18.94C Vancouver 18.94C VancouverOct 11, 2022 12:44 PM - Agencies
ਭਾਰਤ ਦੀ 2023 ਲਈ ਔਸਕਰ ਐਂਟਰੀ 'ਛੇਲੋ ਸ਼ੋਅ' ਦੇ ਬਾਲ ਕਲਾਕਾਰ ਰਾਹੁਲ ਕੋਲੀ ਦਾ ਇਸ ਮਹੀਨੇ ਦੇ ਸ਼ੁਰੂ ਵਿਚ ਲਿਊਕੇਮੀਆ ਨਾਲ ਲੜਨ ਤੋਂ ਬਾਅਦ ਦਿਹਾਂਤ ਹੋ ਗਿਆ।
ਰਾਹੁਲ ਦੇ ਪਿਤਾ ਰਾਮੂ ਕੋਲੀ ਜੋ ਰੋਜ਼ੀ-ਰੋਟੀ ਲਈ ਆਟੋ-ਰਿਕਸ਼ਾ ਚਲਾਉਂਦੇ ਹਨ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੇ ਬੇਟੇ ਨੂੰ 14 ਅਕਤੂਬਰ ਨੂੰ ਫਿਲਮ ਦੀ ਰਿਲੀਜ਼ ਲਈ ਬੇਸਬਰੀ ਨਾਲ ਉਡੀਕ ਸੀ।
ਰਾਹੁਲ ਦੇ ਪਿਤਾ ਰਾਮੂ ਕੋਲੀ ਨੇ ਕਿਹਾ, "ਐਤਵਾਰ 2 ਅਕਤੂਬਰ ਨੂੰ ਉਨ੍ਹਾਂ ਬੇਟੇ ਨੇ ਆਪਣਾ ਨਾਸ਼ਤਾ ਕੀਤਾ ਅਤੇ ਉਸ ਤੋਂ ਅਗਲੇ ਘੰਟਿਆਂ ਵਿਚ ਉਸ ਨੂੰ ਕਈ ਵਾਰ ਬੁਖਾਰ ਆਇਆ, ਜਿਸ ਤੋਂ ਬਾਅਦ ਰਾਹੁਲ ਨੇ ਤਿੰਨ ਵਾਰ ਖੂਨ ਦੀਆਂ ਉਲਟੀਆਂ ਕੀਤੀਆਂ ਅਤੇ ਉਹ ਨਹੀਂ ਰਿਹਾ। ਸਾਡਾ ਪਰਿਵਾਰ ਤਬਾਹ ਹੋ ਗਿਆ ਹੈ ਪਰ ਅਸੀਂ 14 ਅਕਤੂਬਰ ਨੂੰ ਉਸ ਦੇ ਅੰਤਿਮ ਸੰਸਕਾਰ ਕਰਨ ਤੋਂ ਬਾਅਦ ਰਿਲੀਜ਼ ਵਾਲੇ ਦਿਨ ਉਸ ਦਾ 'ਆਖਰੀ ਫਿਲਮ ਸ਼ੋਅ' ਇਕੱਠੇ ਦੇਖਾਂਗੇ।।"
ਗੌਰਤਲਬ ਹੈ ਕਿ ਛੈਲੋ ਸ਼ੋਅ ਇੱਕ ਗੁਜਰਾਤੀ ਫਿਲਮ ਹੈ, ਜੋ ਇਸ ਸਾਲ ਔਸਕਰ ਲਈ ਭਾਰਤ ਦੀ ਅਧਿਕਾਰਤ ਐਂਟਰੀ ਹੈ।
