8.86C Vancouver 8.86C VancouverDec 6, 2024 3:10 PM - Connect Newsroom
ਕੌਮਾਂਤਰੀ ਪ੍ਰਸਿੱਧੀ ਪ੍ਰਾਪਤ ਗਾਇਕ ਅਤੇ ਅਭਿਨੇਤਾ ਦਿਲਜੀਤ ਦੌਸਾਂਝ ਦਿਲ ਲੁਮਿਨਾਟੀ ਪ੍ਰੋਗਰਾਮ ਸੀਰੀਜ਼ ਦੇ ਦਿੱਲੀ, ਜੈਪੂਰ, ਅਹਿਮਦਾਬਾਦ ਅਤੇ ਲਖਨਊ ’ਚ ਸਫਲਤਾ ਦੇ ਝੰਡੇ ਗੱਢ ਚੁੱਕੇ ਹਨ। ਹੁਣ ਦਿਲਜੀਤ ਦੋਸਾਂਝ ਦੀ ਅੱਖ 19 ਦਸੰਬਰ ਨੂੰ ਹੋਣ ਵਾਲੇ ਮੁੰਬਈ ਦੇ ਇਕ ਸ਼ੋਅ ’ਤੇ ਟਿਕੀ ਹੈ।
ਦਿਲ ਲੁਮਿਨਾਟੀ ਦੇ ਮੁੰਬਈ ’ਚ ਹੋਣ ਵਾਲੇ ਸ਼ੋਅ ਲਈ ਜਦੋਂ 22 ਨਵੰਬਰ ਨੂੰ ਟਿਕਟਾਂ ਦੀ ਵਿਕਰੀ ਸ਼ੁਰੂ ਹੋਈ ਤਾਂ ਉਹ ਇਕ ਝਟਕੇ ’ਚ ਹੀ ਵਿਕ ਗਈਆਂ।
ਜੋਮੈਟੋ ਲਾਈਵ ’ਤੇ ਇਸ ਸ਼ੋਅ ਲਈ ਸਿਰਫ 50 ਸਕਿੰਟਾਂ ਦੇ ਅੰਦਰ ਸਿਲਵਰ ਸ਼੍ਰੈਣੀ ਦੀਆਂ ਟਿਕਟਾਂ ਵਿਕ ਗਈਆਂ। ਇਸ ਸ਼੍ਰੈਣੀ ਦੀ ਇਕ ਟਿਕਟ 4,999 ਰੁਪਏ ਦੀ ਹੈ। ਗੋਲਡ ਟਿਕਟਾਂ ਵੀ ਬਹੁਤਾ ਸਮਾਂ ਨਹੀਂ ਟਿਕ ਸਕੀਆਂ ਅਤੇ 6 ਮਿੰਟਾਂ ’ਚ ਨਿਬੜ ਗਈਆਂ। ਮੁੰਬਈ ’ਚ ਦਿਲਜੀਤ ਦੇ ਪ੍ਰਸ਼ੰਸਕ ਉਸ ਦੇ ਇਸ ਸ਼ੋਅ ਨੂੰ ਬੇਸਬਰੀ ਨਾਲ ਉਡੀਕ ਰਹੇ ਹਨ।
