ਕਾਰਤਿਕ ਤੇ ਦਿਲਜੀਤ, ਇਹ ਹੈ ਪ੍ਰਸ਼ੰਸਕਾਂ ਲਈ ਡਬਲ ਟ੍ਰੀਟ

ਅਦਾਕਾਰ ਕਾਰਤਿਕ ਆਰਿਅਨ ਅਹਿਮਦਾਬਾਦ ਵਿੱਚ ਪੰਜਾਬੀ ਗਾਇਕ ਅਤੇ ਅਦਾਕਾਰ ਦਿਲਜੀਤ ਦੋਸਾਂਝ ਦੇ ਸ਼ੋਅ ਦੌਰਾਨ ਨੱਚਦੇ ਅਤੇ ਇੱਕ-ਦੂਜੇ ਨੂੰ ਜੱਫੀ ਪਾਉਂਦੇ ਨਜ਼ਰ ਆਏ। ਕਾਰਤਿਕ ਨੇ ਇਸ ਸਬੰਧੀ ਇੰਸਟਾਗ੍ਰਾਮ ’ਤੇ ਆਪਣੇ ਚਾਹੁਣ ਵਾਲਿਆਂ ਲਈ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ।

ਪਹਿਲੀ ਤਸਵੀਰ ਵਿੱਚ ਦਿਲਜੀਤ ਅਤੇ ਕਾਰਤਿਕ ਨੇ ਆਪਣੇ ਹੱਥ ਖੜ੍ਹੇ ਕੀਤੇ ਹੋਏ ਸਨ। ਦੋਵੇਂ ਨੇ ਕਾਲੇ ਰੰਗ ਦੇ ਕੱਪੜੇ ਪਹਿਨੇ ਹੋਏ ਸਨ। ਅਗਲੀ ਤਸਵੀਰ ਵਿੱਚ, ਕਾਰਤਿਕ ਨੇ ਦਿਲਜੀਤ ਨੂੰ ਗਲੇ ਲਗਾਇਆ ਹੋਇਆ ਸੀ। ਤੀਜੀ ਤਸਵੀਰ ਵਿੱਚ ਦੋਵੇਂ ਇੱਕ ਦੂਜੇ ਵੱਲ ਦੇਖ ਰਹੇ ਹਨ ਅਤੇ ਮੁਸਕਰਾ ਰਹੇ ਹਨ।

ਇਸ ਦੌਰਾਨ ਕਾਰਤਿਕ ਅਤੇ ਦਿਲਜੀਤ ਸਟੇਜ ’ਤੇ ਕਾਫ਼ੀ ਚਿਰ ਨੱਚੇ ਅਤੇ ਇਕ ਦੂਜੇ ਨੂੰ ਗਲੇ ਲਗਾਇਆ। ਸੋਸ਼ਲ ਮੀਡੀਆ ’ਤੇ ਇਹ ਵੀਡੀਓ ਵਾਇਰਲ ਹੋ ਗਈ ਹੈ। ਇਸ ਵਿੱਚ ਦਿਲਜੀਤ ਨੂੰ ਕਾਰਤਿਕ ਦੀ ਪਿਛਲੀ ਫਿਲਮ ‘ਭੂਲ ਭੁਲਈਆ 3’ ਦਾ ‘ਹਰੇ ਕ੍ਰਿਸ਼ਨਾ ਹਰੇ ਰਾਮ’ ਗੀਤ ਗਾਉਂਦੇ ਵੀ ਸੁਣਿਆ ਗਿਆ।

ਜ਼ਿਕਰਯੋਗ ਹੈ ਕਿ ਦਿਲਜੀਤ ਨੇ 17 ਨਵੰਬਰ ਨੂੰ ਅਹਿਮਦਾਬਾਦ ਵਿੱਚ ਆਪਣਾ ਸ਼ੋਅ ਕੀਤਾ ਸੀ, ਉਸ ਦਾ ਅਗਲਾ ਸ਼ੋਅ ਲਖਨਊ ਵਿੱਚ ਹੈ। ਮਗਰੋਂ ਉਹ ਪੂਨੇ, ਕੋਲਕਾਤਾ, ਬੰਗਲੁਰੂ, ਇੰਦੌਰ ਅਤੇ ਚੰਡੀਗੜ੍ਹ ਵਿੱਚ ਸ਼ੋਅ ਪੇਸ਼ ਕਰੇਗਾ। ਉਸ ਦਾ ਇਹ ਦੌਰਾ 29 ਦਸੰਬਰ ਨੂੰ ਗੁਹਾਟੀ ਵਿੱਚ ਸਮਾਪਤ ਹੋਵੇਗਾ।