'ਮੈਂ ਸੋਚਿਆ ਵੀ ਨਹੀਂ ਸੀ ਕਿ 'ਅਰਜਨ ਵੇਲੀ' ਇਸ ਤਰ੍ਹਾਂ ਹਿੱਟ ਹੋਵੇਗਾ'- ਬੱਬਲ

ਬਾਲੀਵੁੱਡ ਫਿਲਮ 'ਐਨੀਮਲ' ਨੂੰ ਪਹਿਲਾਂ ਹੀ ਸ਼ਾਨਦਾਰ ਰੀਵਿਊ ਮਿਲ ਰਹੇ ਹਨ। ਹੁਣ ਫਿਲਮ ਦੇ ਨਾਲ-ਨਾਲ ਇਸ ਦਾ ਗਾਣਾ ਅਰਜਨ ਵੇਲੀ ਵੀ ਖੂਬ ਪ੍ਰਸਿੱਧੀ ਖੱਟ ਰਿਹਾ ਹੈ।

ਪੰਜਾਬੀ ਗਾਇਕ ਭੁਪਿੰਦਰ ਬੱਬਲ ਵਲੋਂ ਗਾਇਆ, ਮਨਨ ਭਾਰਦਵਾਜ ਵਲੋਂ ਤਿਆਰ ਕੀਤਾ ਗਿਆ ਅਤੇ ਰੇਮੰਤ ਮਰਵਾਹ ਵਲੋਂ ਪ੍ਰੋਡਿਊਸ ਕੀਤਾ ਗਿਆ ਇਹ ਗਾਣਾ ਸਿੱਖ ਯੋਧੇ ਸ. ਹਰੀ ਸਿੰਘ ਨਲਵਾ ਦੇ ਛੋਟੇ ਪੁੱਤਰ ਯੋਧੇ ਸ. ਅਰਜੁਨ ਸਿੰਘ ਨਲਵਾ ਬਾਰੇ ਹੈ।

Connect FM Canada ਨਾਲ ਇਕ ਵਿਸ਼ੇਸ਼ ਇੰਟਰਵਿਊ ਵਿਚ ਭੁਪਿੰਦਰ ਨੇ ਇਸ ਬਾਰੇ ਗੱਲ ਕਰਦਿਆਂ ਦੱਸਿਆ ਕਿ ਇਹ ਗਾਣਾ ਕਿੱਦਾ ਇੰਨਾ ਵੱਡਾ ਬਣ ਗਿਆ ਅਤੇ ਬਾਲੀਵੁੱਡ ਅਤੇ ਪਾਲੀਵੁੱਡ ਦੋਵੇਂ ਇਸ ਨੂੰ ਕਿਵੇਂ ਨੋਟਿਸ ਕਰ ਰਹੇ ਹਨ।

ਉਨ੍ਹਾਂ ਕਿਹਾ "ਮੈਂ ਸੋਚਿਆ ਵੀ ਨਹੀਂ ਸੀ ਕਿ ਗੀਤ ਇਸ ਤਰ੍ਹਾਂ ਹਿੱਟ ਹੋ ਜਾਵੇਗਾ। ਮੈਂ ਡਾਇਰੈਕਟਰ ਸੰਦੀਪ ਰੈੱਡੀ ਵਾਂਗਾ ਦਾ ਧੰਨਵਾਦੀ ਹਾਂ, ਜਿਨ੍ਹਾਂ ਨੇ ਮੈਨੂੰ ਇਹ ਮੌਕਾ ਦਿੱਤਾ।" ਪੂਰੀ ਇੰਟਰਵਿਊ ਐੱਫ. ਐੱਮ. ਦੇ ਯੂਟਿਊਬ ਚੈਨਲ 'ਤੇ ਉਪਲਬਧ ਹੈ।