12.42C Vancouver 12.42C VancouverSep 15, 2022 12:33 PM - Agencies
ਪੰਜਾਬੀ ਗਾਇਕ ਤੇ ਅਦਾਕਾਰ ਦਿਲਜੀਤ ਦੋਸਾਂਝ ਦਾ ਕਹਿਣਾ ਹੈ ਕਿ 1984 ਵਿਚ ਜੋ ਵਾਪਰਿਆ ਉਹ ਦੰਗਾ ਨਹੀਂ ਨਸਲਕੁਸ਼ੀ ਸੀ।
ਦੱਸ ਦੇਈਏ ਕਿ ਦੋਸਾਂਝ ਆਪਣੀ ਆਉਣ ਵਾਲੀ ਨੈੱਟਫਲਿਕਸ ਫਿਲਮ ਜੋਗੀ ਦੀ ਪ੍ਰਮੋਸ਼ਨ ਕਰ ਰਹੇ ਹਨ। ਜੋਗੀ 1984 ਦੇ ਸਿੱਖ ਦੰਗਿਆਂ ਅਤੇ ਨਸਲਕੁਸ਼ੀ 'ਤੇ ਆਧਾਰਿਤ ਹੈ।
ਦਿਲਜੀਤ ਨੇ ਕਿਹਾ ਕਿ ਸਾਨੂੰ ਇਸ ਨੂੰ ਦੰਗੇ ਨਹੀਂ ਕਹਿਣਾ ਚਾਹੀਦਾ, ਸਹੀ ਸ਼ਬਦ ਨਸਲਕੁਸ਼ੀ ਹੈ। ਜਦੋਂ ਲੋਕਾਂ ਵਿਚ ਦੋ-ਪੱਖੀ ਲੜਾਈ ਹੁੰਦੀ ਹੈ, ਤਾਂ ਦੰਗਾ ਹੁੰਦਾ ਹੈ। ਮੇਰੇ ਹਿਸਾਬ ਨਾਲ ਇਸ ਨੂੰ ਨਸਲਕੁਸ਼ੀ ਕਿਹਾ ਜਾਣਾ ਚਾਹੀਦਾ ਹੈ।
ਉਨ੍ਹਾਂ ਕਿਹਾ ਕਿ ਜੇ ਮੈਂ ਕੁਝ ਘਟਨਾਵਾਂ ਦੀਆਂ ਗੱਲ ਕਰਾਂ, ਤਾਂ ਇਹ ਨਿੱਜੀ ਹੋਣਗੀਆਂ। ਫਿਲਮ ਵਿਚ ਇਸ ਬਾਰੇ ਸਾਰਾ ਕੁਝ ਹੈ। ਮੈਂ ਇਸ ਬਾਰੇ ਬਚਪਨ ਤੋਂ ਸੁਣਦਾ ਆ ਰਿਹਾ ਹਾਂ ਅਤੇ ਅਜੇ ਵੀ ਇਸ ਨਾਲ ਜੀ ਰਹੇ ਹਾਂ।
ਦਿਲਜੀਤ ਨੇ ਕਿਹਾ ਕਿ ਇਹ ਕੋਈ ਨਵੀਂ ਕਹਾਣੀ ਨਹੀਂ ਹੈ। ਫਿਲਮ ਜੋਗੀ ਵਿਚ ਵੀ ਓਹੀ ਗੱਲਾਂ ਹਨ ਜੋ ਅਸੀਂ ਬਚਪਨ ਤੋਂ ਸੁਣਦੇ ਆ ਰਹੇ ਹਾਂ। ਉਨ੍ਹਾਂ ਕਿਹਾ ਕਿ ਅਸੀਂ ਹਮੇਸ਼ਾ ਇਕਜੁੱਟਤਾ ਦਾ ਸੰਦੇਸ਼ ਦਿੱਤਾ ਹੈ ਪਰ ਸਾਨੂੰ ਇਤਿਹਾਸ ਤੋਂ ਵੀ ਅਜਿਹੇ ਵਿਸ਼ਿਆਂ 'ਤੇ ਫਿਲਮਾਂ ਬਣਾਉਣੀਆਂ ਚਾਹੀਦੀਆਂ ਹਨ।
