ਡਾਇਰੈਕਟਰ ਸੰਦੀਪ ਰੈੱਡੀ ’ਤੇ ਬੁਰੀ ਤਰ੍ਹਾਂ ਭੜਕੀ ਕੰਗਨਾ ਰਣੌਤ

ਇਨ੍ਹੀਂ ਦਿਨੀਂ ਸੰਦੀਪ ‘ਐਨੀਮਲ’ ਦੀ ਕਾਮਯਾਬੀ ਦਾ ਆਨੰਦ ਲੈ ਰਹੇ ਹਨ। ਫਿਲਮ ਨੂੰ ਬਾਕਸ ਆਫਿਸ ਦੇ ਨਾਲ-ਨਾਲ ਓ.ਟੀ.ਟੀ. ਪਲੇਟਫਾਰਮ ’ਤੇ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਹਰ ਕੋਈ ਇਸ ਦੀ ਤਾਰੀਫ਼ ਕਰ ਰਿਹਾ ਹੈ। ਹਾਲਾਂਕਿ ਇਸ ਫਿਲਮ ਨੂੰ ਲੈ ਕੇ ਕਈ ਵਿਵਾਦ ਵੀ ਹੋਏ ਹਨ।

ਸੰਦੀਪ ਨੇ ਕੰਗਨਾ ਨਾਲ ਕੰਮ ਕਰਨ ਬਾਰੇ ਕਹੇ ਜਾਣ ਤੋਂ ਬਾਅਦ ਅਦਾਕਾਰਾ ਨੇ ਇਸ ’ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਕੰਗਨਾ ਨੇ ਟਵੀਟ ਕੀਤਾ- ‘ਸਮੀਖਿਆ ਅਤੇ ਆਲੋਚਨਾ ਇਕ ਸਮਾਨ ਨਹੀਂ ਹਨ, ਹਰ ਤਰ੍ਹਾਂ ਦੀ ਕਲਾ ਦੀ ਸਮੀਖਿਆ ਅਤੇ ਚਰਚਾ ਹੋਣੀ ਚਾਹੀਦੀ ਹੈ, ਇਹ ਆਮ ਗੱਲ ਹੈ। ਸੰਦੀਪ ਜੀ ਨੇ ਮੁਸਕਰਾਉਂਦੇ ਹੋਏ ਮੇਰੀ ਸਮੀਖਿਆ ਪ੍ਰਤੀ ਜਿਸ ਤਰ੍ਹਾਂ ਦਾ ਸਤਿਕਾਰ ਦਿਖਾਇਆ, ਉਸ ਨੂੰ ਦੇਖ ਕੇ ਇਹ ਕਿਹਾ ਜਾ ਸਕਦਾ ਹੈ ਕਿ ਉਹ ਸਿਰਫ਼ ਮਰਦਾਨਾ ਫ਼ਿਲਮਾਂ ਹੀ ਨਹੀਂ ਬਣਾਉਂਦੇ, ਉਨ੍ਹਾਂ ਦਾ ਰਵੱਈਆ ਵੀ ਮਰਦਾਨਾ ਹੈ, ਧੰਨਵਾਦ ਸਰ।

ਕੰਗਨਾ ਨੇ ਅੱਗੇ ਲਿਖਿਆ- ‘ਪਰ ਕਿਰਪਾ ਕਰਕੇ ਮੈਨੂੰ ਕੋਈ ਰੋਲ ਨਾ ਦਿਓ, ਨਹੀਂ ਤਾਂ ਤੁਹਾਡੇ ਅਲਫਾ ਮੇਲ ਹੀਰੋ ਨਾਰੀਵਾਦੀ ਬਣ ਜਾਣਗੇ ਅਤੇ ਤੁਹਾਡੀਆਂ ਫਿਲਮਾਂ ਵੀ ਫਲੌਪ ਹੋਣ ਲੱਗ ਜਾਣਗੀਆਂ। ਤੁਸੀਂ ਬਲਾਕਬਸਟਰ ਬਣਾਉਂਦੇ ਹੋ ਅਤੇ ਫਿਲਮ ਇੰਡਸਟਰੀ ਨੂੰ ਤੁਹਾਡੀ ਲੋੜ ਹੈ।

ਸੰਦੀਪ ਰੈੱਡੀ ਵਾਂਗਾ ਨੇ ਸਿਧਾਰਥ ਕਾਨਨ ਨੂੰ ਦਿੱਤੇ ਇੱਕ ਇੰਟਰਵਿਊ ਵਿੱਚ ਕਿਹਾ ਸੀ- ‘ਜੇਕਰ ਮੈਨੂੰ ਮੌਕਾ ਮਿਲਦਾ ਹੈ ਅਤੇ ਮਹਿਸੂਸ ਹੁੰਦਾ ਹੈ ਕਿ ਉਹ ਮੇਰੇ ਰੋਲ ਦੇ ਅਨੁਕੂਲ ਹੈ, ਤਾਂ ਮੈਂ ਉਸ ਕੋਲ ਜਾਵਾਂਗਾ ਅਤੇ ਕਹਾਣੀ ਸੁਣਾਵਾਂਗਾ। ਮੈਨੂੰ ‘ਕੁਈਨ’ ਅਤੇ ਹੋਰ ਫਿਲਮਾਂ ਵਿੱਚ

ਉਸਦੀ ਅਦਾਕਾਰੀ ਬਹੁਤ ਪਸੰਦ ਆਈ, ਇਸ ਲਈ ਜੇਕਰ ਉਹ ਐਨੀਮਲ ਬਾਰੇ ਨਕਾਰਾਤਮਕ ਟਿੱਪਣੀਆਂ ਦੇ ਰਹੀ ਹੈ ਤਾਂ ਮੈਨੂੰ ਕੋਈ ਸਮੱਸਿਆ ਨਹੀਂ ਹੈ। ਮੈਂ ਗੁੱਸੇ ਨਹੀਂ ਹੋਵਾਂਗਾ ਕਿਉਂਕਿ ਮੈਂ ਉਸ ਦਾ ਕੰਮ ਦੇਖਿਆ ਹੈ। ਕੰਗਨਾ ਦੇ ਨੈਗਟਿਵ ਰਿਵਿਊ ਨਾਲ ਕੋਈ ਫਰਕ ਨਹੀਂ ਪਿਆ।