7.24C Vancouver 7.24C VancouverApr 30, 2024 4:57 PM - Connect Newsroom
ਕੁਨੈਕਟ ਐੱਫ.ਐੱਮ. ਨਾਲ ਕੀਤੀ ਗਈ ਇੰਟਰਵਿਊ ਦੌਰਾਨ ਪੰਜਾਬੀ ਰੈਪਰ ਸੁਲਤਾਨ ਨੇ ਪਿਤਾ ਦੀ ਮੌਤ ਅਤੇ ਉਸ ਤੋਂ ਬਾਅਦ ਹੋਏ ਘਾਟੇ ਨੂੰ ਕਿਵੇਂ ਪੂਰਾ ਕੀਤਾ ਬਾਰੇ ਖੁੱਲ੍ਹ ਕੇ ਗੱਲਬਾਤ ਕੀਤੀ। ਆਪਣੇ ਪਿਤਾ ਦੀ ਮੌਤ ਦੀ ਖ਼ਬਰ ਦੇ ਪਲ ਨੂੰ ਯਾਦ ਕਰਦਿਆਂ ਸੁਲਤਾਨ ਨੇ ਖੁਲਾਸਾ ਕੀਤੀ ਕਿ ਉਹ ਸਸਕੈਚਵਾਨ ’ਚ ਇਕੱਲਾ ਸੀ ਅਤੇ ਜਦੋਂ ਉਸ ਨੇ ਖ਼ਬਰ ਸੁਣੀ ਤਾਂ ਉਸ ਨੂੰ ਸਮਝ ਨਹੀਂ ਆ ਰਿਹਾ ਸੀ ਕਿ ਮੈਂ ਕੀ ਕਰਾਂ।
ਉਸ ਨੇ ਕਿਹਾ ਕਿ ਜਦੋਂ ਮੈਨੂੰ ਇਹ ਦਿਲ ਦਹਿਲਾਉਣ ਵਾਲੀ ਖਬਰ ਮਿਲੀ ਤਾਂ ਮੈਂ ਪੂਰੀ ਤਰ੍ਹਾਂ ਇਕੱਲਾ ਸੀ। ਉਸ ਨੇ ਦੇਰ ਨਾਲ ਘਰ ਪਹੁੰਚਣ ਆਪਣੇ ਪਿਤਾ ਦੀ ਗੈਰ-ਹਾਜ਼ਰੀ ਦੇ ਬੋਝ ਨਾਲ ਜੂਝਣ ਅਤੇ ਇਹ ਦੱਸਿਆ ਕਿ ਉਦੋਂ ਤੋਂ ਜ਼ਿੰਦਗੀ ’ਚ ਡੂੰਘੀ ਤਬਦੀਲੀ ਆਈ ਹੈ।
ਸੁਲਤਾਨ ਨੇ ਆਪਣੇ ਪਿਤਾ ਦੀ ਪ੍ਰਸ਼ੰਸਾ ਕਰਦਿਆਂ ਉਨ੍ਹਾਂ ਨੂੰ ਆਪਣਾ ਰੋਲ ਮਾਡਲ ਦੱਸਿਆ ਅਤੇ ਕਿਹਾ ਕਿ ਉਸ ਨੇ ਆਪਣੇ ਪਿਤਾ ਤੋਂ ਕਈ ਅਨਮੋਲ ਸਬਕ ਸਿੱਖੇ ਹਨ। ਉਸ ਨੇ ਆਖਿਆ ਕਿ ਉਸ ਨੂੰ ਆਪਣੇ ਪਿਤਾ ਦੀਆਂ ਯਾਦਾਂ ’ਚ ਤਸੱਲੀ, ਖ਼ੁਸ਼ੀ ਅਤੇ ਗਮੀ ਦੋਵੇਂ ਪਲਾਂ ’ਚ ਉਨ੍ਹਾਂ ਦੀਆਂ ਸਿੱਖਿਆਵਾਂ ਤੋਂ ਤਾਕਤ ਮਿਲਦੀ ਹੈ।
