ਜੈਸਮੀਨ ਸੈਂਡਲਾਸ ਨੂੰ ਕਰਨਾ ਪੈ ਰਿਹਾ ਆਲੋਚਨਾ ਦਾ ਸਾਹਮਣਾ

ਚਰਚਿਤ ਪੰਜਾਬੀ ਗਾਇਕਾ ਜੈਸਮੀਨ ਇਨੀਂ ਦਿਨੀਂ ਆਪਣੇ ਤਾਜ਼ਾ ਸਿੰਗਲ ਹੀਟ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਆਲੋਚਨਾਤਮਕ ਟਿੱਪਣੀਆਂ ਦਾ ਸਾਹਮਣਾ ਕਰ ਰਹੀ ਹੈ। ਜੈਸਮੀਨ ਦੀ ਇਸ ਸੰਗੀਤਮਈ ਵੀਡੀਓ ’ਚ ਕਾਫੀ ਗੋਲਡ ਦਿ੍ਰਸ਼ ਹਨ, ਜਿਸ ਕਾਰਨ ਉਸ ਦੇ ਪ੍ਰਸ਼ੰਸਕਾਂ ਅਤੇ ਆਲੋਚਕਾ ਦਰਿਮਆਨ ਇਕ ਗਰਮਾ-ਗਰਮ ਬਹਿਸ ਛਿੜ ਗਈ ਹੈ।

ਕਈ ਲੋਕਾਂ ਨੇ ਵੀਡੀਓ ’ਚ ਜੈਸਮੀਨ ਦੀਆਂ ਕੁਝ ਖੁੱਲੀਆਂ ਹਰਕਤਾਂ ਨੂੰ ਲੈ ਕੈ ਆਪਣੀ ਬੇਚੈਨੀ ਜ਼ਾਹਰ ਕੀਤੀ ਹੈ ਅਤੇ ਕਿਹਾ ਹੈ ਕਿ ਪੰਜਾਬੀ ਸੱਭਿਆਚਾਰ ਕਦਰਾ ਕੀਮਤਾਂ ਦੇ ਅਨੁਕੂਲ ਕੰਮ ਨਹੀਂ ਕਰ ਰਹੀ।

ਇਸ ਦੇ ਨਾਲ ਹੀ ਕਈ ਲੋਕਾਂ ਨੇ ਇਹ ਸਵਾਲ ਵੀ ਉਠਾਏ ਹਨ ਕਿ ਉੱਘੇ ਗੀਤਕਾਰ ਕਪਤਾਨ ਵਲੋਂ ਲਿਖੇ ਕੁਝ ਗੀਤਾਂ ’ਚ ਅਸ਼ਲੀਲਤਾ ਦਾ ਰੰਗ ਹੈ। ਇਸ ਨਾਲ ਵਿਵਾਦ ਕਾਫੀ ਭੜਕ ਗਿਆ ਹੈ। ਇਸ ਸਭ ਦੇ ਬਾਵਜੂਦ ਜੈਸਮੀਨ ਨੇ ਚੁੱਪੀ ਵੱਟੀ ਹੋਈ ਹੈ ਅਤੇ ਆਪਣੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ’ਤੇ ‘ਹੀਟ’ ਨੂੰ ਉਤਸ਼ਾਹਿਤ ਕਰ ਰਹੀ ਹੈ।