ਗੁਰੂ ਰੰਧਾਵਾ ਹੈ ‘ਸ਼ੌਂਕੀ ਸਰਦਾਰ’

ਗੁਰੂ ਰੰਧਾਵਾ ਅਦਾਕਾਰੀ ਅਤੇ ਸੰਗੀਤ ਦੀ ਦੁਨੀਆ ’ਚ ਬਹੁਪੱਖੀ ਸ਼ਖਸੀਅਤ ਵਜੋਂ ਜਾਣਿਆ ਪਛਾਇਆ ਨਾਂਅ ਹੈ। ਗੁਰੂ ਰੰਧਾਵਾ ਹੁਣ ਸ਼ੌਂਕੀ ਸਰਦਾਰ ਬਣ ਕੇ ਪੰਜਾਬੀ ਸਿਨੇਮਾ ਦੇ ਖੇਤਰ ’ਚ ਨਵੀਂ ਹਲਚਲ ਮਚਾਉਣ ਆ ਰਿਹਾ ਹੈ। ਸ਼ੌਂਕੀ ਸਰਦਾਰ ਫਿਲਮ ਦੀ ਇਕ ਖਾਸੀਅਤ ਇਹ ਵੀ ਹੈ ਕਿ ਇਸ ਵਿੱਚ ਰਿਐਲਟੀ ਟੀ.ਵੀ. ਸਟਾਰ ਅਤੇ ਬਿੱਗ ਬਾਸ ਦੇ 16ਵੇਂ ਅਡੀਸ਼ਨ ਦੀ ਚਰਚਿਤ ਅਭਿਨੇਤਰੀ ਨਿਮਰਤ ਕੌਰ ਆਹਲੂਵਾਲੀਆ ਵੀ ਆਪਣੀ ਅਦਾਕਾਰੀ ਦੇ ਜਲਵੇ ਦਿਖਾਉਣ ਆ ਰਹੀ ਹੈ।

ਇਸ ਫਿਲਮ ’ਚ ਨਿਮਰਤ ਦਾ ਰੋਲ ਬੇਹੱਦ ਜਾਨਦਾਰ ਅਤੇ ਲੋਕਾਂ ਵਲੋਂ ਸਲਾਹੇ ਜਾਣ ਦੀ ਯੋਗਤਾ ਰੱਖਦਾ ਹੈ। ਨਿਮਰਤ ਦਾ ਕਹਿਣਾ ਹੈ ਕਿ ਇਸ ਫਿਲਮ ਨੇ ਮੇਰਾ ਸੁਪਨਾ ਸੱਚ ਕਰ ਦਿਖਾਇਆ ਹੈ।

ਗੁਰੂ ਰੰਧਾਵਾ ਨਾਲ ਕੰਮ ਕਰਨਾ ਮੇਰੇ ਲਈ ਬਹੁਤ ਰੋਮਾਂਚ ਭਰਪੂਰ ਰਿਹਾ। ਸ਼ੂਟਿੰਗ ਦੌਰਾਨ ਸਾਡਾ ਸਮਾਂ ਬਾੜਾ ਸੁਖਾਵਾਂ ਗੁਜਰਦਾ ਸੀ। ਉਸ ਨੇ ਕਿਹਾ ਕਿ ਫਿਲਮ ਦੀ ਅਗਲੀ ਸ਼ੂਟਿੰਗ ਕੁਝ ਦਿਨਾਂ ਤੱਕ ਆਸਟ੍ਰੇਲੀਆ ਦੇ ਸ਼ਹਿਰ ਮੈਲਬੋਰਨ ’ਚ ਹੋਵੇਗੀ। ਬਸ ਮੇਰੀਆਂ ਨਜ਼ਰ ਉਸ ’ਤੇ ਲੱਗੀਆਂ ਹੋਈਆਂ ਹਨ।