ਹਾਸਿਆਂ ਦੇ ਪਿਟਾਰੇ ਤੋਂ ਕੌਫੀ ਦੇ ਪਿਆਲੇ ਤੱਕ

ਦੇਸ਼-ਵਿਦੇਸ਼ ਦੇ ਦਰਸ਼ਕਾਂ ਨੂੰ ਹਾਸਿਆਂ ਦੇ ਪਿਟਾਰੀ ਨਾਲ ਮੰਤਰ ਮੁਗਦ ਕਰਨ ਵਾਲੇ ਕਪਿਲ ਸ਼ਰਮਾ ਅਤੇ ਉਨ੍ਹਾਂ ਦੀ ਪਤਨੀ ਗਿੰਨੀ ਚਤਰਥ ਹੁਣ ਚਾਹੁਣ ਵਾਲਿਆਂ ਨੂੰ ਪਰੋਸਣਗੇ ਕੌਫੀ ਦੇ ਪਿਆਲੇ। ਇਸ ਜੋੜੀ ਨੇ ਕੈਨੇਡਾ ਦੇ ਸ਼ਹਿਰ ਸਰੀ 'ਚ ਕੈਪਸ ਕੈਫੇ ਨਾਂਮ ਦਾ ਇਕ ਕੌਫੀ ਹਾਊਸ ਖੌਲ੍ਹਿਆ ਹੈ।ਇਸ ਸੰਬੰਧ 'ਚ ਮੀਡੀਆ 'ਤੇ ਕਾਫੀ ਚਰਚੇ ਛਿੜੇ ਹੋਏ ਹਨ, ਜਿਨ੍ਹਾਂ 'ਚ ਨਾ ਸਿਰਫ ਇਸ ਕੈਫੇ ਦੀ ਲਾਜ਼ਾਵਾਬ ਅੰਦਰੂਨੀ ਅਤੇ ਬਾਹਰੀ ਸੁੰਦਰਤਾ ਦੇ ਚਰਚੇ ਹਨ ਸਗੋਂ ਇੱਥੇ ਬਣਨ ਵਾਲੇ ਪਕਵਾਨਾਂ ਬਾਰੇ ਵੀ ਕਾਫੀ ਉਤਸ਼ਾਹ ਅਤੇ ਜੋਸ਼ ਫੈਲਿਆ ਹੋਇਆ ਹੈ।

ਇਸ ਕੈਫੇ 'ਚ ਤੁਹਾਨੂੰ ਸਿਰਫ ਵੱਖ-ਵੱਖ ਕਿਸਮਾਂ ਅਤੇ ਸੁਆਦਾਂ ਵਾਲੀ ਕੌਫੀ ਹੀ ਨਹੀਂ ਮਿਲੇਗੀ ਸਗੋਂ ਗੁੜ ਵਾਲੀ ਚਾਹ ਦਾ ਆਨੰਦ ਵੀ ਮਾਣ ਸਕਦੇ ਹੋ। ਜੇ ਤੁਹਾਨੂੰ ਇੱਥੇ ਬੇਹੱਦ ਜ਼ਾਇਕੇਦਾਰ ਪੈਨਕੇਕ ਮਿਲੇਗਾ ਤਾਂ ਕੈਫੇ ਦੇ ਮੈਨਿਊ 'ਚ ਦਹੀ ਤੇ ਕਟੋਰੇ ਦਾ ਜ਼ਿਕਰ ਵੀ ਹੈ।

ਵੱਖ-ਵੱਖ ਤਰ੍ਰਾਂ ਦੇ ਸੈਂਡਵਿਚ ਤੇ ਟੋਸਟ ਵੀ ਉਪਲੱਬਧ ਹੋਣਗੇ।ਜ਼ਾਇਕੇਦਾਰ ਸਬਜ਼ੀਆਂ ਨਿਊਲਡਜ਼,ਪਾਸਤਾ, ਦਾਲਾਂ ਅਤੇ ਵੱਖ-ਵੱਖ ਸੱਭਿਆਚਾਰਾਂ ਨਾਲ ਸੰਬੰਧਿਤ ਸੁਆਦੀ ਪਕਾਵਾਨਾਂ ਦੀ ਲੰਬੀ ਚੌੜੀ ਸੂਚੀ ਉਪਲੱਬਧ ਹੈ, ਜਿਸ 'ਚ ਕਈ ਤਰ੍ਰਾਂ ਦੀਆਂ ਮਠਿਆਈਆਂ ਵੀ ਸ਼ਾਮਲ ਹਨ। ਇਹ ਸਭ ਕੁਝ ਤੁਹਾਨੂੰ ਆਪਣੇ ਵੱਲ ਆਕਰਸ਼ਿਤ ਕਰਦਾ ਹੈ।