ਏ.ਆਰ ਰਹਿਮਾਨ ਨੇ ਜਿੱਤਿਆ ਹਾਲੀਵੁੱਡ ਐਵਾਰਡ

ਆਸਕਰ ਅਤੇ ਗਰੈਮੀ ਵਰਗੇ ਵੱਕਾਰੀ ਐਵਾਰਡਾਂ ਦੇ ਜੇਤੂ ਉੱਘੇ ਸੰਗੀਤਕਾਰ ਏ.ਆਰ ਰਹਿਮਾਨ ਇਨ੍ਹੀਂ ਦਿਨੀ ਇਕ ਹੋਰ ਪ੍ਰਾਪਤੀ ਦੇ ਜਸ਼ਨ ਮਨਾ ਰਹੇ ਹਨ। ਏ.ਆਰ ਰਹਿਮਾਨ ਨੂੰ ਹੁਣ ਇਕ ਮਲਿਆਲਮ ਫ਼ਿਲਮ ’ਚ ਦਿੱਤੇ ਗਏ ਕਮਾਲ ਦੇ ਸੰਗੀਤਕਾਰ ‘ਦਿ ਗੋਟ ਲਾਈਫ’ ਲਈ 2024 ਦਾ ਹਾਲੀਵੁੱਡ ਮਿਊਜ਼ਿਕ ਇਨ ਮੀਡੀਆ ਐਵਾਰਡਜ਼ ਪ੍ਰਾਪਤ ਕੀਤਾ ਹੈ।

ਰਹਿਮਾਨ ਨੂੰ ਵਿਦੇਸ਼ੀ ਭਾਸ਼ਾ ਦੀ ਸੁਤੰਤਰ ਫਿਲਮ ਕੈਟਾਗਰੀ ਲਈ ਟਰਾਫੀ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਸੰਬੰਧ ’ਚ ਲਾਸ ਏਂਜਲਸ ਦੇ ਐਵਲਾਨ ਥੀਏਟਰ ’ਚ ਇਕ ਸ਼ਾਨਦਾਰ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ ਸੀ। ਰਹਿਮਾਨ ਨੇ ਨਿੱਜੀ ਤੌਰ ’ਤੇ ਸ਼ਿਰਕਤ ਨਹੀ ਕੀਤੀ , ਜਿਸ ਕਾਰਨ ਉਸ ਦਾ ਐਵਾਰਡ ਫਿਲਮ ਦੇ ਨਿਰਦੇਸ਼ਕ ਬਲੈਸੀ ਨੇ ਪ੍ਰਾਪਤ ਕੀਤਾ।