ਕਰਨ ਔਜਲਾ ਨਾਲ ਜੁੜਨਗੇ ਬਾਲੀਵੁੱਡ ਸਿਤਾਰੇ

ਪੰਜਾਬ ਦੇ ਚਰਚਿਤ ਗਾਇਕ ਕਰਨ ਔਜਲਾ ਦੇ ਵੱਡੀਆਂ ਆਸਾਂ ਵਾਲੇ ‘ਇਟ ਵਾਸ ਆਲ ਏ ਡਰੀਮ 8 ਸਿਟੀ ਅਰੀਨਾ ਟੂਰ’ ਪ੍ਰਤੀ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਬਹੁਤ ਵੱਧ ਰਿਹਾ ਹੈ। ਅਜਿਹੇ ਵੀ ਚਰਚੇ ਹਨ ਕਿ ਬਾਲੀਵੁੱਡ ਸਿਤਾਰੇ ਇਸ ਸ਼ੋਅ ਦੌਰਾਨ ਪੰਜਾਬੀ ਸੰਗੀਤ ਦੇ ਚਰਚਿਤ ਕਲਾਕਾਰ ਕਰਨ ਔਜਲਾ ਨਾਲ ਜੁੜ ਸਕਦੇ ਹਨ।

ਹਾਲਾਂਕਿ ਇਸ ਬਾਰੇ ਅਧਿਕਾਰਤ ਤੌਰ ’ਤੇ ਕੋਈ ਸੂਚੀ ਜਾਰੀ ਨਹੀਂ ਕੀਤੀ ਗਈ ਪਰ ਫਿਰ ਵੀ ਚਰਚਾ ਹੈ ਕਿ ਨੂਰਾ ਫਤੇਹੀ, ਵਿਕੀ ਕੋਸ਼ਲ, ਡਿਵਾਈਨ ਬਾਦਸ਼ਾਹ, ਅਰਜੁਨ, ਰਸ਼ਮਿਕਾ ਮੰਡਾਨਾ ਅਤੇ ਸ਼ਹਿਨਾਜ਼ ਵਰਗੇ ਕਲਾਕਾਰ ਇਸ ਸ਼ੋਅ ’ਚ ਦਰਸ਼ਕਾਂ ਸਾਵੇਂ ਆ ਸਕਦੇ ਹਨ।

ਇਹ ਵੀ ਪਤਾ ਲੱਗਾ ਹੈ ਕਿ ਕੁਝ ਸਿਤਾਰੇ ਮੁੰਬਈ ਅਤੇ ਨਵੀਂ ਦਿੱਲੀ ਦੇ ਸ਼ੋਅ ’ਚ ਸ਼ਿਰਕਤ ਕਰਨਗੇ ਜਦੋਂਕਿ ਵਿੱਕੀ ਕੋਸ਼ਲ ਅਤੇ ਸ਼ਹਿਨਾਜ਼ ਗਿੱਲ ਵਰਗੇ ਪੰਜਾਬੀ ਸੱਭਿਆਚਾਰ ਨਾਲ ਜੁੜੇ ਹੋਏ ਸਿਤਾਰੇ ਚੰਡੀਗੜ੍ਹ ’ਚ ਦਰਸ਼ਕਾਂ ਨੂੰ ਰਮਾਂਚਿਤ ਕਰ ਸਕਦੇ ਹਨ।

ਕਰਨ ਔਜਲਾ ਅਤੇ ਨੂਰਾ ਫਤੇਹੀ ਵਿਚ ਕਾਫੀ ਸਹਿਯੋਗ ਭਰਪੂਰ ਸਾਂਝ ਹੈ। ਇਸ ਦੌਰੇ ਦੌਰਾਨ ਇਸ ਸਾਂਝ ਦੀਆਂ ਕਈ ਹੋਰ ਪਰਤਾਂ ਵੀ ਖੁੱਲ੍ਹ ਸਕਦੀਆ ਹਨ।