ਕਾਮੇਡੀ ਦਾ ਅੰਦਾਜ਼ ਮਿਹਰ ਮਿੱਤਲ ਤੋਂ ਸਮੇ ਰੈਨਾ ਤੱਕ

Jasmine Singh

ਉਭਰ ਰਹੇ ਕਾਮੇਡੀਅਨ, ਯੂ-ਟਿਊਬਰ ਸਮੇ ਰੈਨਾ ਅਤੇ ਇਨਫਲੂਐਂਨਸਰ ਰਣਬੀਰ ਇਲਾਹਾਬਾਦੀਆ ਪਿਛਲੇ ਕੁਝ ਦਿਨਾਂ ਤੋਂ ਕਾਫੀ ਚਰਚਾ 'ਚ ਹਨ। ਇਨ੍ਹਾਂ ਦੋਹਾਂ ਦੀ ਮੌਜੂਦਗੀ ਅਤੇ ਪ੍ਰਗਟਾਵਾ ਪੰਜਾਬੀ ਸਿਨੇਮਾ ਦੀ ਲਗਾਤਾਰ ਰਫ਼ਤਾਰ ਫੜ੍ਹ ਰਹੀ ਕਾਮੇਡੀ ਦਾ ਅਹਿਸਾਸ ਕਰਵਾਉਂਦਾ ਹੈ। ਇਸ ਕਾਮੇਡੀ ਦੇ ਪਾਲੀਵੱਡ ਇਤਿਹਾਸ 'ਚ ਮਹਾਨ ਕਾਮੇਡੀਅਨ ਮਿਹਰ ਮਿੱਤਰ ਦਾ ਜ਼ਿਕਰ ਛਿੜਣਾ ਸੰਦਰਭ ਤੋਂ ਬਾਹਰਾ ਨਹੀਂ।

ਮਿਹਰ ਮਿੱਤਲ ਨੂੰ ਉਸ ਦੀ ਵਿਲੱਖਣ ਅੰਦਾਜ਼ ਵਾਲੀ ਕਾਮੇਡੀ ਅਤੇ ਹਾਸਿਆਂ ਲਈ ਜਾਣਿਆ ਜਾਂਦਾ ਹੈ। ਉਸ ਨੇ ਆਪਣਾ ਹਾਸਰਸ ਦਾ ਅਜਿਹਾ ਅੰਦਾਜ਼ ਵਿਕਸਿਤ ਕੀਤਾ ਜੋ ਕਈ ਸਾਲਾਂ ਤੋਂ ਅੱਜ ਵੀ ਕਾਇਮ ਹੈ। ਇਹ ਗੱਲ ਵੀ ਜ਼ਿਕਰਯੋਗ ਹੈ ਕਿ ਪੰਜਾਬੀ ਦੀਆਂ ਕਈ ਫ਼ਿਲਮਾਂ ਮਨੋਰੰਜਨ ਦੇ ਉਹਲੇ 'ਚ ਕਾਮੇਡੀ ਦੇ ਅਜਿਹੇ ਤਾਣੇ-ਬਾਣੇ 'ਚ ਉਲਝੀਆਂ ਕਿ ਉਹ ਦੋਹਰੇ ਅਰਥਾਂ ਦਾ ਪ੍ਰਭਾਵ ਛੱਡਣ ਵਾਲੇ ਚੁਟਕਲਿਆਂ ਦਾ ਖਜਾਨਾ ਬਣ ਗਈਆਂ। ਇੱਥੇ ਇਹ ਸਵਾਲ ਪੈਦਾ ਹੁੰਦਾ ਹੈ ਕਿ ਕਾਮੇਡੀ ਦੇ ਦੌਹਰੇ ਅਰਥਾਂ ਵਾਲਾ ਇਹ ਰੁਝਾਨ ਕਿ ਸੱਚਮੁੱਚ ਸਿਹਤਮੰਦ ਮਨੋਰੰਜਨ ਕਰਦਾ ਹੈ। ਕਈ ਵਾਰ ਲੱਗਦਾ ਹੈ ਕਿ ਕਾਮੇਡੀ ਵਿਚੋਂ ਕਲਾਤਮਕਤਾ ਗੁੰਮ ਹੋ ਗਈ ਹੈ।

ਇਸ ਦੇ ਉਲਟ ਬਾਲੀਵੁੱਡ 'ਚ ਕਾਮੇਡੀ ਦਾ ਆਪਣਾ ਅੰਦਾਜ਼ ਹੈ।ਇਨ੍ਹਾਂ 'ਚ ਮਨੋਰੰਜਨ ਅਤੇ ਹਾਸੇ ਦੇ ਨਾਲ-ਨਾਲ ਕੁਝ ਨਰਮ ਜਿਹੀ ਬਾਲ-ਗਾਨਾ ਸਮੱਗਰੀ ਵੀ ਪਰੋਸੀ ਹੁੰਦੀ ਹੈ। ਇਸ ਨਾਲ ਕਈ ਵਾਰ ਰਿਵਾਇਤੀ ਕਦਰਾਂ ਕੀਮਤਾਂ ਪਿਛੇ ਰਹਿ ਜਾਂਦੀਆਂ ਹਨ। ਇੱਥੇ ਅਸੀਂ ਦੇਖ ਸਕਦੇ ਹਾਂ ਸਮੇ ਰੈਨਾ,ਮਨੋਹਰ ਫਰੂਖੀ ਅਤੇ ਰਣਬੀਰ ਇਲਾਹਾਬਾਦੀਆ ਵਰਗਿਆਂ ਨੇ ਅਜਿਹਾ ਕਿ ਪਰੋਸ ਦਿੱਤਾ ਕਿ ਦਰਸ਼ਕਾਂ 'ਚ ਗੁੱਸਾ ਪੈਦਾ ਹੋ ਰਿਹਾ ਹੈ।

ਕਪਿਲ ਸ਼ਰਮਾ ਵੀ ਜਦੋਂ ਪਰਿਵਾਰਕ- ਦਰਸ਼ਕਾਂ ਨੂੰ ਦੋਹਰੇ ਅਰਥਾਂ ਵਾਲੇ ਸੰਵਾਦ ਅਤੇ ਚੁਟਕਲੇ ਸੁਣਾਉਂਦਾ ਹੈ ਤਾਂ ਹਾਸਾ ਵੀ ਆਉਂਦਾ ਹੈ ਪਰ ਆਪਣੇ ਅਸਲ ਅਰਥਾਂ 'ਚ ਇਹ ਹਾਸਾ ਵਿਵਾਦ ਨੂੰ ਭੜਕਾਉਂਦਾ ਜਾਪਦਾ ਹੈ।ਅਖੀਰ 'ਚ ਇਹ ਸਵਾਲ ਉਭਰਦਾ ਹੈ ਕਿ ਅਜਿਹੀ ਕਾਮੇਡੀ ਦੇ ਰੂਬਰੂ ਅਸੀਂ ਇਕ ਨਰੋਈ ਤਬਦੀਲੀ ਦੇ ਗਵਾਹ ਹਾਂ ਜਾਂ ਉਹ ਹੀ ਫਿਰ ਘਿਸੇ ਪਿਟੇ ਚੁਟਕਲੇ ਇਕ ਵੱਖਰੀ ਚਾਛਨੀ 'ਚ ਪੇਸ਼ ਕੀਤੇ ਜਾ ਰਹੇ ਹਨ।