ਦਿਲਜੀਤ ਦਾ ਸਟੇਜ ’ਤੇ ਫਿਸਲਿਆ ਪੈਰ

ਪੰਜਾਬੀ ਗਾਇਕ ਤੇ ਅਦਾਕਾਰ ਦਿਲਜੀਤ ਦੋਸਾਂਝ ਲਾਈਵ ਸ਼ੋਅ ਦੌਰਾਨ ਸਟੇਜ ਉਤੇ ਡਿੱਗ ਗਏ। ਹਾਲਾਂਕਿ ਉਨ੍ਹਾਂ ਦਾ ਬਚਾਅ ਰਿਹਾ ਹੈ ਅਤੇ ਉਨ੍ਹਾਂ ਨੇ ਆਪਣਾ ਸ਼ੋਅ ਜਾਰੀ ਰੱਖਿਆ। ਇਸ ਦੀ ਵੀਡੀਓ ਵੀ ਸਾਹਮਣੇ ਆਈ ਹੈ, ਜਿਸ ਵਿਚ ਵੇਖਿਆ ਜਾ ਸਕਦਾ ਹੈ ਕਿ ਉਹ ਗੀਤ ਗਾਉਂਦੇ ਹੋਏ ਅਚਾਨਕ ਸਟੇਜ ਉਤੇ ਡਿੱਗ ਗਏ। ਇਹ ਵੀਡੀਓ ਬਹੁਤ ਤੇਜ਼ੀ ਨਾਲ ਇੰਟਰਨੈੱਟ ’ਤੇ ਵਾਇਰਲ ਹੋ ਰਹੀ ਹੈ।

ਹਾਲ ਹੀ ’ਚ ਗਾਇਕ ਅਹਿਮਦਾਬਾਦ ’ਚ ਸਨ ਜਿੱਥੇ ਇਕ ਗੀਤ ਗਾਉਂਦੇ ਸਮੇਂ ਉਹ ਅਚਾਨਕ ਸਟੇਜ ’ਤੇ ਫਿਸਲ ਗਏ। ਅਦਾਕਾਰਾ ਦਾ ਫਿਸਲਣ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਸ ਨੂੰ ਦੇਖ ਕੇ ਕਈ ਪ੍ਰਸ਼ੰਸਕਾਂ ਨੂੰ ਸਾਲ 2013 ਦੀ ਇੱਕ ਉਹ ਘਟਨਾ ਯਾਦ ਆਈ, ਦਿਲਜੀਤ ਹਨੀ ਸਿੰਘ ਦੇ ਗੀਤ ਗਾਉਂਦੇ ਹੋਏ ਦਿਲਜੀਤ ਸਟੇਜ ’ਤੇ ਡਿੱਗ ਗਏ ਸਨ।

ਦੱਸ ਦੇਈਏ ਕਿ 17 ਨਵੰਬਰ ਨੂੰ ਉਹ ਅਹਿਮਦਾਬਾਦ ’ਚ ਪਰਫਾਰਮ ਕਰ ਰਹੇ ਸੀ, ਜਦੋਂ ਗਾਇਕ ਸਟੇਜ ’ਤੇ ਆਪਣਾ ਹਿੱਟ ਗੀਤ ’ਪਟਿਆਲਾ ਪੈੱਗ’ ਗਾ ਰਹੇ ਸਨ ਤਾਂ ਅਚਾਨਕ ਉਨ੍ਹਾਂ ਦਾ ਪੈਰ ਫਿਸਲ ਗਿਆ। ਦਿਲਜੀਤ ਆਪਣਾ ਸੰਤੁਲਨ ਗੁਆ ​​ਬੈਠੇ ਅਤੇ 2 ਸਕਿੰਟ ਲਈ ਫਿਸਲ ਗਏ। ਹਾਲਾਂਕਿ ਇਸ ਦਾ ਉਨ੍ਹਾਂ ਦੇ ਪ੍ਰਦਰਸ਼ਨ ’ਤੇ ਕੋਈ ਅਸਰ ਨਹੀਂ ਪਿਆ ਅਤੇ ਕੁਝ ਦੇਰ ਰੁਕਣ ਤੋਂ ਬਾਅਦ ਉਨ੍ਹਾਂ ਨੇ ਫਿਰ ਤੋਂ ਗਾਉਣਾ ਸ਼ੁਰੂ ਕਰ ਦਿੱਤਾ।