ਬੀ ਪਰਾਕ ਨੇ ਲਿਆ ਯੂ-ਟਰਨ, ਜਾਣੋਂ ਕਿੱਦਾ ਤੇ ਕਿਵੇਂ

ਪੰਜਾਬੀ ਮਿਊਜ਼ਿਕ ਪ੍ਰੋਡਿਊਸਰ ਤੇ ਗਾਇਕ ਬੀ ਪਰਾਕ, ਜਿਨ੍ਹਾਂ ਨੇ ਪਹਿਲਾਂ ਰਣਵੀਰ ਦੇ ਵਿਵਾਦਿਤ ਬਿਆਨ ਦੀ ਤਿੱਖੀ ਆਲੋਚਨਾ ਕਰਦਿਆਂ ਇਸ ਨੂੰ "ਘਟੀਆ" ਕਰਾਰ ਦਿੱਤਾ ਸੀ ਅਤੇ ਇਸ ਕਾਰਨ ਉਹ ਰਣਵੀਰ ਦੇ ਪੌਡਕਾਸਟ 'ਚ ਜਾਣ ਤੋਂ ਵੀ ਪਿੱਛੇ ਹਟ ਗਏ ਸਨ, ਹੁਣ ਥੋੜੇ ਨਰਮ ਦਿਖਾਈ ਦੇ ਰਹੇ ਹਨ।

ਹਾਲ ਹੀ 'ਚ ਦਿੱਤੀ ਇੱਕ ਇੰਟਰਵਿਊ ਦੌਰਾਨ, ਬੀ ਪਰਾਕ ਨੇ ਰਣਵੀਰ ਦੇ ਪੌਡਕਾਸਟ ਨਾਲ ਜੁੜੀਆਂ ਅਟਕਲਾਂ ਤੇ ਚੁੱਪੀ ਤੋੜੀ। ਉਨ੍ਹਾਂ ਨੇ ਦੱਸਿਆ ਕਿ ਉਹ ਇਸ ਸ਼ੋਅ ‘ਚ ਜਾਣ ਲਈ ਪਹਿਲਾਂ ਹੀ ਇਛੁੱਕ ਸਨ ਅਤੇ ਪਿਛਲੇ ਛੇ-ਸੱਤ ਮਹੀਨਿਆਂ ਤੋਂ ਦੋਵਾਂ ਪੱਖਾਂ ਦੀਆਂ ਟੀਮਾਂ ਦੀਆਂ ਗੱਲਬਾਤਾਂ ਚੱਲ ਰਹੀਆਂ ਸਨ। “ਮੈਨੂੰ ਉਸਦੇ ਪੌਡਕਾਸਟ ਵੇਖਣੇ ਪਸੰਦ ਨੇ ਤੇ ਮੈਂ ਵੀ ਇਸ ਦਾ ਹਿੱਸਾ ਬਣਨਾ ਚਾਹੁੰਦਾ ਸੀ। ਅਸੀਂ ਮਿਤੀਆਂ ਤੈਅ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸਾਂ, ਪਰ ਕਦੇ ਉਹ ਟੂਰ 'ਤੇ ਸੀ, ਤੇ ਕਦੇ ਮੈਂ ਮਸਰੂਫ਼ ਸੀ,” ਉਨ੍ਹਾਂ ਨੇ ਸਾਫ਼ ਕੀਤਾ।

ਪਹਿਲਾਂ ਰਣਵੀਰ ਦੀ ਆਲੋਚਨਾ ਕਰਨ ਵਾਲੇ ਬੀ ਪਰਾਕ ਹੁਣ ਨਰਮੀ ਵੱਲ ਵਧ ਰਹੇ ਹਨ, ਜਿਸ ਕਾਰਨ ਉਨ੍ਹਾਂ ਦੇ ਇਸ "ਯੂ-ਟਰਨ" ਦੀ ਚਰਚਾ ਜੋਰਾਂ 'ਚ ਹੈ।