ਬਾਲੀਵੁੱਡ ਤੋਂ ਪਹਿਲਾਂ ਹੈਰੀ ਪੋਟਰ ਦੀਆਂ ਤਿੰਨ ਫਿਲਮਾਂ ਵਿੱਚ ਐਕਸਟਰਾ ਵਜੋਂ ਕੰਮ ਕੀਤਾ: ਹੇਜ਼ਲ ਕੀਚ

ਭਾਰਤ ਦੇ ਸਾਬਕਾ ਕ੍ਰਿਕਟ ਸਟਾਰ ਯੁਵਰਾਜ ਸਿੰਘ ਅਤੇ ਉਨ੍ਹਾਂ ਦੀ ਪਤਨੀ ਅਦਾਕਾਰਾ ਹੇਜ਼ਲ ਕੀਚ ਅਕਸਰ ਖਬਰਾਂ ਵਿੱਚ ਰਹਿੰਦੇ ਹਨ। ਹੁਣ ਹੇਜ਼ਲ ਨੇ ਆਪਣੇ ਕਰੀਅਰ ਬਾਰੇ ਕੁਝ ਦਿਲਚਸਪ ਖੁਲਾਸੇ ਕੀਤੇ ਹਨ।

ਹੇਜ਼ਲ ਦਾ ਕਹਿਣਾ ਹੈ ਕਿ ਭਾਰਤ ਫਿਲਮ ਇੰਡਸਟਰੀ ਵਿੱਚ ਪਛਾਣ ਬਣਾਉਣ ਲਈ ਉਸ ਨੂੰ ਕਾਫੀ ਸੰਘਰਸ਼ ਕਰਨਾ ਪਿਆ। ਜ਼ਿਕਰਯੋਗ ਹੈ ਕਿ ਬਾਲੀਵੁੱਡ ਵਿੱਚ ਆਉਣ ਤੋਂ ਪਹਿਲਾਂ ਉਹ ਵਿਸ਼ਵ ਦੀ ਸਭ ਤੋਂ ਪ੍ਰਸਿੱਧ ਫ਼ਰੈਂਚਾਈਜ਼ੀ 'ਹੈਰੀ ਪੋਟਰ' ਦਾ ਹਿੱਸਾ ਵੀ ਰਹਿ ਚੁੱਕੀ ਹੈ।

ਪਿਛਲੇ ਦਿਨੀਂ ਇਕ ਮੁਲਾਕਾਤ ਵਿੱਚ ਹੇਜ਼ਲ ਨੇ ਦੱਸਿਆ ਕਿ ਉਸ ਨੇ ਹੈਰੀ ਪੋਰਟਰ ਸੀਰੀਜ਼ ਦੀਆਂ 3 ਫਿਲਮਾਂ ਵਿੱਚ ਕੰਮ ਕੀਤਾ ਸੀ। ਇਨ੍ਹਾਂ ਵਿੱਚ ਚੈਂਬਰ ਆਫ਼ ਸੀਕਰੇਟਸ, ਪ੍ਰਿਜ਼ਨਰ ਆਫ਼ ਅਜ਼ਕਬਾਨ ਅਤੇ ਗੋਬਲੇਟ ਆਫ਼ ਫਾਇਰ ਦੇ ਨਾਂਅ ਸ਼ਾਮਲ ਹਨ। ਹੇਜ਼ਲ ਨੇ ਇਨ੍ਹਾਂ ਫਿਲਮਾਂ ਵਿਚ ਐਕਸਟਰਾ' ਦਾ ਕਿਰਦਾਰ ਨਿਭਾਇਆ ਸੀ ਪਰ ਉਸ ਨੂੰ ਇਸ ਦਾ ਕੋਈ ਪਛਤਾਵਾ ਨਹੀਂ ਹੈ।