ਪਾਕਿਸਤਾਨੀ ਅਭਿਨੇਤਾ ਫਵਾਦ ਲੰਡਨ ’ਚ ਇਕ ਬਾਲੀਵੁੱਡ ਫ਼ਿਲਮ ਦੀ ਕਰ ਰਹੇ ਸ਼ੂਟਿੰਗ

ਪਾਕਿਸਤਾਨ ਦੇ ਚਰਚਿਤ ਅਭਿਨੇਤਾ ਅਤੇ ਸੁਪਰਸਟਾਰ ਫਵਾਦ ਖਾਨ 8 ਸਾਲਾਂ ਦੇ ਵਕਫੇ ਪਿੱਛੋਂ ਬਾਲੀਵੁੱਡ ’ਚ ਇਕ ਸਨਸਨੀ ਖੇਜ ਵਾਪਸੀ ਲਈ ਤਿਆਰੀ ਵੱਟ ਰਹੇ ਹਨ।

ਉਸ ਨੂੰ ਚਾਹੁਣ ਵਾਲੇ ਲੰਡਨ ਆਧਾਰਿਤ ਇਕ ਰੋਮਾਂਟਿਕ ਅਤੇ ਕਾਮੇਡੀ ਭਰਪੂਰ ਫਿਲਮ ’ਚ ਅਭਿਨੇਤਰੀ ਵਾਣੀ ਕਪੂਰ ਨਾਲ ਉਸ ਨੂੰ ਦੇਖਣ ਦੀ ਉਡੀਕ ਕਰ ਸਕਦੇ ਹਨ। ਇਸ ਫਿਲਮ ਦਾ ਨਾਂ ਅਬੀਰ ਗੁਲਾਲ ਦੱਸਿਆ ਜਾ ਰਿਹਾ ਹੈ ਅਤੇ ਇਹ ਪ੍ਰਾਜੈਕਟ ਵਿਵੇਕ ਅਗਰਵਾਲ ਨੇ ਤਿਆਰ ਕੀਤਾ ਹੈ।

ਵਿਵੇਕ ਅਗਰਵਾਲ ਨੂੰ ਕੁਈਨ ਅਤੇ ਉੱੜਤਾ ਪੰਜਾਬ ਵਰਗੀਆਂ ਫ਼ਿਲਮਾਂ ਲਈ ਜਾਣਿਆ ਜਾਂਦਾ ਹੈ। ਇਸ ਤੋਂ ਪਹਿਲਾਂ ਫਵਾਦ ਖਾਨ ਨੂੰ ਪਾਕਿਸਤਾਨ ਦੀ ਵੱਡੀ ਕਮਾਈ ਕਰਨ ਵਾਲੀ ਫਿਲਮ ‘ਦਿ ਲੀਜੈਂਟ ਆਫ ਮੌਲਾ ਜੱਟ, ਮਨੀ ਬੈਕ ਗਾਰੰਟੀ ਅਤੇ ਕੌਮਾਂਤਰੀ ਤੌਰ ’ਤੇ ਪ੍ਰਸਿੱਧੀ ਖੱਟਣ ਵਾਲੀ ਮਿਸ ਮਾਰਵਲ ’ਚ ਦੇਖਿਆ ਗਿਆ ਸੀ।