10.18C Vancouver 10.18C VancouverMay 28, 2025 5:05 PM - Connect Newsroom
ਪੰਜਾਬ ਦੇ ਚਰਚਿਤ ਅਦਾਕਾਰ ਅਤੇ ਗਾਇਕ ਨੇ 10 ਸਾਲਾਂ ਤੋਂ ਵੱਧ ਸਮੇਂ ਦੀ ਆਪਣੀ ਮੈਨੇਜਰ ਸੋਨਾਲੀ ਸਿੰਘ ਨਾਲ ਆਪਣੀ ਸਾਂਝ ਖਤਮ ਕਰ ਦਿੱਤੀ ਹੈ। ਇਸ ਸਬੰਧ 'ਚ ਚਰਚਿਤ ਖ਼ਬਰ ਨੇ ਮਨੋਰੰਜਨ ਉਦਯੋਗ 'ਚ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਇਸ ਸੰਬੰਧ 'ਚ ਕਈ ਤਰ੍ਰਾਂ ਦੀਆਂ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ, ਜਿਨ੍ਹਾਂ ਨੂੰ ਅੱਗੇ ਵਧਾਉਂਦੇ ਹੋਏ ਸੋਨਾਲੀ ਨੇ ਦਿਲਜੀਤ ਨੂੰ ਇੰਸਟਾਗ੍ਰਾਮ 'ਤੇ ਫੋਲੋ ਕਰਨਾ ਛੱਡ ਦਿੱਤਾ ਹੈ।
ਮੈਟ ਗਾਲਾ ਸਮਾਰੋਹ 'ਚ ਦਿਲਜੀਤ ਦੀ ਮੌਜੂਦਗੀ ਸਮੇਂ ਵੀ ਉਹ ਖਾਸ ਤੌਰ 'ਤੇ ਗੈਰ ਹਾਜ਼ਰ ਸੀ। ਨਾ ਉਹ ਸਮਾਰੋਹ 'ਚ ਪਹੁੰਚੀ ਨਾ ਉਸ ਨੇ ਕੋਈ ਪੋਸਟ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ। ਨਤੀਜੇ ਵਜੋ ਦਿਲਜੀਤ ਦੇ ਉਹ ਪ੍ਰਸ਼ੰਸਕ ਬੇਹੱਦ ਹੈਰਾਨ ਹਨ, ਜਿਨ੍ਹਾਂ ਨੇ ਉਸ ਦੇ ਕਰੀਅਰ ਨੂੰ ਬਹੁਤ ਨੇੜਿਓਂ ਫੋਲੋ ਕੀਤਾ ਹੈ। ਲੱਗਦਾ ਹੈ ਕਿ ਦਿਲਜੀਤ ਅਤੇ ਸੋਨਾਲੀ ਦਰਮਿਆਨ ਪੇਸ਼ਾਵਰ ਸੰਬੰਧਾਂ ਨੂੰ ਲੈ ਕੇ ਕੋਈ ਮਾਮਲਾ ਵਾਪਰਿਆ ਹੈ।
ਜ਼ਿਕਰਯੋਗ ਹੈ ਕਿ ਸੋਨਾਲੀ ਨੇ ਦਿਲਜੀਤ ਦੇ ਅਕਸ ਨੂੰ ਕੌਮਾਂਤਰੀ ਰੂਪ 'ਚ ਢਾਲਣ 'ਚ ਅਹਿਮ ਭੂਮਿਕਾ ਨਿਭਾਈ ਹੈ। ਉਸ ਦੀਆਂ ਕੋਸ਼ਿਸ਼ਾਂ ਨੂੰ ਕੌਮਾਂਤਰੀ ਪੱਧਰ 'ਤੇ ਉਦੋਂ ਪਛਾਣ ਮਿਲੀ ਜਦੋਂ ਉਸ ਨੂੰ ਸੰਗੀਤ ਦੇ ਖੇਤਰ 'ਚ ਬਿਲਬੋਰਡ ਦੀ ਗਲੋਬਲ ਮੈਨੇਜਰ ਦਾ ਨਾਂਅ ਦਿੱਤਾ ਗਿਆ। ਦੋਹਾਂ ਦੇ ਸੰਬੰਧ 2013 ਤੋਂ ਸ਼ੁਰੂ ਹੋਏ ਸਨ। ਦਿਲਜੀਤ ਵੀ ਆਪਣੀ ਪ੍ਰਸਿੱਧੀ 'ਚ ਉਸ ਨੂੰ ਕਾਫੀ ਅਹਿਮੀਅਤ ਦਿੰਦਾ ਰਿਹਾ ਹੈ।
