16.3C Vancouver 16.3C VancouverApr 25, 2025 4:06 PM - Connect Newsroom
Jasmine Singh
ਪੰਜਾਬੀ ਫ਼ਿਲਮ ਅਕਾਲ ਕਾਰਨ ਚਰਚਿਆਂ ਦੀਆਂ ਬੁਲੰਦੀਆਂ 'ਤੇ ਪੁੱਜਾ ਗਿੱਪੀ ਗਰੇਵਾਲ ਭਵਿੱਖ 'ਚ ਵੀ ਰੁਕਣ ਵਾਲਾ ਨਹੀਂ ਹੈ। ਇਸ ਬਹੁਪੱਖੀ ਅਦਾਕਾਰ ਗਾਇਕ ਅਤੇ ਨਿਰਮਾਤਾ ਨੇ ਆਪਣਾ ਅਗਲਾ ਪ੍ਰਾਜੈਕਟ ਵੀ ਸੋਸ਼ਲ ਮੀਡੀਆ 'ਤੇ ਸਾਂਝਾ ਕਰ ਦਿੱਤਾ ਹੈ। 'ਜੱਟ ਜੇਮਜ਼ ਬਾਂਡ 2' ਫ਼ਿਲਮ ਦਾ ਨਿਰਮਾਣ ਬੜੀ ਤੇਜ਼ੀ ਨਾਲ ਚੱਲ ਰਿਹਾ ਹੈ ਅਤੇ ਇਸ ਫ਼ਿਲਮ ਦੇ 2026 'ਚ ਰਿਲੀਜ਼ ਹੋਣ ਦੀ ਸੰਭਾਵਨਾ ਹੈ।
ਗਿੱਪੀ ਨੇ 'ਜੱਟ ਜੇਮਜ਼ ਬਾਂਡ 2' ਬਾਰੇ ਜਾਣਕਾਰੀ ਸੋਸ਼ਲ ਮੀਡੀਆ 'ਤੇ ਇਕ ਪੋਸਟਰ ਸਾਂਝਾ ਕਰਕੇ ਆਪਣੇ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ। ਗਿੱਪੀ ਗਰੇਵਾਲ ਅਤੇ ਰਣਨੀਤ ਗਰੇਵਾਲ ਦੇ ਬੈਨਰ ਹੇਠ ਬਣਨ ਵਾਲੀ ਇਸ ਫਿਲਮ 'ਚ ਗੁਰਦੀਪ ਢਿੱਲੋਂ ਦਾ ਵੀ ਵੱਡਾ ਸਹਿਯੋਗ ਹੈ। ਹਾਲਾਂਕਿ ਜੱਟ ਜੇਮਜ਼ ਬਾਂਡ ਦੇ ਨਾਂਅ ਨਾਲ ਬਣਨ ਵਾਲੀ ਪਹਿਲੀ ਫਿਲਮ ਦਾ ਨਿਰਦੇਸ਼ਨ ਰੋਹਿਤ ਯੁਗਰਾਜ ਨੇ ਦਿੱਤਾ ਸੀ ਪਰ ਇਸ ਫਿਲਮ ਦੇ ਨਿਰਦੇਸ਼ਕ ਬਾਰੇ ਜਾਂ ਬਾਕੀ ਸਿਤਾਰਿਆਂ ਬਾਰੇ ਗਿੱਪੀ ਨੇ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ।
