ਅਰਿਜੀਤ ਸਿੰਘ 151 ਮਿਲੀਅਨ ਪ੍ਰਸ਼ੰਸਕਾਂ ਨਾਲ ਲੋਕਪ੍ਰਿਅਤਾ ਦੇ ਸਿਖਰ 'ਤੇ

ਬਾਲੀਵੁੱਡ ਦੇ ਪ੍ਰਸਿੱਧ ਗਾਇਕ ਅਰਿਜੀਤ ਸਿੰਘ ਸਪੋਟੀਫਾਈ 'ਤੇ 151 ਮਿਲੀਅਨ ਤੋਂ ਵੱਧ ਪ੍ਰਸ਼ੰਸਕਾਂ ਕਾਰਨ ਸੰਸਾਰ 'ਚ ਸੋਸ਼ਲ ਮੀਡੀਆ 'ਤੇ ਸਭ ਤੋਂ ਵੱਧ ਫੋਲੋ ਕੀਤਾ ਜਾਣ ਵਾਲਾ ਕਲਾਕਾਰ ਬਣ ਗਿਆ ਹੈ। ਹਾਲ ਹੀ 'ਚ ਵੋਲਟ ਐਫ ਐਮ 'ਤੇ ਤਾਜ਼ਾ ਸਰਵੇ ਅਨੁਸਾਰ ਅਰਿਜੀਤ ਨੇ ਪ੍ਰਸ਼ੰਸਾ ਦੇ ਖੇਤਰ 'ਚ ਨਵਾਂ ਮੀਲ ਪੱਥਰ ਕਾਇਮ ਕੀਤਾ ਹੈ। ਉਸ ਨੇ ਟ੍ਰੇਲਰ ਸਵਿੱਫਟ (139.6 ਮਿਲੀਅਨ), ਐਡ ਸ਼ੀਰਨ (121 ਮਿਲੀਅਨ), ਬਿਲੀ ਆਈਲਿਸ਼ (114 ਮਿਲੀਅਨ), ਅਤੇ ਦਿ ਵੀਕਐਂਡ (107.3 ਮਿਲੀਅਨ) ਵਰਗੇ ਕੌਮਾਂਤਰੀ ਸਿਤਾਰਿਆਂ ਨੂੰ ਪਿੱਛੇ ਛੱਡ ਦਿੱਤਾ ਹੈ।

'ਕੇਸਰੀਆ', 'ਤੁਮ ਹੀ ਹੋ' ਅਤੇ 'ਉੱਲੂ ਕਾ ਪੱਠਾ' ਵਰਗੀਆਂ ਹਿੱਟ ਫਿਲਮਾਂ ਲਈ ਪ੍ਰਸਿੱਧੀ ਹਾਸਲ ਕਰਨ ਵਾਲੇ ਅਰਿਜੀਤ ਇਸ ਮੰਚ 'ਤੇ 100 ਮਿਲੀਅਨ ਫੋਲੋਅਰਜ਼ ਨੂੰ ਪਾਰ ਕਰਨ ਵਾਲੇ ਪਹਿਲੇ ਭਾਰਤੀ ਕਲਾਕਾਰ ਵੀ ਬਣੇ ਸਨ। 2024 'ਚ ਉਹ ਐਡ ਸ਼ੀਰਨ ਅਤੇ ਟੇਲਰ ਸਵਿਫਟ ਤੋਂ ਬਾਅਦ ਕੌਮਾਂਤਰੀ ਪੱਧਰ 'ਤੇ ਤੀਜਾ ਪਾਇਦਾਨ ਹਾਸਲ ਕਰਨ ਵਾਲਾ ਕਲਾਕਾਰ ਬਣ ਗਿਆ ਸੀ।ਉਸ ਦੇ ਤਾਜ਼ਾ ਗੀਤਾਂ 'ਚ ਜਿੰਨ ਮੇ ਜ਼ਮਾਨਾ ਲੱਗੇ ਅਤੇ ਔਰ ਮੁਹੱਬਤ ਕਿਤਨੀ ਕਰੂੰ ਵਰਗੇ ਟਰੈਕ ਸ਼ਾਮਲ ਹਨ।

ਸਪੋਟੀਫਾਈ ਦੇ 99 ਸਭ ਤੋਂ ਵੱਧ ਪਸੰਦ ਕੀਤੇ ਜਾਣ ਵਾਲਾ ਕਲਾਕਾਰਾਂ ਦੀ ਸੂਚੀ 'ਚ 11 ਹੋਰ ਭਾਰਤੀ ਵੀ ਸ਼ਾਮਲ ਹਨ। ਇਨ੍ਹਾਂ 'ਚ ਏ.ਆਰ ਰਹਿਮਾਨ 14ਵੇਂ, ਪ੍ਰੀਤਮ 21, ਨੇਹਾ ਕੱਕੜ 25ਵੇਂ, ਸਿੱਧੂ ਮੂਸੇਵਾਲਾ 31ਵੇਂ, ਅਨਿਰੁਧ ਰਵੀਚੰਦਰ 37ਵੇਂ , ਦਿਲਜੀਤ ਦੋਸਾਂਝ 56ਵੇਂ, ਸ਼੍ਰੇਆ ਘੋਸ਼ਾਲ 61ਵੇਂ , ਬਾਦਸ਼ਾਹ 67ਵੇਂ , ਦਰਸ਼ਨ ਰਾਵਲ 76ਵੇਂ , ਅਤੇ ਅਰਮਾਨ ਮਲਿਕ 88ਵੇਂ ਸਥਾਨ ਤੇ ਸਥਿਤ ਹਨ।