ਕਰਨ ਔਜਲਾ ਨੇ ਹਨੂੰਮੈਨਕਾਈਂਡ ਨਾਲ ਸਟੇਜ ਕੀਤੀ ਸਾਂਝੀ

ਸੰਗੀਤ ਪ੍ਰੇਮੀਆਂ ਲਈ ਉਹ ਪਲ ਬੜੇ ਰੋਮਾਂਚ ਭਰਪੂਰ ਸਨ ਜਦੋਂ ਕੇਰਲਾ ਦੇ ਮਸ਼ਹੂਰ ਰੈਪਰ ਹਨੂੰਮੈਨਕਾਈਂਡ ਨੇ ਬੈਂਗਲੁਰੂ ਦੇ ਇਕ ਸਮਾਰੋਹ ’ਚ ਪੰਜਾਬੀ ਗਾਇਕ ਕਰਨ ਔਜਲਾ ਨਾਲ ਸਾਂਝੀ ਪੇਸ਼ਕਾਰੀ ਦਿੱਤੀ। ਹਨੂੰਮੈਨਕਾਈਂਡ ਦਾ ਬੜਾ ਹੈਰਾਨੀਜਨਕ ਅਤੇ ਸਨਸਨੀ ਭਰਪੂਰ ਅੰਦਾਜ਼ ਸੀ ਜਦੋਂ ਉਹ ਅਚਨਚੇਤ ਕਰਨ ਦੇ ਨਾਲ ਸਟੇਜ ’ਤੇ ਆ ਗਿਆ।

ਸੰਗੀਤ ਦੇ ਖੇਤਰ ਦੀਆਂ ਇਨ੍ਹਾਂ ਚਰਚਿਤ ਸ਼ਖ਼ਸੀਅਤਾਂ ਨੇ ਆਪਣੇ ਵਿਸ਼ਵ ਪੱਧਰ ’ਤੇ ਹਿੱਟ ਹੋ ਚੁੱਕਾ ਬਿਗ ਡਾਗਜ਼ ਨੂੰ ਇੰਨੇ ਜੋਸ਼ ਅਤੇ ਉਤਸ਼ਾਹ ਨਾਲ ਗਾਇਆ ਕਿ ਉਨ੍ਹਾਂ ਦੀ ਆਵਾਜ਼ ਅਤੇ ਸੁਰ ਤਾਲ ਦਾ ਜਾਦੂ ਦਰਸ਼ਕਾਂ ਦੇ ਸਿਰ ਚੜ੍ਹ ਬੋਲਿਆ। ਕਰਨ ਔਜਲਾ ਇਨੀਂ ਦਿਨੀਂ ਆਪਣੇ ਇਟ ਵਾਜ਼ ਆਲ ਏ ਡਰੀਮ ਨਾਮੀ ਵਿਸ਼ਵ ਟੂਰ ਦੇ ਭਾਰਤੀ ਪੜਾਅ ’ਚ ਪੇਸ਼ਕਾਰੀਆਂ ਦੇ ਰਿਹਾ ਹੈ।

ਇਸ ਸੰਦਰਭ ’ਚ ਹੀ ਉਹ ਬੈਂਗਲੁਰੂ ’ਚ ਆਪਣੀ ਯਾਦਗਾਰੀ ਪੇਸ਼ਕਾਰੀ ਦੇ ਰਿਹਾ ਸੀ। ਇਸ ਦੌਰਾਨ ਹਨੂੰਮੈਨਕਾਈਂਡ ਜੋ ਸੰਗੀਤ ਦੇ ਖੇਤਰ ’ਚ ਵਿਲਖਣ ਅੰਦਾਜ਼ ਲਈ ਜਾਣਿਆ ਜਾਂਦਾ ਨੇ ਆਪਣੀ ਬੜੀ ਬੁਲੰਦ ਪੇਸ਼ਕਾਰੀ ਦਿੱਤੀ।