ਪੰਜਾਬ ਦੇ ਖਾਲੜਾ ਦੇ ਜਸਕਰਨ ਸਿੰਘ ਨੇ 'ਕੌਣ ਬਣੇਗਾ ਕਰੋੜਪਤੀ' 'ਚ ਜਿੱਤੇ 1 ਕਰੋੜ ਰੁਪਏ

ਭਾਰਤ ਦੇ reality show 'ਕੌਣ ਬਣੇਗਾ ਕਰੋੜਪਤੀ' ਦੇ 15ਵੇਂ ਸੀਜ਼ਨ ਨੂੰ ਆਪਣਾ ਪਹਿਲਾ ਕਰੋੜਪਤੀ ਮਿਲ ਗਿਆ ਹੈ। ਜਸਕਰਨ ਸਿੰਘ ਇਸ ਸੀਜ਼ਨ ਵਿਚ 1 ਕਰੋੜ ਰੁਪਏ ਜਿੱਤਣ ਵਾਲਾ ਪਹਿਲਾ ਪ੍ਰਤੀਯੋਗੀ ਬਣ ਗਿਆ ਹੈ। ਜਸਕਰਨ ਸਿੰਘ ਪੰਜਾਬ ਦੇ ਇੱਕ ਛੋਟੇ ਜਿਹੇ ਪਿੰਡ ਖਾਲੜਾ ਦਾ ਰਹਿਣ ਵਾਲਾ ਹੈ।

1 ਕਰੋੜ ਰੁਪਏ ਜਿੱਤਣ ਤੋਂ ਬਾਅਦ ਜਸਕਰਨ 7 ਕਰੋੜ ਰੁਪਏ ਦੇ ਸਵਾਲ ਦਾ ਜਵਾਬ ਨਹੀਂ ਦੇ ਸਕਿਆ ਅਤੇ ਉਸ ਨੇ ਖੇਡ ਛੱਡਣ ਦਾ ਫੈਸਲਾ ਕੀਤਾ। ਬੱਚਨ ਨੇ ਹਾਈ ਰਿਸਕ ਪੁਵਾਇਂਟ 'ਤੇ ਖੇਡ ਛੱਡਣ ਦੇ ਉਸ ਦੇ ਇਸ ਫੈਸਲੇ ਦੀ ਸ਼ਲਾਘਾ ਕੀਤੀ।

7 ਕਰੋੜ ਰੁਪਏ ਦਾ ਸਵਾਲ ਸੀ ਕਿ ‘ਪਦਮ ਪੁਰਾਣ’ ਅਨੁਸਾਰ ਕਿਸ ਰਾਜੇ ਨੂੰ ਹਿਰਨ ਦੇ ਸਰਾਪ ਕਾਰਨ ਸੌ ਸਾਲ ਸ਼ੇਰ ਬਣ ਕੇ ਰਹਿਣਾ ਪਿਆ? ਇਸ ਦੇ ਵਿਕਲਪ ਸਨ: ਕਸ਼ੇਮਾਧੁਰਤੀ, ਧਰਮਦੱਤ, ਮਿਤਾਧਵਜ ਅਤੇ ਪ੍ਰਭੰਜਨਾ।

ਸਹੀ ਜਵਾਬ ਸੀ 'ਪ੍ਰਭੰਜਨ।

ਜਸਕਰਨ ਇੱਕ IAS ਅਫਸਰ ਬਣਨ ਦੀ ਇੱਛਾ ਰੱਖਦਾ ਹੈ। ਉਸ ਨੇ ਕਿਹਾ ਕਿ ਇਹ ਜਿੱਤ ਉਸ ਦੀ ਇੱਕ ਵੱਡੀ ਅਭਿਲਾਸ਼ਾ ਦੀ ਸ਼ੁਰੂਆਤ ਹੈ, ਜਸਕਰਨ ਨੇ ਕਿਹਾ ਕਿ ਮੈਂ ਇੱਕ ਆਈ. ਏ. ਐੱਸ. ਅਧਿਕਾਰੀ ਵਜੋਂ ਆਪਣੇ ਦੇਸ਼ ਦੀ ਸੇਵਾ ਕਰਨਾ ਚਾਹੁੰਦਾ ਹਾਂ।

ਜਸਕਰਨ ਨੇ ਕਿਹਾ,"ਜਦੋਂ ਮੈਂ ਅੱਗੇ ਦੇਖਦਾ ਹਾਂ ਮੈਨੂੰ ਇਸ ਜਿੱਤ ਦਾ ਦੋਹਰਾ ਉਦੇਸ਼ ਨਜ਼ਰ ਆਉਂਦਾ ਹੈ -ਇੱਕ ਤਾਂ ਪਰਿਵਾਰਕ ਖੁਸ਼ੀ ਨੂੰ ਪੂਰਾ ਕਰਨਾ ਅਤੇ ਦੂਜਾ ਉਹਨਾਂ ਚੀਜ਼ਾਂ ਦੀ ਖੋਜ ਕਰਨਾ ਜਿਨ੍ਹਾਂ ਦਾ ਮੈਂ ਅਧਿਐਨ ਕੀਤਾ। ਇਹ ਸਿਰਫ਼ ਇੱਕ ਇਨਾਮ ਨਹੀਂ,ਇਹ ਮੇਰੇ ਭਵਿੱਖ ਨੂੰ ਰਾਹ ਦੇਣ ਦਾ ਮੌਕਾ ਹੈ।