ਕਰਨ ਔਜਲਾ ਨੇ ਸ਼ੁਭ ਦੀ ਕੀਤੀ ਤਾਰੀਫ਼

ਪੰਜਾਬੀ ਗਾਇਕ ਕਰਨ ਔਜਲਾ, ਜਲਦ ਹੀ ‘ਦਿ ਕਪਿਲ ਸ਼ਰਮਾ’ ਸ਼ੋਅ ’ਤੇ ਦਿਖਾਈ ਦੇਣਗੇ। ਗਾਇਕ ਦੇ ਲਗਾਤਾਰ ਦੋ ਗਾਣੇ ’Goin Off’ ਤੇ ’Winning Speech’ ਰਿਲੀਜ਼ ਹੋਏ ਹਨ ਅਤੇ ਇਨ੍ਹਾਂ ਦੋਵੇਂ ਹੀ ਗੀਤਾਂ ਨੇ ਧਮਾਲ ਮਚਾ ਦਿੱਤੀ ਹੈ। ਇਨ੍ਹਾਂ ਵਿੱਚੋਂ ਗਾਣਾ ‘ਵਿਨਿੰਗ ਸਪੀਚ’ ਬੀਤੇ ਦਿਨੀਂ ਰਿਲੀਜ਼ ਹੋਇਆ ਹੈ, ਜਿਸ ਨੂੰ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਗਾਣੇ ਦੇ ਬੋਲ ਬਹੁਤ ਵਧੀਆ ਹਨ ਤੇ ਨਾਲ ਹੀ ਕੈਚੀ ਮਿਊਜ਼ਿਕ ਵੀ ਦਿਲ ਜਿੱਤਣ ਵਾਲਾ ਹੈ।

ਇਸ ਦੇ ਨਾਲ ਨਾਲ ਇੱਕ ਹੋਰ ਖਾਸ ਚੀਜ਼ ਕਰਕੇ ਔਜਲੇ ਦਾ ਇਹ ਗੀਤ ਚਰਚਾ ’ਚ ਬਣਿਆ ਹੋਇਆ ਹੈ। ਲਾਈਵ ਸੈਸ਼ਨ ਦੌਰਾਨ ਕਰਨ ਔਜਲਾ ਨੇ ਸਾਥੀ ਪੰਜਾਬੀ ਗਾਇਕ ਸ਼ੁਭ ਦੀ ਤਾਰੀਫ਼ ਵੀ ਕੀਤੀ। ਉਸ ਨੇ ਵੈਨਕੂਵਰ ਅਤੇ ਐਡਮਿੰਟਨ ਵਿੱਚ ਆਪਣੇ ਆਉਣ ਵਾਲੇ ਲਾਈਵ ਸ਼ੋਅ ਲਈ ਆਪਣੀ ਉਤਸੁਕਤਾ ਵੀ ਜ਼ਾਹਰ ਕੀਤੀ।

ਇੰਸਟਾਗ੍ਰਾਮ ਲਾਈਵ ਸੈਸ਼ਨ ਤੋਂ ਸਪੱਸ਼ਟ ਸੀ ਕਿ ਕਰਨ ਔਜਲਾ ਦੁਬਈ ਚਲੇ ਗਏ ਹਨ। ਖਾਸ ਤੌਰ ’ਤੇ, ਔਜਲਾ ਦਾ ਬਹੁਤ ਵੱਡਾ ਪ੍ਰਸ਼ੰਸਕ, ਬਾਲੀਵੁੱਡ ਅਭਿਨੇਤਾ ਵਿੱਕੀ ਕੌਸ਼ਲ, ਗਾਇਕ ਲਈ ਆਪਣੀ ਪ੍ਰਸ਼ੰਸਾ ਨੂੰ ਦਰਸਾਉਂਦੇ ਹੋਏ, ਅਕਸਰ ਆਪਣੀਆਂ ਵੀਡੀਓਜ਼ ਸ਼ੇਅਰ ਕਰਦਾ ਹੈ।