18.47C Vancouver 18.47C VancouverMay 21, 2024 6:00 PM - Connect Newsroom
ਕਪਿਲ ਸ਼ਰਮਾ ਦਾ ਕਾਮੇਡੀ ਸ਼ੋਅ ਕਈ ਸਾਲਾਂ ਤੱਕ ਟੀ.ਵੀ. ’ਤੇ ਟੈਲੀਕਾਸਟ ਹੁੰਦਾ ਰਿਹਾ ਅਤੇ ਕਪਿਲ ਦੀ ਟੀਮ ਨੇ ਸਾਰਿਆਂ ਦਾ ਖੂਬ ਮਨੋਰੰਜਨ ਕੀਤਾ। ਦਰਸ਼ਕ ਉਨ੍ਹਾਂ ਦੇ ਸ਼ੋਅ ਨੂੰ ਕਾਫੀ ਪਸੰਦ ਕਰਦੇ ਹਨ। ਪਰ ਪਿਛਲੇ ਸਾਲ ਉਨ੍ਹਾਂ ਦਾ ਸ਼ੋਅ ਟੀਵੀ ਤੋਂ ਹਟਾ ਦਿੱਤਾ ਗਿਆ ਸੀ, ਜੋ ਹੁਣ ਨੈੱਟਫਲਿਕਸ ‘ਤੇ ਸਟਰੀਮ ਹੋ ਰਿਹਾ ਹੈ। ਹੁਣ ਖਬਰ ਹੈ ਕਿ ਸੋਨੀ ਜ਼ਾਕਿਰ ਖਾਨ ਦੇ ਸ਼ੋਅ ਨੂੰ ਬੋਰਡ ‘ਤੇ ਲਿਆਉਣ ਜਾ ਰਹਾ ਹੈ।
ਖਬਰਾਂ ਮੁਤਾਬਕ ਜ਼ਾਕਿਰ ਖਾਨ ਦੇ ਸ਼ੋਅ ‘ਚ ਸ਼ਾਇਰੀ ਅਤੇ ਕਾਮੇਡੀ ਦੋਵੇਂ ਨਜ਼ਰ ਆਉਣਗੇ, ਉਹ ਵੀ ਜ਼ਾਕਿਰ ਖਾਨ ਦੇ ਅੰਦਾਜ਼ ‘ਚ। ਕਾਮੇਡੀਅਨ ਜ਼ਾਕਿਰ ਖਾਨ ਨੇ ਆਪਣੀ ਜ਼ਬਰਦਸਤ ਕਾਮੇਡੀ ਅਤੇ ਸ਼ਾਇਰੀ ਦੇ ਦਮ ‘ਤੇ ਆਪਣਾ ਇੱਕ ਅਜਿਹੀ ਆਡਿਅੰਸ ਬਣਾਈ ਹੈ, ਜੋ ਉਨ੍ਹਾਂ ਦੇ ਸ਼ਾਇਰਾਨਾ ਅੰਦਾਜ਼ ਨੂੰ ਬਹੁਤ ਪਸੰਦ ਕਰਦੇ ਹਨ।
ਜ਼ਾਕਿਰ ਖਾਨ ਦੇ ਸ਼ੋਅ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਦਾ ਸ਼ੋਅ ਇਸ ਸਾਲ ਅਗਸਤ ’ਚ ਟੀਵੀ ‘ਤੇ ਸ਼ੁਰੂ ਹੋਣ ਦੀ ਉਮੀਦ ਹੈ। ਸ਼ਾਇਰੀ ਅਤੇ ਕਾਮੇਡੀ ਦੇ ਨਾਲ-ਨਾਲ ਬਾਲੀਵੁੱਡ ਮਹਿਮਾਨ ਵੀ ਇਸ ਸ਼ੋਅ ਵਿੱਚ ਆਉਣਗੇ, ਜਿਵੇਂ ਉਹ ਕਪਿਲ ਸ਼ਰਮਾ ਦੇ ਸ਼ੋਅ ਵਿੱਚ ਆਉਂਦੇ ਸਨ। ਜੇਕਰ ਉਨ੍ਹਾਂ ਦਾ ਸ਼ੋਅ ਸ਼ੁਰੂ ਹੁੰਦਾ ਹੈ ਤਾਂ ਇਹ ਦੂਜੀ ਵਾਰ ਹੋਵੇਗਾ ਜਦੋਂ ਉਹ ਟੀਵੀ ‘ਤੇ ਨਜ਼ਰ ਆਉਣਗੇ।
ਇਸ ਤੋਂ ਪਹਿਲਾਂ, ਸਾਲ 2017 ਵਿੱਚ, ਉਹ ‘ਦਿ ਗ੍ਰੇਟ ਇੰਡੀਅਨ ਲਾਫਟਰ ਚੈਲੇਂਜ’ ਦੇ ਪੰਜਵੇਂ ਸੀਜ਼ਨ ਵਿੱਚ ਮੇਂਟਰ ਦੇ ਰੂਪ ਵਿੱਚ ਨਜ਼ਰ ਆਏ ਸਨ। ਜ਼ਾਕਿਰ ਖਾਨ ਨੇ ਓ.ਟੀ.ਟੀ. ’ਤੇ ‘ਫਰਜ਼ੀ ਮੁਸ਼ਾਇਰਾ’ ਨਾਮ ਦਾ ਇੱਕ ਕਾਮੇਡੀ ਨਾਨ-ਫਿਕਸ਼ਨ ਸ਼ੋਅ ਵੀ ਕੀਤਾ ਹੈ। ਇਸ ਵਿੱਚ ਉਨ੍ਹਾਂ ਦੀ ਸ਼ਾਇਰੀ ਅਤੇ ਕਾਮੇਡੀ ਦੋਵਾਂ ਦਾ ਮਿਕਸ ਡੋਜ਼ ਹੈ।
