ਇੰਤਜ਼ਾਰ ਹੋਇਆ ਖ਼ਤਮ, ਫ਼ਿਲਮ 'ਜੌਲੀ ਐਲਐਲਬੀ 3' ਰਿਲੀਜ਼ ਹੋਣ ਲਈ ਤਿਆਰ

'ਜੌਲੀ ਐਲਐਲਬੀ' ਅਤੇ 'ਜੌਲੀ ਐਲਐਲਬੀ 2' ਦੀ ਸਫਲਤਾ ਤੋਂ ਬਾਅਦ, ਫਰੈਂਚਾਇਜ਼ੀ ਦੀ ਤੀਜੀ ਫਿਲਮ, 'ਜੌਲੀ ਐਲਐਲਬੀ 3' ਪਰਦੇ 'ਤੇ ਉਤਰਨ ਲਈ ਤਿਆਰ ਹੈ।

ਜਦੋਂ ਤੋਂ ਜੌਲੀ ਐਲਐਲਬੀ 3 ਦੀ ਘੋਸ਼ਣਾ ਹੋਈ ਹੈ, ਦਰਸ਼ਕ ਇਸ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਇਸ ਫਰੈਂਚਾਇਜ਼ੀ ਦੀਆਂ ਆਖਰੀ ਦੋ ਫਿਲਮਾਂ ਬਾਕਸ ਆਫਿਸ 'ਤੇ ਹਿੱਟ ਸਾਬਤ ਹੋਈਆਂ ਅਤੇ ਇਸਨੇ ਦਰਸ਼ਕਾਂ ਦੇ ਦਿਲਾਂ 'ਤੇ ਇੱਕ ਅਮਿੱਟ ਛਾਪ ਵੀ ਛੱਡੀ। ਅਜਿਹੀ ਸਥਿਤੀ ਵਿੱਚ, ਤੀਜੀ ਫਿਲਮ ਦਾ ਇੰਤਜ਼ਾਰ ਕਰਨਾ ਸੁਭਾਵਿਕ ਸੀ। ਜੌਲੀ ਐਲਐਲਬੀ 3 ਦੀ ਰਿਲੀਜ਼ ਡੇਟ ਵੀ ਸਾਹਮਣੇ ਆ ਗਈ ਹੈ।

'ਜੌਲੀ ਐਲਐਲਬੀ 3' ਕਦੋਂ ਰਿਲੀਜ਼ ਹੋ ਰਹੀ ਹੈ। ਇਸ ਦਾ ਪਤਾ ਚੱਲ ਗਿਆ ਹੈ ਫਿਲਮ ਸਮੀਖਿਅਕ ਤਰਨ ਆਦਰਸ਼ ਦੇ ਅਨੁਸਾਰ, ਫਿਲਮ ਦੀ ਰਿਲੀਜ਼ ਡੇਟ ਨੂੰ ਲਾਕ ਕਰ ਦਿੱਤਾ ਗਿਆ ਹੈ। ਇਹ ਡਾਰਕ ਕਾਮੇਡੀ ਫਿਲਮ ਇਸ ਸਾਲ 19 ਸਤੰਬਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਲਈ ਤਿਆਰ ਹੈ। ਸੁਭਾਸ਼ ਕਪੂਰ ਵਲੋਂ ਨਿਰਦੇਸ਼ਤ, ਫਿਲਮ ਵਿੱਚ ਅਕਸ਼ੈ ਕੁਮਾਰ ਅਤੇ ਅਰਸ਼ਦ ਵਾਰਸੀ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਜਿੱਥੇ ਅਕਸ਼ੈ ਜੌਲੀ ਮਿਸ਼ਰਾ ਦਾ ਕਿਰਦਾਰ ਨਿਭਾਉਣਗੇ, ਉੱਥੇ ਅਰਸ਼ਦ ਜੌਲੀ ਤਿਆਗੀ ਦੇ ਰੂਪ ਵਿੱਚ ਨਜ਼ਰ ਆਉਣਗੇ।