ਫ਼ਿਲਮ ਗਰਾਉਂਡ ਜ਼ੀਰੋ ਨੇ ਸਿਰਜਿਆ ਇਤਿਹਾਸ

ਇਮਰਾਨ ਹਾਸ਼ਮੀ ਦੀ ਨਵੀਂ ਫ਼ਿਲਮ ਗਰਾਉਂਡ ਜ਼ੀਰੋ ਚਾਰ ਦਹਾਕਿਆਂ ਦੇ ਸਮੇਂ 'ਚ ਇਕ ਅਜਿਹੀ ਪਹਿਲੀ ਫ਼ਿਲਮ ਹੋ ਨਿਬੜੀ ਹੈ। ਜਿਸ ਨੂੰ ਸ਼੍ਰੀ ਨਗਰ 'ਚ ਰੈੱਡ ਕਾਰਪੇਟ ਪ੍ਰੀਮੀਅਰ ਦਾ ਮਾਣ ਹਾਸਲ ਹੋਇਆ। ਗਰਾਉਂਡ ਜ਼ੀਰੋ ਭਾਰਤੀ ਸਿਨੇਮਾ 'ਚ ਇਕ ਪ੍ਰਮੁੱਖ ਮੀਲ ਪੱਥਰ ਵਜੋਂ ਜਾਣੀ ਜਾਵੇਗੀ। ਫ਼ਿਲਮ 'ਚ ਕਸ਼ਮੀਰ ਦੇ ਸ਼ਾਨਦਾਰ ਸੁੰਦਰਤਾ ਭਰਪੂਰ ਦ੍ਰਿਸ਼ਾਂ ਨੂੰ ਚਿਤਰਿਆ ਗਿਆ ਹੈ ਅਤੇ ਨਾਲ ਹੀ ਘਾਟੀ ਦੀਆਂ ਜੜ੍ਹਾਂ ਨਾਲ ਜੁੜੀ ਇਕ ਸ਼ਕਤੀਸ਼ਾਲੀ ਸੱਚੀ ਜੀਵਨ ਕਹਾਣੀ ਨੂੰ ਸ੍ਰਕੀਨ 'ਤੇ ਪੇਸ਼ ਕਰਦੀ ਹੈ।

ਇਮਰਾਨ ਹਾਸ਼ਮੀ ਨੇ ਬੀ.ਐਸ.ਐਫ. ਦੇ ਕਮਾਡੈਂਟ ਨਰਿੰਦਰ ਨਾਥ ਧਰ ਦੁਬੇ ਦੀ ਭੂਮਿਕਾ ਨਿਭਾਈ, ਜਿਸ ਨੇ ਖਤਰਨਾਕ ਮਿਲੀਟੈਂਟ ਆਗੂ ਗਾਜ਼ੀਬਾਬਾ ਨੂੰ ਖ਼ਤਮ ਕਰਨ ਲਈ ਇਕ ਵੱਡੇ ਮਿਸ਼ਨ ਦੀ ਅਗਵਾਈ ਕੀਤੀ ਸੀ। ਗਾਜ਼ੀਬਾਬਾ ਪਾਕਿਸਤਾਨ ਸਥਿਤ ਅੱਤਵਾਦੀ ਸੰਗਠਨ ਜੈਸ਼-ਏ-ਮੁਹੰਮਦ ਦੀ ਇਕ ਨਾਮੀ ਹਸਤੀ ਸੀ ਅਤੇ ਉਹ ਹਰਕਤ-ਉਲ-ਅੰਸਾਰ ਦੇ ਡਿਪਟੀ ਕਮਾਂਡੈਟ ਵਜੋਂ ਕੰਮ ਕਰਦਾ ਸੀ।