7.19C Vancouver 7.19C VancouverNov 22, 2024 6:26 PM - Connect Newsroom
1999 ਦੀ ਬਲਾਕਬਸਟਰ ‘ਬੀਵੀ ਨੰਬਰ 1’ 25 ਸਾਲਾਂ ਬਾਅਦ ਵੱਡੇ ਪਰਦੇ ’ਤੇ ਸ਼ਾਨਦਾਰ ਵਾਪਸੀ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਕਾਮੇਡੀ ਫਿਲਮ 29 ਨਵੰਬਰ ਨੂੰ ਸਿਨੇਮਾਘਰਾਂ ’ਚ ਰਿਲੀਜ਼ ਹੋਵੇਗੀ। ਮੇਕਰਸ ਨੇ ਇਹ ਖੁਸ਼ਖਬਰੀ ਇੰਸਟਾਗ੍ਰਾਮ ’ਤੇ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ‘ਇਹ ਅਧਿਕਾਰਤ ਹੈ’! ‘ਬੀਵੀ ਨੰਬਰ 1 ਦਾ ਟ੍ਰੇਲਰ ਹੁਣ ਰਿਲੀਜ਼ ਹੋ ਗਿਆ ਹੈ! ਡੇਵਿਡ ਧਵਨ ਸਭ ਤੋਂ ਵੱਡੇ ਐਂਟਰਟੇਨਰ ਨਾਲ ਇਕ ਵਾਰ ਫਿਰ ਪਰਦੇ ’ਤੇ ਆਉਣ ਲਈ ਤਿਆਰ ਹਨ।
‘ਬੀਵੀ ਨੰਬਰ 1’ ’ਚ ਸਿਤਾਰੇ ਸਲਮਾਨ ਖਾਨ, ਸੁਸ਼ਮਿਤਾ ਸੇਨ, ਕਰਿਸ਼ਮਾ ਕਪੂਰ, ਅਨਿਲ ਕਪੂਰ ਅਤੇ ਤੱਬੂ ਹਨ। ਦਰਸ਼ਕਾਂ ਨੂੰ ਫਿਲਮ ’ਚ ਹਾਸੇ ਦੇ ਨਾਲ-ਨਾਲ ਰੋਮਾਂਸ ਅਤੇ ਰਿਸ਼ਤਿਆਂ ਦੀ ਕਹਾਣੀ ਦੇਖਣ ਨੂੰ ਮਿਲੇਗੀ। ਮੇਕਰਸ ਨੇ ਫਿਲਮ ਦਾ ਜ਼ਬਰਦਸਤ ਟ੍ਰੇਲਰ ਵੀ ਰਿਲੀਜ਼ ਕੀਤਾ ਹੈ। ਜਿਸ ਵਿੱਚ ਕਲਟ ਫਿਲਮ ਦੀ ਝਲਕ ਦੇਖਣ ਨੂੰ ਮਿਲੀ। ‘ਬੀਵੀ ਨੰਬਰ 1’ ਦੇ ਗੀਤ ‘ਚੁਨਰੀ ਚੁਨਾਰੀ’ ਅਤੇ ‘ਇਸ਼ਕ ਸੋਨਾ’ ਅੱਜ ਤੱਕ ਦਰਸ਼ਕਾਂ ਵੱਲੋਂ ਖੂਬ ਪਸੰਦ ਕੀਤੇ ਜਾ ਰਹੇ ਹਨ।
