ਕਰਨ ਔਜਲਾ ਵਾਇਰਲੈਸ ਫੈਸਟੀਵਲ ’ਤੇ ਨਹੀਂ ਕਰਨਗੇ ਪਰਫਾਰਮ

ਪੰਜਾਬੀ ਸੰਗੀਤ ’ਚ ਤਹਿਲਕਾ ਮਚਾਉਣ ਵਾਲੀ ਸ਼ਖਸੀਅਤ ਕਰਨ ਔਜਲਾ ਨੇ ਐਲਾਨ ਕੀਤਾ ਹੈ ਕਿ ਉਹ ਆਬੂਧਾਬੀ ’ਚ ਹੋਣ ਵਾਲੇ ਵਾਇਰਲੈਸ ਫੈਸਟੀਵਲ ਦੌਰਾਨ ਆਪਣੀ ਪੇਸ਼ਕਾਰੀ ਨਹੀਂ ਦੇਣਗੇ। ਸੰਸਾਰ ਭਰ ’ਚ ਆਪਣੇ ਪ੍ਰੇਮੀਆਂ ਦੇ ਦਿਲਾਂ ’ਤੇ ਰਾਜ ਕਰਨ ਵਾਲੇ ਕਰਨ ਔਜਲਾ ਨੇ ਕਿਹਾ ਕਿ ਕੁਝ ਨਾ ਟਾਲੇ ਜਾਣ ਵਾਲੇ ਹਾਲਾਤ ਕਰਕੇ ਉਹ ਇਸ ਫੈਸਟੀਵਲ ’ਚ ਨਹੀਂ ਜਾਣਗੇ।

ਇਸ ਖ਼ਬਰ ਦੀ ਪੁਸ਼ਟੀ ਕਰਨ ਦੀ ਟੀਮ ਵਲੋਂ ਵੀ ਕੀਤੀ ਗਈ ਹੈ। ਜਦੋਂਕਿ ਨਾ ਤਾਂ ਗਾਇਕ ਨੇ ਅਤੇ ਉਸ ਨੇ ਕਿਸੇ ਟੀਮ ਮੈਂਬਰ ਨੇ ਇਸ ਗੱਲ ਦਾ ਖੁਲਾਸਾ ਕੀਤਾ ਕਿ ਉਹ ਕਿਹੜੇ ਕਾਰਨ ਹਨ ਜਿਨ੍ਹਾਂ ਕਰਕੇ ਉਸ ਨੂੰ ਆਬੂਧਾਬੀ ਦਾ ਫੈਸਟੀਵਲ ਰੱਦ ਕਰਨਾ ਪਿਆ।

ਪੰਜਾਬੀ ਸੰਗੀਤ ਦੀ ਦੁਨੀਆ ’ਚ ਅਤੇ ਬਾਲੀਵੁੱਡ ਦੇ ਹਲਕਿਆਂ ’ਚ ਇਸ ਖ਼ਬਰ ਨੂੰ ਲੈ ਕੇ ਕਈ ਤਰਾ ਦੇ ਚਰਚੇ ਛਿੜੇ ਹੋਏ ਹਨ, ਜਿੱਥੇ ਕਿ ਉਸ ਦਾ ਟਰੈਕ ਤੌਬਾ-ਤੌਬਾ ਪ੍ਰਸ਼ੰਸਕਾਂ ’ਚ ਭਾਰੀ ਪ੍ਰਸਿੱਧੀ ਖੱਟ ਰਿਹਾ ਹੈ।