ਬੰਟੀ ਤੇ ਸਾਵਨ ਕਰ ਰਹੇ ਸ੍ਰਕੀਨ ’ਤੇ ਜਾਦੂ

ਪੰਜਾਬੀ ਗੀਤਕਾਰ ਅਤੇ ਬੰਟੀ ਬੈਂਸ ਨੇ ਹਾਲ ਹੀ ’ਚ ਪ੍ਰਸਿੰਧ ਪੰਜਾਬੀ ਅਭਿਨੇਤਰੀ ਸਾਵਨ ਰੂਪਾਵਾਲੀ ਨਾਲ ਇਕ ਦਿਲਚਸਪ ਰੀਲ ਇੰਸਟਾਗ੍ਰਾਮ ’ਤੇ ਸਾਂਝੀ ਕੀਤੀ। ਬੰਟੀ ਸੰਗੀਤ ਦੀ ਦੁਨੀਆ ’ਚ ਅਦਾਕਾਰੀ ਦੇ ਖੇਤਰ ’ਚ ਆਪਣੇ ਰਚਨਾਤਮਕ ਹੁਨਰ ਲਈ ਜਾਣਿਆ ਜਾਂਦਾ ਹੈ। ਇੰਸਟਾਗ੍ਰਾਮ ਦੀ ਰੀਲ ’ਚ ਇਸ ਜੋੜੀ ਨੂੰ ਸੁਰਜੀਤ ਬਿੰਦਰੱਖੀਆ ਦੇ ਚਰਚਿਤ ਗੀਤ ਤੂ ਨੀ ਬੋਲਦੀ ਗੀਤ ’ਤੇ ਲਿਪਸਿੰਕਿੰਗ ਕਰਦੇ ਦੇਖਿਆ ਜਾ ਸਕਦਾ ਹੈ।

ਰੀਲ ਭਾਵੇਂ ਹਲਕੀ ਫੁਲਕੀ ਅਤੇ ਸ਼ਰਾਰਤੀ ਕਿਸਮ ਦੀ ਹੈ ਪਰ ਇਸ ਨੇ ਪ੍ਰਸ਼ੰਸਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਖਾਸ ਕਰਕੇ ਉਦੋਂ ਜਦੋਂਕਿ ਬੰਟੀ ਬੈਂਸ ਹੋਰ ਅਭਿਨੇਤਰੀਆਂ ਨਾਲ ਵੀ ਅਜਿਹੀਆਂ ਰੀਲਾਂ ਸ਼ੇਅਰ ਕਰਦਾ ਰਹਿੰਦਾ ਹੈ। ਕੁਝ ਲੋਕ ਇਹ ਵੀ ਅੰਦਾਜ਼ਾ ਲਾ ਰਹੇ ਹਨ ਕਿ ਉਹ ਸ਼ਾਇਦ ਕਿਸੇ ਨਵੇਂ ਪੰਜਾਬੀ ਪ੍ਰਾਜੈਕਟ ਦੀ ਤਿਆਰੀ ਕਰ ਰਿਹਾ ਹੈ।