਸ ਨੂੰ ਭਰਪੂਰ ਹੁੰਗਾਰਾ ਦਿੱਤਾ। ਫਿਲਮੀ ਹਲਕਿਆਂ ਵਿੱਚ ਸੋਨਮ ਬਾਜਵਾ ਦੀ ਉਕਤ ਈਵੈਂਟ ਵਿੱਚ ਸ਼ਮੂਲੀਅਤ ਅਤੇ ਪਹਿਰਾਵਾ ਕਾਫੀ ਚਰਚਾ ਦਾ ਵਿਸ਼ਾ ਬਣਿਆ।

ਇਸ ਸਮਾਗਮ ਵਿੱਚ ਮ੍ਰਿਣਾਲ ਠਾਕੁਰ,ਕ੍ਰਿਕਟਰ ਸਚਿਨ ਤੇਂਦੂਲਕਰ ਦੀ ਬੇਟੀ ਸਾਰਾ ਤੇਂਦੂਲਕਰ ਵੀ ਵਿਸ਼ੇਸ਼ ਤੌਰ 'ਤੇ ਪਹੁੰਚੀਆਂ ਸਨ। ਸਾਰਾ ਦੀ ਬਲੈਕ ਡਰੈਸ ਨੇ ਵੀ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਇਸ ਦੌਰਾਨ ਪੰਜਾਬ ਦੇ ਜਲੰਧਰ ਨਾਲ ਸੰਬੰਧਤ ਫਿਲਮ ਨਿਰਦੇਸ਼ਕ ਇਕਬਾਲ ਚੰਨਾ ਦੀ ਬੇਟੀ ਅਹਿਸਾਸ ਚੰਨਾ ਨੇ ਵੀ ਈਵੈਂਟ ਦੀ ਰੌਣਕ ਵਧਾਈ।

ਉਸ ਨੇ ਸਫੈਦ ਜੀਨਸ ਅਤੇ ਨੀਲੇ ਟੌਪ ਵਿੱਚ ਕੈਮਰੇ ਸਾਹਮਣੇ ਕੁਝ ਦਿਲਕਸ਼ ਪੌਜ਼ ਦਿੱਤੇ। ਕੈਮਰਿਆਂ ਵਾਲੇ ਵਾਰ-ਵਾਰ ਉਸ ਦੀਆਂ ਤਸਵੀਰਾਂ ਲੈਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਨੇਹਾ ਧੂਪੀਆਂ ਆਪਣੇ ਪਤੀ ਨਾਲ ਪਹੁੰਚੀ ਜਦੋਂਕਿ ਅਦਾਕਾਰਾ ਅਤੇ ਡਾਂਸਰ ਮੁਕਤੀ ਵੀ ਵਿਸ਼ੇਸ਼ ਅੰਦਾਜ਼ ਵਿੱਚ ਜਲਵਾਗਾਰ ਹੋਈ।