ਦਿਲਜੀਤ ਦੋਸਾਂਝ ਅਤੇ ਆਰੀਅਨ ਖਾਨ ਦੇ ਸਹਿਯੋਗ ਵਾਲੇ ਗੀਤ 'ਤੈਨੂੰ ਕੀ ਪਤਾ' ਦੀ ਹਰ ਪਾਸੇ ਗੂੰਜ

'ਦਿ ਬੈਡਜ਼ ਆਫ਼ ਬਾਲੀਵੁੱਡ'ਦੇ ਹਾਲ ਹੀ ਵਿੱਚ ਰਿਲੀਜ਼ ਹੋਏ ਗੀਤ 'ਤੈਨੂੰ ਕੀ ਪਤਾ' ਨੇ ਸੰਗੀਤ ਜਗਤ ਵਿੱਚ ਉਤਸ਼ਾਹ ਦੀ ਲਹਿਰ ਪੈਦਾ ਕਰ ਦਿੱਤੀ ਹੈ। ਇਸ ਟਰੈਕ ਵਿੱਚ ਪੰਜਾਬ ਦੇ ਪ੍ਰਸਿੱਧ ਗਾਇਕ ਦਿਲਜੀਤ ਦੋਸਾਂਝ ਅਤੇ ਬਾਲੀਵੁੱਡ ਦੇ ਮਹਾਨ ਕਲਾਕਾਰ ਸ਼ਾਹਰੁਖ ਖਾਨ ਦੇ ਪੁੱਤਰ ਆਰੀਅਨ ਖਾਨ ਦੇ ਸਹਿਯੋਗ ਦੀ ਇਕ ਮਾਣਮੱਤੀ ਪੇਸ਼ਕਾਰੀ ਹੈ। ਇਸ ਨੇ ਪੰਜਾਬੀ ਭਾਸ਼ਾ ਦਾ ਝੰਡਾ ਵਿਸ਼ਵ ਪੱਧਰ 'ਤੇ ਬੁਲੰਦ ਕੀਤਾ ਹੈ। ਕਈ ਸਾਲਾਂ ਤੋਂ ਬਾਲੀਵੁੱਡ ਵਿੱਚ ਪੰਜਾਬੀ ਦਾ ਸਥਾਨ ਸਿਰਫ ਖਾਸ ਵਿਅੰਗ ਵਾਲੇ ਕਿਰਦਾਰਾਂ ਜਾਂ ਸਭਿੱਆਚਾਰ ਪਿਛੋਕੜ ਵਾਲੇ ਗੀਤਾਂ ਤੱਕ ਹੀ ਸੀਮਿਤ ਸੀ। ਹੁਣ ਕੌਮਾਂਤਰੀ ਮੰਚ 'ਤੇ ਪੰਜਾਬੀ ਅਤੇ ਪੰਜਾਬੀਅਤ ਬੁਲੰਦੀ ਤੱਕ ਪਹੁੰਚ ਰਹੇ ਹਨ।

ਇਸ ਮਹਾਨ ਪ੍ਰਾਪਤ ਅਤੇ ਤਬਦੀਲੀ ਦੇ ਕੇਂਦਰ ਵਿੱਚ ਦਿਲਜੀਤ ਦਾ ਨਾਂਅ ਬੋਲਦਾ ਹੈ। ਦਿਲਜੀਤ ਅਤੇ ਆਰੀਅਨ ਖਾਨ ਦੀ ਇਸ ਪੇਸ਼ਕਾਰੀ ਨੂੰ ਸਾਬਤ ਕਰ ਦਿੱਤਾ ਹੈ ਕਿ ਪੰਜਾਬੀ ਸੰਗੀਤ ਹੁਣ ਖੇਤਰੀ ਹੀ ਨਹੀਂ ਰਿਹਾ ਸਗੋਂ ਗਲੋਬਲ ਬਣ ਗਿਆ ਹੈ।

ਤੈਨੂੰ ਕੀ ਪਤਾ ਦੇ ਰਿਲੀਜ਼ ਪਿੱਛੋਂ ਸ਼ਾਹਰੁਖ ਖਾਨ ਨੇ ਆਪਣੇ ਇਸ ਸੁਨੇਹੇ ਵਿੱਚ ਕਿਹਾ ਦਿਲਜੀਤ ਭਾਜੀ ਦਾ ਦਿਲੋਂ ਧੰਨਵਾਦ ਅਤੇ ਨਿੱਘੀ ਜੱਫੀ ਤੁਸੀਂ ਬਹੁਤ ਦਿਆਲੂ ਅਤੇ ਮਿੱਠ ਬੋਲੜੇ ਹੋ। ਉਮੀਦ ਹੈ ਤੁਹਾਨੂੰ ਆਰੀਅਨ ਨੇ ਤੁਹਾਨੂੰ ਬਹੁਤ ਜ਼ਿਆਦਾ ਪਰੇਸ਼ਾਨ ਨਹੀਂ ਕੀਤਾ। ਤੁਹਾਨੂੰ ਮੇਰੇ ਵਲੋਂ ਪਿਆਰ "ਦਿਲਜੀਤ ਨੇ ਆਪਣੀ ਇਕ ਪੋਸਟ ਵਿੱਚ ਲਿਖਿਆ ਆਰੀਅਨ ਬਹੁਤ ਕਮਾਲ ਦਾ ਗਾਇਕ ਹੈ ਜੇ ਸੰਗੀਤ ਵਿੱਚ ਆ ਗਿਆ ਤਾਂ ਗੱਲਾਂ ਕੋਈ ਹੋਰ ਹੀ ਹੋਣਗੀਆਂ।