ਗਲੋਬਲ ਆਰਟਿਸਟ ਕੈਮੀਲੋ ਨੇ ਦਿਲਜੀਤ ਦੋਸਾਂਝ ਨਾਲ ਗਾਇਆ “ਪਲਪਿਟਾ” ਟ੍ਰੈਕ

ਕੋਲੰਬੀਆ ਦੇ ਗਾਇਕ ਕੈਮੀਲੋ ਨੇ ਦਿਲਜੀਤ ਦੋਸਾਂਝ ਨਾਲ ਆਪਣੇ ਨਵੇਂ ਗੀਤ “ਪਲਪਿਟਾ” ਲਈ ਕਲੈਬੋਰੇਸ਼ਨ ਕੀਤਾ ਹੈ।

ਇਕ ਪ੍ਰੈੱਸ ਰਿਲੀਜ਼ ਅਨੁਸਾਰ ਇਹ ਟ੍ਰੈਕ ਕੋਕੋ ਕੋਲਾ ਦੀ ਗਲੋਬਲ ਮਿਊਜ਼ਕ ਕੰਪੇਨ ਕੋਕ ਸਟੂਡੀਓ ਦੇ ਦੂਸਰੇ ਸੀਜ਼ਨ ਲਈ ਰਿਲੀਜ਼ ਕੀਤਾ ਗਿਆ ਜਿਸ ਵਿਚ ਕੈਮੀਲੋ ਸਪੈਨਿਸ਼ ਵਿਚ ਅਤੇ ਦਲਜੀਤ ਪੰਜਾਬੀ ਵਿਚ ਗਾ ਰਹੇ ਹਨ। "Tutu", "Vida de Rico", ਅਤੇ "Índigo ਵਰਗੇ ਗਾਣਿਆਂ ਲਈ ਜਾਣੇ ਜਾਂਦੇ ਕੈਮੀਲੋ ਨੇ ਕਿਹਾ ਕਿ ਉਹ ਹਮੇਸ਼ਾਂ ਤੋਂ ਭਾਰਤੀ ਸੰਸਕ੍ਰਿਤੀ ਅਤੇ ਇਸ ਦੀਆਂ ਪਰੰਪਰਾਵਾਂ ਤੋਂ ਪ੍ਰਭਾਵਿਤ ਰਿਹਾ ਹੈ।

29 ਸਾਲਾ ਸਿੰਗਰ ਨੇ ਕਿਹਾ ਕਿ ਉਸ ਨੂੰ ਇੱਕ ਵਾਰ ਉਥੇ ਜਾਣ ਦਾ ਮੌਕਾ ਮਿਲਿਆ ਅਤੇ ਉਥੇ ਨਾਲ ਪਿਆਰ ਹੋ ਗਿਆ।

ਕੈਮੀਲੋ ਨੇ ਕਿਹਾ ਕਿ ਉਹਨਾਂ ਸਾਲਾਂ ਮਗਰੋਂ ਪੰਜਾਬੀ ਮਿਊਜ਼ਿਕ ਨੂੰ ਨੋਟਿਸ ਕੀਤਾ ਅਤੇ ਦੇਖਿਆ ਕਿ ਕਿਵੇਂ ਦਿਲਜੀਤ ਵਰਗੇ ਕਲਾਕਾਰ ਆਪਣੇ ਸੰਗੀਤ, ਸੱਭਿਆਚਾਰ ਅਤੇ ਆਵਾਜ਼ ਨੂੰ ਦੁਨੀਆ ਭਰ ਵਿਚ ਪਹੁੰਚਾ ਰਹੇ ਹਨ।

ਕੋਲੰਬੀਆ ਦੇ ਸਿੰਗਰ ਨੇ ਕਿਹਾ ਕਿ ਉਹ ਇਸ ਕੌਲੈਬਰੇਸ਼ਨ ਤੋਂ ਪਹਿਲਾਂ ਹੀ ਦਲਜੀਤ ਦਾ ਪ੍ਰਸੰਸਕ ਰਿਹਾ ਹੈ। ਕੈਮੀਲੋ ਵਲੋਂ ਦੋਸਾਂਝ ਨਾਲ ਕੌਲੈਬਰੇਸ਼ਨ ਨੂੰ 'ਵੈਲੂਏਬਲ ਲਰਨਿੰਗ ਐਕਸਪੀਰੀਅੰਸ' ਦੱਸਿਆ ਜਾ ਰਿਹਾ ਹੈ।