ਜਿੰਮੀ ਸ਼ੇਰਗਿਲ ਵਲੋਂ 'ਮਾਂ ਜਾਏ' ਵਿੱਚ ਪਰਿਵਾਰਕ ਸੰਬੰਧਾਂ ਦੀ ਪੇਸ਼ਕਾਰੀ

Jasmine Singh

ਬਾਲੀਵੁੱਡ ਅਤੇ ਪੰਜਾਬੀ ਅਭਿਨੇਤਾ ਜਿੰਮੀ ਸ਼ੇਰਗਿਲ ਦੀ ਆਉਣ ਵਾਲੀ ਫਿਲਮ 'ਮਾਂ ਜਾਏ' ਵਿੱਚ ਪਰਿਵਾਰਕ ਸੰਬੰਧਾਂ ਦੀ ਵਿਸ਼ੇਸ਼ ਪੇਸ਼ਕਾਰੀ ਹੋਵੇਗੀ। ਜਿੰਮੀ ਇਨ੍ਹੀਂ ਦਿਨੀਂ ਫਿਲਮ ਦੇ ਨਿਰਦੇਸ਼ਕ ਨਵਨੀਤ ਸਿੰਘ ਨਾਲ ਇਸ ਫਿਲਮ ਬਾਰੇ ਗੰਭੀਰ ਚਰਚਾ ਕਰ ਰਹੇ ਹਨ। ਫਿਲਮ ਤਿੰਨ ਭਰਾਵਾਂ ਦੇ ਆਪਸੀ ਗੂੜੇ ਰਿਸ਼ਤੇ ਨੂੰ ਦਰਸਾਉਂਦੀ ਹੈ ਅਤੇ ਖਾਸ ਕਰਕੇ ਉਨ੍ਹਾਂ ਵਿਚੋਂ ਉਸ ਭਰਾ ਦੇ ਤਜ਼ਰਬੇ ਤੇ ਕੇਂਦਰਿਤ ਹੈ,ਜਿਹੜਾ ਪੜਾਈ ਕਰਨ ਲਈ ਵਿਦੇਸ਼ ਜਾਂਦਾ ਹੈ।

ਕੁਨੈਕਟ ਸਿਨੇ ਨਾਲ ਗੱਲਬਾਤ ਕਰਦਿਆਂ ਜਿੰਮੀ ਸ਼ੇਰਗਿਲ ਨੇ ਫਿਲਮ ਦੇ ਵਿਸ਼ੇ ਅਤੇ ਕੈਨੇਡਾ ਵਿੱਚ ਕੌਮਾਂਤਰੀ ਵਿਦਿਆਰਥੀਆਂ ਦੇ ਅਨੁਭਵ ਦਰਮਿਆਨ ਇਕ ਦਿਲ ਟੁੰਬਵੀਂ ਸਮਾਨਤਾ ਦੱਸੀ। ਜਿੰਮੀ ਨੇ ਕਿਹਾ ਕਿ ਫਿਲਮ ਦੀ ਕਹਾਣੀ ਬਹੁਤ ਲੋਕਾਂ ਨੂੰ ਪਸੰਦ ਆਵੇਗੀ ਅਤੇ ਇਹ ਕੰਮਜ਼ੋਰ ਹੋ ਰਹੇ ਪਰਿਵਾਰਕ ਰਿਸ਼ਤਿਆਂ ਨੂੰ ਮਜ਼ਬੂਤ ਕਰਨ 'ਚ ਅਹਿਮ ਯੋਗਦਾਨ ਪਾਵੇਗੀ।

ਮੁਲਾਕਾਤ ਦੌਰਾਨ ਜਿੰਮੀ ਨੇ ਦੱਸਿਆ ਕਿ ਉਹ 'ਮੇਲ ਕਰਾ ਦੇ ਰੱਬਾ' ਦੀ ਅਗਲੀ ਕੜੀ ਵਾਸਤੇ ਕਿਸੇ ਢੁੱਕਵੀ ਸਕ੍ਰਪਿਟ ਲਈ ਕਿਸੇ ਲੰਬੇ ਸਮੇਂ ਤੋਂ ਲੱਭ ਰਹੇ ਹਨ। 'ਮੇਲ ਕਰਾ ਦੇ ਰੱਬਾ' ਨੇ ਫਿਲਮ ਇੰਡਸਟਰੀ 'ਚ ਬੜਾ ਪ੍ਰਭਾਵ ਛੱਡਿਆ ਸੀ। 'ਮਾਂ ਜਾਏ'ਨਾਲ ਉਸ ਦੀ ਇਕ ਖੋਜ ਪੂਰੀ ਹੋ ਗਈ ਹੈ।