ਅਜੈ ਦੇਵਗਨ ਕਰਨਗੇ ‘ਝਲਕ’ ਦਾ ਨਿਰਮਾਣ

ਅਜੈ ਦੇਵਗਨ ਡਰਾਉਣੀ ਕਾਮੇਡੀ ’ਤੇ ਆਧਾਰਿਤ ‘ਝਲਕ’ ਨਾਂਅ ਦੀ ਫਿਲਮ ਦੀ ਤਿਆਰੀ ’ਚ ਜੁਟੇ ਹੋਏ ਹਨ। ਦਰਸ਼ਕਾਂ ਨੂੰ ਉਮੀਦ ਹੈ ਕਿ ਦੇਵਗਨ ਫਿਲਮ ਅਤੇ ਪੈਨੋਰਾਮਾ ਸਟੂਡੀਓ ਇਕ ਵਾਰ ਫਿਰ ਇਸ ਰੋਮਾਂਚਕ ਪ੍ਰਾਜੈਕਟ ਨਾਲ ਫਿਲਮੀ ਦੁਨੀਆ ’ਚ ਤਹਿਲਕਾ ਮਚਾਉਣ ਲਈ ਤਿਆਰ ਹਨ। ਫਿਲਮ ਰੋਮਾਂਸ ਭਰਪੂਰ ਅਤੇ ਹਾਸਿਆਂ ਦੇ ਸੰਪੂਰਨ ਮਿਸ਼ਰਣ ਦਾ ਪਿਟਾਰਾ ਹੋਵੇਗੀ।

ਇਸ ਫਿਲਮ ਨਾਲ ਆਮਨ ਦੇਵਗਨ ਅਭਿਨੈ ਦੀ ਦੁਨੀਆ ’ਚ ਪਹਿਲਾ ਕਦਮ ਰੱਖੇਗਾ ਅਤੇ ਮੁੱਖ ਨਾਇਕ ਦੇ ਤੌਰ ’ਤੇ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਕਰੇਗਾ। ਉਸ ਦੇ ਨਾਲ ਆਜ਼ਾਦ ਦੇ ਅਭਿਨੈ ਦੇ ਚਰਚੇ ਵੀ ਹੋਣਗੇ। ਅਜੈ ਦੇਵਗਨ ਕੁਮਾਰ ਮੰਗਤ ਪਾਠਕ ਅਤੇ ਅਭਿਸ਼ੇਕ ਪਾਠਕ ਵਲੋਂ ਬਣਾਈ ਜਾ ਰਹੀ ‘ਝਲਕ’ ਇਸ ਵੇਲੇ ਨਿਰਮਾਣ ਦੇ ਮੁੱਢਲੇ ਦੌਰ ’ਚ ਹੈ। ਜਲਦੀ ਹੀ ਇਸ ਦੀ ਸ਼ੂਟਿੰਗ ਸ਼ੁਰੂ ਹੋ ਜਾਵੇਗੀ ਅਤੇ ਫਿਰ ਇਸ ਫਿਲਮ ਬਾਰੇ ਹੋਰ ਵੇਰਵੇ ਅਤੇ ਖੁਲਾਸੇ ਸਾਹਮਣੇ ਆਉਣਗੇ।