ਮਸ਼ਹੂਰ ਗਾਇਕ ਦੀ ਅਚਾਨਕ ਵਿਗੜੀ ਸਿਹਤ, ਸਾਰੇ ਲਾਈਵ ਸ਼ੋਅ ਰੱਦ

ਅਰਿਜੀਤ ਸਿੰਘ ਦੀ ਇੱਕ ਪੋਸਟ ਨੇ ਪ੍ਰਸ਼ੰਸਕਾਂ ਨੂੰ ਪਰੇਸ਼ਾਨ ਕਰ ਦਿੱਤਾ ਹੈ। ਇਸ ਪੋਸਟ ਮੁਤਾਬਕ ਅਰਿਜੀਤ ਦਾ ਮੈਡੀਕਲ ਕਰਵਾਇਆ ਜਾ ਰਿਹਾ ਹੈ, ਜਿਸ ਕਾਰਨ ਉਸ ਨੇ ਬ੍ਰਿਟੇਨ ‘ਚ ਹੋਣ ਵਾਲਾ ਆਪਣਾ ਕੰਸਰਟ ਰੱਦ ਕਰ ਦਿੱਤਾ ਹੈ।

ਇਹ ਕੰਸਰਟ 11 ਅਗਸਤ ਤੋਂ ਬਰਤਾਨੀਆ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਹੋਣਾ ਸੀ। ਅਰਿਜੀਤ ਨੇ ਕੰਸਰਟ ਰੱਦ ਕਰਨ ਲਈ ਪ੍ਰਸ਼ੰਸਕਾਂ ਤੋਂ ਮੁਆਫੀ ਮੰਗੀ ਹੈ ਅਤੇ ਇਸ ਨੂੰ ਮੁਲਤਵੀ ਕਰਨ ‘ਤੇ ਦੁੱਖ ਵੀ ਜ਼ਾਹਰ ਕੀਤਾ ਹੈ। ਉਨ੍ਹਾਂ ਨੇ ਇਸ ਪੋਸਟ ‘ਚ ਪ੍ਰਸ਼ੰਸਕਾਂ ਲਈ ਇੱਕ ਸੰਦੇਸ਼ ਵੀ ਲਿਖਿਆ ਹੈ।

ਅਰਿਜੀਤ ਸਿੰਘ ਨੇ ਲਿਖਿਆ, “ਪਿਆਰੇ ਪ੍ਰਸ਼ੰਸਕ, ਮੈਨੂੰ ਇਹ ਦੱਸਦੇ ਹੋਏ ਦੁੱਖ ਹੋ ਰਿਹਾ ਹੈ ਕਿ ਮੈਨੂੰ ਅਚਾਨਕ ਡਾਕਟਰੀ ਇਲਾਜ ਦੀ ਲੋੜ ਪੈ ਗਈ ਹੈ, ਜਿਸ ਕਾਰਨ ਮੈਨੂੰ ਅਗਸਤ ਦੇ ਕੰਸਰਟ ਨੂੰ ਮੁਲਤਵੀ ਕਰਨ ਲਈ ਮਜ਼ਬੂਰ ਹੋਣਾ ਪਿਆ ਹੈ। ਮੈਂ ਜਾਣਦਾ ਹਾਂ ਕਿ ਤੁਸੀਂ ਇਨ੍ਹਾਂ ਸ਼ੋਅ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹੋ। ਪਰ ਮੈਂ ਇਹ ਸ਼ੋਅ ਮੁਲਤਵੀ ਕਰਨ ਲਈ ਦਿਲੋਂ ਮੁਆਫੀ ਮੰਗਦਾ ਹਾਂ, ਤੁਹਾਡਾ ਪਿਆਰ ਅਤੇ ਸਮਰਥਨ ਮੈਨੂੰ ਤਾਕਤ ਦੇਵੇਗਾ।

ਅਰਿਜੀਤ ਸਿੰਘ ਨੇ ਅੱਗੇ ਲਿਖਿਆ, “ਆਓ ਇਸ ਠਹਿਰਾਅ ਨੂੰ ਹੋਰ ਵੀ ਵਧੀਆ ਅਤੇ ਜਾਦੂਈ ਸਮਾਗਮ ਬਣਾਉਣ ਦਾ ਵਾਅਦਾ ਕਰੀਏ।”ਅਰਿਜੀਤ ਨੇ ਮੁਲਤਵੀ ਹੋਏ ਸ਼ੋਅ ਦੀਆਂ ਨਵੀਆਂ ਤਰੀਕਾਂ ਬਾਰੇ ਦੱਸਿਆ ਹੈ। ਉਸ ਨੇ ਦੱਸਿਆ ਕਿ ਉਸ ਦਾ ਕੰਸਰਟ 15 ਸਤੰਬਰ ਨੂੰ ਲੰਡਨ, 16 ਸਤੰਬਰ ਨੂੰ ਬਰਮਿੰਘਮ, 19 ਸਤੰਬਰ ਨੂੰ ਰੋਟਰਡਮ ਅਤੇ 22 ਨੂੰ ਮਾਨਚੈਸਟਰ ਵਿਖੇ ਹੋਵੇਗਾ। ਇਸ ਤੋਂ ਇਲਾਵਾ ਅਰਿਜੀਤ ਨੇ ਪ੍ਰਸ਼ੰਸਕਾਂ ਦੇ ਸਬਰ ਲਈ ਧੰਨਵਾਦ ਵੀ ਕੀਤਾ।