ਏ ਪੀ ਢਿੱਲੋਂ ਫੋਰਬਸ ਇੰਡੀਆ ਦੀ ਸੂਚੀ ਵਿਚ ਸ਼ਾਮਿਲ

ਫੋਰਬਸ ਇੰਡੀਆ ਨੇ ਸਾਲ 2022 ਲਈ ਆਪਣੀ 30 ਅੰਡਰ 30 ਲਿਸਟ ਜਾਰੀ ਕੀਤੀ ਹੈ ਜਿਸ ਵਿਚ ਗਾਇਕ ਏ ਪੀ ਢਿੱਲੋਂ ਆਪਣੀ ਥਾਂ ਬਣਾਉਣ ਵਾਲਾ ਇਕਲੌਤਾ ਪੰਜਾਬੀ ਗਾਇਕ ਬਣ ਗਿਆ ਹੈ। ਇਸ ਸੂਚੀ ਵਿਚ ਭਾਰਤ ਦੇ ਉੱਦਮੀਆਂ, ਪ੍ਰਭਾਵਿਤ ਕਰਨ ਵਾਲੀਆਂ ਸ਼ਖ਼ਸੀਅਤਾਂ, ਕਲਾਕਾਰਾਂ ਅਤੇ ਸੰਗੀਤਕਾਰਾਂ ਨੂੰ ਸ਼ਾਮਿਲ ਕੀਤਾ ਜਾਂਦਾ ਹੈ ਜਿਨ੍ਹਾਂ ਆਪੋ ਆਪਣੇ ਖਿੱਤੇ ਵਿਚ ਖ਼ਾਸ ਮੁਕਾਮ ਹਾਸਲ ਕੀਤਾ ਹੋਵੇ। ਇਸ ਸੂਚੀ ਵਿਚ ਏਪੀ ਢਿੱਲੋਂ 22ਵੇਂ ਨੰਬਰ 'ਤੇ ਆਇਆ ਹੈ।

ਹਰ ਸਾਲ ਫੋਰਬਸ ਹਰ ਖੇਤਰ ਵਿਚ ਸਭ ਤੋਂ ਵਧੀਆ ਪਛਾਣ ਬਣਾਉਣ ਵਾਲਿਆਂ ਦੀ ਆਪਣੀ 30 ਅੰਡਰ 30 ਸੂਚੀ ਜਾਰੀ ਕਰਦਾ ਹੈ। ਢਿੱਲੋਂ ਆਪਣੀ ਟੀਮ ਗੁਰਿੰਦਰ ਗਿੱਲ ਅਤੇ ਸਿ਼ੰਦਾ ਕਾਹਲੋਂ ਨਾਲ ਪਿਛਲੇ ਕਾਫੀ ਸਮੇਂ ਤੋਂ ਚਰਚਾ ਵਿਚ ਬਣਿਆ ਹੋਇਆ ਹੈ। 2021 ਵਿਚ ਭਾਰਤ ਵਿਚ ਉਨ੍ਹਾਂ ਦਾ ਟੇਕਓਵਰ ਟੂਰ ਬਹੁਤ ਸਫਲ ਰਿਹਾ ਸੀ। ਇਸ ਤੋਂ ਬਾਅਦ ਉਨਾਂ ਦਾ ਇਕ ਸਾਲ ਪੁਰਾਣਾ ਗੀਤ 'ਐਕਸਕਿਊਜ਼' ਹਰ ਪਾਸੇ ਵਾਇਰਲ ਹੋ ਗਿਆ, ਜੋ ਉਨ੍ਹਾਂ ਨੂੰ ਕੌਮਾਂਤਰੀ ਪ੍ਰਸਿੱਧੀ ਤੱਕ ਲੈ ਗਿਆ।