ਬਾਲੀਵੁੱਡ ਵਿੱਚ ਅਭਿਨੇਤਰੀਆਂ ਫਿਲਮ ਕਰਨ ਵਾਸਤੇ ਵਸੂਲ ਰਹੀਆਂ ਭਾਰੀ ਰਕਮ

ਬਾਲੀਵੁੱਡ ਵਿੱਚ ਅਭਿਨੇਤਰੀਆਂ ਫਿਲਮ ਕਰਨ ਵਾਸਤੇ ਭਾਰੀ ਰਕਮ ਵਸੂਲ ਕਰ ਰਹੀਆਂ ਹਨ। 2026 ਦੇ ਸਾਲ ਵਿੱਚ ਕਈ ਅਭਿਨੇਤਰੀਆਂ ਨੇ ਇਨੀਂ ਜ਼ਿਆਦਾ ਫੀਸ ਵਸੂਲੀ ਕਿ ਉਨ੍ਹਾਂ ਦੇ ਪ੍ਰਸ਼ੰਸਕ ਸੁਣ ਕੇ ਹੈਰਾਨ ਰਹਿ ਜਾਣਗੇ। ਸਭ ਤੋਂ ਮਹਿੰਗੀਆਂ ਅਭਿਨੇਤੀਆਂ ਵਿੱਚ ਇਕ ਨਾਂਅ ਪ੍ਰਿਅੰਕਾ ਚੋਪੜਾ ਦਾ ਹੈ, ਜਿਸ ਨੇ ਰਾਜਾ ਮੌਲੀ ਦੀ ਫਿਲਮ ਵਾਰਾਣਸੀ ਵਿੱਚ 30 ਕਰੋੜ ਰੁਪਏ ਵਸੂਲ ਕੀਤੇ, ਜਦੋਂਕਿ ਹੁਣ ਉਸ ਦੀ ਇਕ ਫਿਲਮ ਦੀ ਫੀਸ 40 ਕਰੋੜ ਰੁਪਏ ਹੋ ਗਈ ਹੈ।

ਦੀਪਿਕਾ ਪਾਦੂਕੌਣ ਵੀ ਇਸ ਮਾਮਲੇ ਵਿਚ ਘੱਟ ਨਹੀਂ। ਉਹ ਵੀ ਇਕ ਫਿਲਮ ਦੇ 25ਤੋਂ 30 ਕਰੋੜ ਵਸੂਲ ਕਰ ਰਹੀ ਹੈ। ਇਕ ਫਿਲਮ ਵਾਸਤੇ 30 ਕਰੋੜ ਰੁਪਏ ਫੀਸ ਲੈਣ ਵਾਲੀ ਇਕ ਹੋਰ ਅਭਿਨੇਤਰੀ ਹੈ ਆਲੀਆ ਭੱਟ।

ਜਾਣਕਾਰੀ ਅਨੁਸਾਰ ਆਲੀਆ ਤਾਂ ਕਈ ਵਾਰ ਫਿਲਮ ਦੇ ਲਾਭ ਵਿੱਚ ਵੀ ਹਿੱਸਾ ਮੰਗ ਲੈਂਦੀ ਹੈ। ਸ਼ਰਧਾ ਕਪੂਰ ਅਤੇ ਕੈਟਰੀਨਾ ਕੈਫ ਵੀ ਅਜਿਹੀਆਂ ਅਭਿਨੇਤੀਆਂ ਹਨ, ਜਿਹੜੀਆਂ ਇਕ-ਇਕ ਫਿਲਮ ਲਈ ਮੋਟੀ ਰਕਮ ਵਸੂਲ ਕਰ ਰਹੀਆਂ ਹਨ।