ਏ.ਪੀ. ਢਿੱਲੋਂ ਨੇ ਹਨੀ ਸਿੰਘ ਨਾਲ ਦਿੱਤੀ ਪੇਸ਼ਕਾਰੀ

ਪੰਜਾਬੀ ਗਾਇਕ ਏ.ਪੀ. ਢਿੱਲੋਂ ਨੇ ਨਵੀਂ ਦਿੱਲੀ ’ਚ ਇਕ ਨਾ ਭੁੱਲਣ ਵਾਲੀ ਪੇਸ਼ਕਾਰੀ ਦਿੱਤੀ ਹੈ, ਜਿਸ ਦੀ ਹਰ ਪਾਸਿਓਂ ਭਰਪੂਰ ਪ੍ਰਸ਼ੰਸਾ ਹੋਈ। ਹਜ਼ਾਰਾਂ ਦੀ ਗਿਣਤੀ ’ਚ ਜੁੜੇ ਦਰਸ਼ਕਾਂ ਨੇ ਇਸ ਪੇਸ਼ਕਾਰੀ ਦਾ ਅਤੇ ਲਾਮਿਸਾਲ ਸ਼ੋਅ ਦਾ ਆਨੰਦ ਮਾਣਿਆ।

‘ਦਿ ਬਰਾਊਨ ਪਿ੍ਰੰਟ ਟੂਰ ਦੀ ਪੇਸ਼ਕਾਰੀ ’ਚ ਪੇਜ਼ ’ਤੇ ਇਕ ਰੋਮਾਂਚਕ ਮਾਹੌਲ ਬਣ ਗਿਆ, ਜਦੋਂ ਸੰਗੀਤ ਖ਼ੇਤਰ ਦੀਆਂ ਉੱਘੀਆਂ ਸ਼ਖ਼ਸੀਅਤਾਂ ਯੋ-ਯੋ ਹਨੀ ਸਿੰਘ, ਜੈਜ਼ੀ ਬੀ ਅਤੇ ਸ਼ਿੰਦਾ ਕਾਹਲੋਂ ਨੇ ਏ.ਪੀ. ਢਿੱਲੋਂ ਨਾਲ ਮਿਲ ਕੇ ਸ਼ਿਰਕਤ ਕੀਤੀ।

ਇਸ ਸ਼ਾਨਦਾਰ ਆਯੋਜਨ ’ਚ ਦਰਸ਼ਕਾਂ ਦਾ ਉਤਸ਼ਾਹ ਉਸ ਵੇਲੇ ਸਿਖਰਾਂ ਨੂੰ ਛੂਹ ਗਿਆ। ਜੈਜ਼ੀ ਬੀ ਨੇ ਆਪਣੇ ‘ਜਿਹਨੇ ਮੇਰਾ ਦਿਲ ਲੁੱਟਿਆ’ ਨਾਲ ਮਾਹੌਲ ’ਚ ਇਕ ਵੱਖਰਾ ਰੰਗ ਭਰਿਆ, ਜਦੋਂਕਿ ਕਿ ਹਨੀ ਸਿੰਘ ਨੇ ਆਪਣੇ ਚਰਚਿਤ ਟਰੈਕ ਮਿਲੀਅਨ ਏਅਰ ਨਾਲ ਦਰਸ਼ਕਾਂ ਨੂੰ ਪੂਰੀ ਤਰ੍ਹਾਂ ਕੀਲ ਲਿਆ।

ਏ.ਪੀ. ਢਿੱਲੋਂ ਨੇ ਇਸ ਟੂਰ ਦਾ ਐਲਾਨ ਬੀਤੇ ਸਤੰਬਰ ’ਚ ਕੀਤਾ ਸੀ, ਜਿਹੜਾ ਕਿ 21 ਦਸੰਬਰ ਨੂੰ ਚੰਡੀਗੜ੍ਹ ’ਚ ਸੰਪੂਰਨ ਹੋਵੇਗਾ।