His success defies measurement by words alone. Every media outlet, international platform, artist, and the film and music industry reverberates with his name.
ਜੈਸਮੀਨ ਸਿੰਘ
ਫ਼ਿਲਮੀ ਦੁਨੀਆ ਅਤੇ ਕਲਾ ਦੀ ਜਾਦੂਨਗਰੀ ’ਚ ਦਿਲਜੀਤ ਦੌਸਾਂਝ ਵਰਗਾ ਲੋਕਪਿ੍ਰਅ ਅਤੇ ਕੌਮਾਂਤਰੀ ਪ੍ਰਸਿੱਧੀ ਵਰਗਾ ਨਾਂਅ ਸ਼ਾਇਦ ਹੋਰ ਕੋਈ ਦਿਖਾਈ ਨਹੀਂ ਦਿੰਦਾ। ਉਸ ਨੇ ਸਫ਼ਲਤਾਵਾਂ ਦੇ ਜੋ ਝੰਡੇ ਗੱਡੇ ਹਨ ਉਸ ਨੂੰ ਸ਼ਬਦਾਂ ’ਚ ਬਿਆਨ ਨਹੀਂ ਕੀਤਾ ਜਾ ਸਕਦਾ।
ਸਿਨੇਮਾ ਜਗਤ ਅਤੇ ਸੰਗੀਤ ਉਦਯੋਗ ’ਚ ਹਰ ਪਾਸੇ ਉਸ ਦੇ ਚਰਚੇ ਹਨ। ਅਜਿਹਾ ਸਿਰਫ਼ ਉਸ ਦੀ ਕਿਸਮਤ ਸਦਕਾ ਨਹੀਂ ਹੋਇਆ ਸਗੋਂ ਉਸ ਨੇ 2 ਦਹਾਕੇ ਸੰਗੀਤ ਜਗਤ ’ਚ ਸਖ਼ਤ ਮਿਹਨਤ ਕੀਤੀ ਅਤੇ ਫ਼ਿਰ ਪ੍ਰਸਿੱਧੀ ਦੇ ਇਸ ਪਾਇਦਾਨ ’ਤੇ ਪੁੱਜਾ।
2 ਦਹਾਕੇ ਪਹਿਲਾਂ ਜਦੋਂ ਉਸ ਨੇ ਪੰਜਾਬੀ ਗੀਤ ਗਾਊਣੇ ਸ਼ੁਰੂ ਕੀਤੇ ਤਾਂ ਢੇਰ ਸਾਰੀਆਂ ਚੁਣੋਤੀਆਂ ਦੇ ਨਾਲ-ਨਾਲ ਸੋਸ਼ਲ ਮੀਡੀਆ ਦੀ ਗੈਰ ਮੌਜੂਦਗੀ ਵੀ ਉਸ ਦੀ ਪ੍ਰਸਿੱਧੀ ’ਚ ਰੁਕਾਵਟ ਬਣਦੀ ਰਹੀ। ਉਸ ਨੇ ਆਪਣੇ ਕੰਮ ਵੱਲ ਖ਼ੁਦ ਹੀ ਧਿਆਨ ਦਿੱਤਾ ਅਤੇ ਫਿਰ ਦਿਨੋਂ-ਦਿਨ ਸਫਲਤਾ ਦੀ ਪੌੜੀ ਚੜ੍ਹਦਾ ਗਿਆ।
ਦਿਲਜੀਤ ਨੇ ਜਦੋਂ ਪੰਜਾਬੀ ਸਿਨੇਮਾ ’ਚ ਸ਼ੁਰੂਆਤ ਕੀਤੀ ਤਾਂ ਸਿਰਫ਼ ਗੀਤ ਹੀ ਨਹੀਂ ਗਾਏ ਸਗੋਂ ਜਾਨਦਾਰ ਅਤੇ ਸ਼ਾਨਦਾਰ ਅਦਾਕਾਰੀ ਵੀ ਦਿਖਾਈ, ਜਿਸ ਰਾਹੀਂ ਕਾਮੇਡੀ ਅਤੇ ਗੰਭੀਰ ਕਿਸਮ ਦੇ ਰੋਲ ਉਸ ਨੇ ਬੜੀ ਸਫ਼ਲਤਾ ਨਾਲ ਨਿਭਾਏ, ਜਿਥੇ ਇਕ ਪਾਸੇ ਉਸ ਦੀ ਕਾਮੇਡੀ ਫ਼ਿਲਮ ‘ਜੱਟ ਐਂਡ ਜੂਲੀਅਟ’ ਦੇ ਘਰ-ਘਰ ਚਰਚੇ ਹੋਏ ਤਾਂ ਦੂਜੇ ਪਾਸੇ ਅਤਿ ਗੰਭੀਰ ਕਿਸਮ ਦੀ ਫ਼ਿਲਮ ਪੰਜਾਬ 1984 ਨੇ ਦਰਸ਼ਕਾਂ ਨੂੰ ਉਸ ਦੀ ਅਦਾਕਾਰੀ ਦਾ ਲੋਹਾ ਮੰਨਣ ਲਈ ਮਜ਼ਬੂਰ ਕਰ ਦਿੱਤਾ।
ਆਪਣੀ ਅਭਿਨੈ ਕਲਾ ਦੇ ਨਾਲ-ਨਾਲ ਆਪਣੀ ਸਵੈ ਪ੍ਰਮੋਸ਼ਨ ’ਤੇ ਵੀ ਧਿਆਨ ਕੇਂਦਰਿਤ ਕਰਨਾ ਪਿਆ ਅਤੇ ਇਸ ਦਾ ਸਦਕਾ ਹੀ ਉਸ ਨੂੰ ਬਾਲੀਵੁੱਡ ’ਚ ਐਂਟਰੀ ਮਿਲੀ, ਜਿੱਥੇ ਉਸ ਨੇ ਇਮਿਤਾਜ਼ ਅਲੀ ਦੀ ‘ਚਮਕੀਲਾ’ ਫ਼ਿਲਮ ’ਚ ਕਈ ਰਿਕਾਰਡ ਕਾਇਮ ਕੀਤੇ। ਇਸ ਫ਼ਿਲਮ ’ਚ ਦਿਲਜੀਤ ਨਾਲ ਪਰਣੀਤੀ ਚੋਪੜਾ ਵਰਗੀਆਂ ਹੈਰੋਇਨਾਂ ਨਾਇਕਾ ਦੀ ਭੂਮਿਕਾ ’ਚ ਸੀ।
ਦਿਲਜੀਤ ਦੀਆਂ ਸਫਲਤਾਵਾਂ ਦਾ ਕਿੱਸਾ ਇੱਥੇ ਨਹੀਂ ਮੁੱਕ ਜਾਂਦਾ ਸਗੋਂ ਉਸ ਵਲੋਂ ਕੀਤੇ ਗਏ ਲਾਈਵ ਸ਼ੋਅ ਇਤਿਹਾਸ ਦਾ ਹਿੱਸਾ ਬਣ ਗਏ। ਕੈਨੇਡਾ ਦੇ ਵੈਨਕੂਵਰ ਸਥਿਤ ਬੀ.ਸੀ. ਸਟੇਡੀਅਮ ’ਚ ਜਿਸ ਦਿਲ ਲੁਮਿਨਾਟੀ ਦਾ ਆਯੋਜਨ ਕੀਤਾ ਗਿਆ ਤਾਂ ਸਟੇਡੀਅਮ ’ਚ ਤਿੱਲ ਸੁੱਟਣ ਜਿੰਨੀ ਥਾਂ ਵੀ ਨਹੀਂ ਮਿਲੀ ਸੀ। ਉਸ ਨੇ ਆਪਣੀ ਗਾਇਕੀ ਦੇ ਸ਼ਾਨਦਾਰ ਜੌਹਰ ਵਿਖਾਏ ਅਤੇ ਆਪਣੀ ਕਲਾ ਅਤੇ ਪੇਸ਼ਕਾਰੀ ਨਾਲ ਦਰਸ਼ਕਾਂ ਨੂੰ ਕੀਲ ਲਿਆ।
ਜਿਮੀ ਫਾਲਨ ਸ਼ੋਅ ਉਸ ਦੇ ਸ਼ਾਨਦਾਰ ਇਤਿਹਾਸ ਦਾ ਇਕ ਹੋਰ ਪੰਨਾ ਹੈ, ਜਿੱਥੇ ਉਸ ਨੇ ਸੋਨਾਲੀ ਸਿੰਘ ਦੇ ਪ੍ਰਬੰਧਾਂ ਅਧੀਨ ਅਭਿਨੈ ਦਾ ਲੋਹਾ ਮਨਵਾਇਆ। ਇਸ ਤਰ੍ਹਾਂ ਉਹ ਜਿੱਥੇ ਵੀ ਜਾਂਦਾ ਹੈ ਲੋਕਾਂ ਦੇ ਦਿਲਾਂ ’ਤੇ ਜਾਦੂ ਚਲਾਉਂਦਾ ਹੈ।
ਸੰਸਾਰ ਪੱਧਰੀ ਪ੍ਰਸਿੱਧੀ ਦਾ ਮਾਣ ਹਾਸਲ ਹੋਣ ਦੇ ਬਾਵਜੂਦ ਆਪਣੀਆਂ ਜੜ੍ਹਾਂ ਨੂੰ ਕਦੇ ਨਹੀਂ ਭੁੱਲਦਾ ਇਹੋ ਕਾਰਨ ਹੈ ਉਹ ਪੰਜਾਬੀ ਗੀਤ ਸੰਗੀਤ ਨਾਲੋਂ ਆਪਣੇ ਆਪ ਨੂੰ ਕਦੇ ਵੀ ਵੱਖ ਨਹੀਂ ਕਰਦਾ।
ਪੰਜਾਬੀ ਮਾਂ ਬੋਲੀ ਦਾ ਉਹ ਦੀਵਾਨਾ ਹੈ ਅਤੇ ਪੰਜਾਬੀ ਸੱਭਿਆਚਾਰ ਉਸ ਦੇ ਰੋਮ-ਰੋਮ ’ਚ ਵੱਸਿਆ ਹੋਇਆ ਹੈ। ਇਸ ਤਰ੍ਹਾਂ ਦਿਲਜੀਤ ਦੌਸਾਂਝ ਅੱਜ ਕਲਾ ਦੀ ਦੁਨੀਆ ’ਚ ਸਿਰਫ਼ ਕਲਾਕਾਰ ਹੀ ਨਹੀਂ ਰਿਹਾ। ਸਗੋਂ ਦਰਸ਼ਕਾਂ ਦੇ ਦਿਲਾਂ ’ਚ ਘਰ ਬਣਾ ਚੁੱਕਾ ਹੈ ਲੋਕਪਿ੍ਰਅ ਨਾਇਕ ਬਣ ਗਿਆ ਹੈ।
15.3C Vancouver
