ਚਾਹਤ ਫਤਿਹ ਅਲੀ ਖਾਨ ਦਾ 'Bado Badi' ਗੀਤ ਯੂਟਿਊਬ ਤੋਂ ਡਿਲੀਟ

ਜੇਕਰ ਤੁਸੀਂ ਇੰਸਟਾਗ੍ਰਾਮ ਯੂਜ਼ਰ ਹੋ ਤਾਂ ਤੁਸੀਂ 'Bado Badi' ਗੀਤ ਦੀਆਂ ਰੀਲਾਂ ਜ਼ਰੂਰ ਦੇਖੀਆਂ ਹੋਣਗੀਆਂ। ਜਿਸ ’ਚ ਪਾਕਿਸਤਾਨੀ ਗਾਇਕ ਚਾਹਤ ਫਤਿਹ ਅਲੀ ਖਾਨ 'Bado Badi' ਗੀਤ ਗਾ ਰਹੇ ਹਨ। ਇਸ ਤੋਂ ਪਹਿਲਾਂ ਇਹ ਗੀਤ ਯੂਟਿਊਬ ’ਤੇ ਆਇਆ ਸੀ। ਜਿਸ ਤੋਂ ਬਾਅਦ ਇਹ ਰੀਲਾਂ ’ਚ ਵਾਇਰਲ ਹੋ ਗਿਆ ਅਤੇ ਅੱਜ ਵੀ ਇਸ ਦੀਆਂ ਰੀਲਾਂ ਦੇਖੀਆਂ ਜਾ ਸਕਦੀਆਂ ਹਨ। ਚਾਹਤ ਫਤਿਹ ਅਲੀ ਖਾਨ ਦੇ ਇਸ ਅਕਾਊਂਟ ’ਤੇ ਹੁਣ ਯੂਟਿਊਬ ਨੇ ਵੱਡੀ ਕਾਰਵਾਈ ਕੀਤੀ ਹੈ।

ਯੂਟਿਊਬ ਨੇ ਪਾਕਿਸਤਾਨੀ ਗਾਇਕ ਦਾ ਗੀਤ ਡਿਲੀਟ ਕਰ ਦਿੱਤਾ ਹੈ। ਇਸ ਨੂੰ ਇੱਕ ਮਹੀਨੇ ਵਿੱਚ ਲਗਭਗ 28 ਮਿਲੀਅਨ ਵਿਊਜ਼ ਸਨ। ਯੂਟਿਊਬ ਨੇ ਕਾਪੀਰਾਈਟ ਦੀ ਉਲੰਘਣਾ ਕਾਰਨ ਇਸ ਨੂੰ ਮਿਟਾ ਦਿੱਤਾ ਹੈ। ਕੁਝ ਦਿਨ ਪਹਿਲਾਂ ਚਾਹਤ ਫਤਿਹ ਅਲੀ ਖਾਨ ਨੇ ਕਿਹਾ ਸੀ ਕਿ ਇਹ ਉਨ੍ਹਾਂ ਦਾ ਅਸਲੀ ਗੀਤ ਹੈ ਪਰ ਹੁਣ ਕਾਪੀਰਾਈਟ ਕਾਰਨ ਇਸ ਨੂੰ ਹਟਾ ਦਿੱਤਾ ਗਿਆ ਹੈ।

ਖਬਰਾਂ ਮੁਤਾਬਕ ਬਦੋ ਬਦੀ ਗੀਤ 1973 ’ਚ ਰਿਲੀਜ਼ ਹੋਈ ਫਿਲਮ ਬਨਾਰਸੀ ਠੱਗ ਦਾ ਹੈ। ਇਸ ਗੀਤ ਨੂੰ ਮਸ਼ਹੂਰ ਗਾਇਕਾ ਨੂਰ ਜਹਾਂ ਨੇ ਗਾਇਆ ਸੀ। ਪਿਛਲੇ ਮਹੀਨੇ ਚਾਹਤ ਫਤਿਹ ਅਲੀ ਖਾਨ ਦੇ ਅਧਿਕਾਰਤ ਚੈਨਲ ’ਤੇ ਰਿਲੀਜ਼ ਹੋਏ, ਇਸ ਗੀਤ ਨੇ ਭਾਰਤ ਵਿਚ ਵੀ ਬਹੁਤ ਪ੍ਰਸਿੱਧੀ ਹਾਸਲ ਕੀਤੀ ਹੈ ਅਤੇ ਆਨਲਾਈਨ ਹਲਚਲ ਮਚਾ ਦਿੱਤੀ ਹੈ।