ਦਿਲਜੀਤ ਦਾ ਨਾਂ ਆਇਆ ਹਿੱਟ ਲਿਸਟ 'ਤੇ

ਹਾਲ ਹੀ ਵਿਚ ਯੂ. ਕੇ. ਨੇ ਵਿਸ਼ਵ ਦੇ ਟੌਪ 50 ਏਸ਼ੀਆਈ ਮਸ਼ਹੂਰ ਹਸਤੀਆਂ ਦੀ ਲਿਸਟ ਜਨਤਕ ਕੀਤੀ ਹੈ, ਅੰਦਾਜ਼ਾ ਲਗਾਓ ਕਿ ਕਿਹੜੀ ਪੰਜਾਬੀ ਸੈਲੀਬ੍ਰਿਟੀ ਨੇ ਇਸ ਨੂੰ ਚੋਟੀ ਦੇ ਸਥਾਨ 'ਤੇ ਜਗਾ ਬਣਾਈ ਹੈ। ਖੈਰ, ਅੰਦਾਜ਼ਾ ਲਗਾਉਣ ਵਿਚ ਕੁਝ ਨਹੀਂ ਜਾਂਦਾ ਪਰ 'ਕਿੰਨੀ' ਫੇਮ ਗਾਇਕ-ਅਦਾਕਾਰ ਦਿਲਜੀਤ ਦੋਸਾਂਝ ਨੇ ਇਸ ਲਿਸਟ ਵਿਟ ਆਪਣੀ ਥਾਂ ਬਣਾਈ ਹੈ।

ਬਾਲੀਵੁੱਡ ਸੁਪਰਸਟਾਰ ਸ਼ਾਹਰੁਖ ਖਾਨ ਜਿਨ੍ਹਾਂ ਨੇ ਪਠਾਨ ਅਤੇ ਜਵਾਨ ਵਰਗੀਆਂ ਹਿੱਟ ਫਿਲਮਾਂ ਦਿੱਤੀਆਂ ਹਨ ਉਹ ਇਸ ਸੂਚੀ ਵਿੱਚ ਸਭ ਤੋਂ ਉੱਪਰ ਹਨ।

ਆਲੀਆ ਭੱਟ ਅਤੇ ਪ੍ਰਿਯੰਕਾ ਚੋਪੜਾ ਜੋਨਸ ਸਮੇਤ ਕਈ ਹੋਰ ਮਸ਼ਹੂਰ ਹਸਤੀਆਂ ਵੀ ਇਸ ਲਿਸਟ ਵਿਚ ਹਨ ਪਰ ਦਿਲਜੀਤ ਦੋਸਾਂਝ ਨੇ ਸਭ ਦਾ ਧਿਆਨ ਖਾਸ ਤੌਰ 'ਤੇ ਖਿੱਚਿਆ ਹੈ।

ਦਿਲਜੀਤ ਦੋਸਾਂਝ ਮੌਜੂਦਾ ਸਮੇਂ ਆਪਣੀ ਆਉਣ ਵਾਲੀ ਫਿਲਮ ਜੱਟ ਐਂਡ ਜੂਲੀਅਟ 3 ਦੀ ਪੰਜਾਬ ਵਿਚ ਸ਼ੂਟਿੰਗ ਕਰ ਰਹੇ ਹਨ। ਇਸ ਫਿਲਮ ਵਿਚ ਉਨ੍ਹਾਂ ਨਾਲ ਨੀਰੂ ਬਾਜਵਾ ਵੀ ਹੈ।

ਬਜਾਏ ਇਸ ਦੀ ਕਿ ਉਹ ਖੁਦ ਦੇ ਗੁਣਗਾਣ ਕਰਨ ਦਿਲਜੀਤ ਨੇ ਟਵਿੱਟਰ 'ਤੇ ਸ਼ਾਹਰੁਖ ਖਾਨ ਨੂੰ ਵਧਾਈ ਦਿੱਤੀ ਹੈ, ਜਿਸ ਨੂੰ ਲੈ ਕੇ ਕਿਹਾ ਜਾ ਸਕਦਾ ਹੈ ਕਿ ਉਹ ਦਿਲ ਦੇ ਬੜੇ ਧਨੀ ਹਨ।