15.28C Vancouver 15.28C VancouverAug 21, 2024 6:20 PM - Connect Newsroom
‘ਫ੍ਰੈਂਡਜ਼’ ਦੇ ਸਟਾਰ ਮੈਥਿਊ ਪੈਰੀ ਦੀ ਮੌਤ ਦੇ ਸੰਬੰਧ ’ਚ ਪੁਲਿਸ ਨੇ 5 ਲੋਕਾਂ ਨੂੰ ਦੋਸ਼ਾਂ ਦੇ ਘੇਰੇ ’ਚ ਲਿਆ ਹੈ। ਮੈਥਿਊ ਪੈਰੀ ਦੀ ਮੌਤ ਅਕਤੂਬਰ 2023 ’ਚ ਕੇਟਾਮਾਈਨ (ਦਰਦ ਨਿਵਾਰਕ ਅਤੇ ਬੇਹੋਸ਼ੀ ਦੀ ਦਵਾ) ਦੇ ਵਧੇਰੇ ਮਾਤਰਾ ’ਚ ਸੇਵਨ ਦੇ ਗੰਭੀਰ ਨਤੀਜਿਆਂ ਵਜੋਂ ਹੋ ਗਈ। ਅਮਰੀਕਾ ਦੇ ਇਕ ਉੱਘੇ ਅਟਾਰਨੀ ਮਾਰਟਿਨ ਐਕਸਟਾਡਾ ਨੇ ਇਕ ਪ੍ਰੈਸ ਕਾਨਫਰੰਸ ਦੌਰਾਨ ਇਨ੍ਹਾਂ 5 ਵਿਅਕਤੀਆਂ ਖ਼ਿਲਾਫ਼ ਦੋਸ਼ਾਂ ਦਾ ਹੈਰਾਨੀਜਨਕ ਖ਼ੁਲਾਸਾ ਕੀਤਾ ਹੈ।
ਇਨ੍ਹਾਂ ਪੰਜਾਂ ’ਚ ਇਕ ਡਾਕਟਰ ਸਲਵਾਡੋਰ ਪਲਾਸੇਂਸੀਆ ਅਤੇ 41 ਸਾਲਾ ਦੀ ਪੰਜਾਬੀ ਮੂਲ ਦੀ ਔਰਤ ਜਸਵੀਨ ਸੰਘਾ ਵੀ ਸ਼ਾਮਲ ਸੀ। ਜਿਸ ਨੂੰ ਉੱਤਰੀ ਹਾਲੀਵੁੱਡ ਦੀ ਕੇਟਾਮੀਈਨ ਕਵੀਨ ਵਜੋਂ ਜਾਣਿਆ ਜਾਂਦਾ ਹੈ।
ਇਨ੍ਹਾਂ ਸਾਰਿਆਂ ਨੂੰ ਅਭਿਨੇਤਾ ਦੀ ਮੌਤ ਤੋਂ ਪਹਿਲਾਂ ਦੇ ਆਖ਼ਰੀ ਦਿਨਾਂ ’ਚ ਉਸ ਨੂੰ ਕੇਟਾਮਾਈਨ ਦੀ ਬਹੁਤ ਜ਼ਿਆਦਾ ਮਾਤਰਾ ਦੇਣ ਸੰਬੰਧੀ 18 ਅਪਰਾਧਿਕ ਦੋਸ਼ਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਦੋਸ਼ੀਆਂ ’ਚ ਮੈਥਿਊ ਪੈਰੀ ਦਾ ਸਹਾਇਕ ਅਸਿਟੈਟ ਕੇਨੇਥ ਇਵਾਮਾਸਾ ਦੇ ਨਾਲ-ਨਾਲ ਡਾ. ਮਾਰਕ ਸ਼ਾਵੇਜ਼ ਅਤੇ ਏਰਿਕ ਫਲੇਮਿੰਗ ਦੇ ਨਾਂ ਵੀ ਸ਼ਾਮਲ ਹਨ। ਫਲੇਮਿੰਗ ਨੂੰ ਪੈਰੀ ਦਾ ਜਾਣਕਾਰ ਦੱਸਿਆ ਜਾ ਰਿਹਾ ਹੈ।
