18.28C Vancouver 18.28C VancouverSep 5, 2025 12:35 PM - Connect Newsroom
ਪ੍ਰਸਿੱਧ ਗਾਇਕ ਕਰਨ ਔਜਲਾ ਨੇ 9 ਸਤੰਬਰ ਨੂੰ ਹੋਣ ਵਾਲੇ 'ਜਿੰਮੀ ਫੈਲੋਨ ਸ਼ੋਅ' ਵਿੱਚ ਆਪਣੀ ਪੇਸ਼ਕਾਰੀ ਲਈ ਮੁਕੰਮਲ ਤਿਆਰੀ ਕਰ ਲਈ ਹੈ। ਇਹ ਦੁਨੀਆ ਭਰ ਦੇ ਪੰਜਾਬੀਆਂ ਲਈ ਇਕ ਮਾਣ ਮੱਤਾ ਪਲ ਹੋਵੇਗਾ ਕਿ ਪੰਜਾਬ ਦਾ ਇਕ ਕਲਾਕਾਰ ਇੰਨੇ ਵੱਡੇ ਸ਼ੋਅ ਵਿੱਚ ਦਰਸ਼ਕਾਂ ਦੇ ਸਾਵੇਂ ਮੰਚ 'ਤੇ ਮੌਜੂਦ ਹੋਵੇਗਾ। ਕਰਨ ਔਜਲਾ ਜੋ ਕਿ ਮੂਲ ਰੂਪ ਵਿੱਚ ਪੰਜਾਬ ਨਾਲ ਸੰਬੰਧਿਤ ਹੈ ਅਤੇ ਹੁਣ ਕੈਨੇਡਾ ਦੇ ਸਰੀ ਵਿੱਚ ਵਸਿਆ ਹੋਇਆ ਹੈ। ਸਿਰਫ ਇਕ ਸੰਗੀਤਕਾਰ ਨਹੀਂ ਸਗੋਂ ਇਕ ਬੜੀ ਦਿਲਕਸ਼ ਅਵਾਜ਼ ਦਾ ਮਾਲਕ ਵੀ ਹੈ।
ਉਸ ਦੇ ਬੋਲ ਜਿੱਥੇ ਪੰਜਾਬ ਵਿੱਚ ਉਸ ਦੀ ਜੜ੍ਹਾਂ ਦੇ ਪੇਸ਼ਕਾਰੀ ਕਰਦੇ ਹਨ, ਉੱਥੇ ਕੈਨੇਡਾ ਵਿੱਚ ਉਸ ਦੇ ਜੀਵਨ ਨੂੰ ਰੰਗਦਾਰ ਝਲਕਾਰਾ ਵੀ ਪੇਸ਼ ਕਰਦੇ ਹਨ। ਉਸ ਦੀ ਵਿਲੱਖਣ ਆਵਾਜ਼ ਦੋਹਾਂ ਦੇਸ਼ਾਂ ਦੇ ਸਰੋਤਿਆਂ ਦੇ ਨਾਲ-ਨਾਲ ਸਮੂਹ ਪੰਜਾਬੀਆਂ ਦੇ ਕੰਨਾਂ ਵਿੱਚ ਰਸ ਘੋਲਦੀ ਹੈ।
ਇਸ ਤੋਂ ਪਹਿਲਾਂ ਦਿਲਜੀਤ ਦੋਸਾਂਝ ਵੀ ਫੈਲੋਨ ਦੇ ਸਟੇਜ 'ਤੇ ਆਪਣੀ ਪੇਸ਼ਕਾਰੀ ਦੇ ਚੁੱਕੇ ਹਨ।ਕਰਨ ਦੀ ਇਸ ਪੇਸ਼ਕਾਰੀ ਨਾਲ ਪੰਜਾਬੀ ਭਾਈਚਾਰੇ ਦੇ ਲੋਕਾਂ ਨੂੰ ਸਹਿਜੇ ਹੀ ਇਹ ਅਹਿਸਾਸ ਹੋਵੇਗਾ ਕਿ ਉਨ੍ਹਾਂ ਦਾ ਸਭਿੱਆਚਾਰ,ਕਹਾਣੀਆਂ ਅਤੇ ਸੰਗੀਤ ਗੋਲਬਲ ਪਲੇਟਫਾਰਮ ਦੇ ਹਾਣ ਦੇ ਹਨ।
