ਲਾਪਤਾ ਲੇਡੀਜ਼ ਨਹੀਂ ਕਰ ਸਕੀ ਸੂਚੀ ’ਚ ਆਪਣਾ ਨਾਂਅ ਦਰਜ

ਫਿਲਮ ‘ਲਾਪਤਾ ਲੇਡੀਜ਼’ ਨੂੰ ਆਸਕਰ ਲਈ ਭੇਜਿਆ ਗਿਆ ਸੀ। ਫਿਲਮ ‘ਲਾਪਤਾ ਲੇਡੀਜ਼’ 97ਵੇਂ ਆਸਕਰ ਐਵਾਰਡ-2025 ਦੀ ਦੌੜ ਤੋਂ ਬਾਹਰ ਹੋ ਗਈ ਹੈ। ਇਹ ਫਿਲਮ ਅੰਤਿਮ 15 ਫਿਲਮਾਂ ਦੀ ਸੂਚੀ ਵਿੱਚ ਸ਼ਾਮਲ ਨਹੀਂ ਹੋ ਸਕੀ। ਅਕੈਡਮੀ ਆਫ ਮੋਸ਼ਨ ਪਿਕਚਰ ਆਰਟਸ ਐਂਡ ਸਾਇੰਸਿਜ਼ (AMPAS) ਨੇ ਬੁੱਧਵਾਰ ਸਵੇਰੇ ਇਹ ਐਲਾਨ ਕੀਤਾ। ਹਾਲਾਂਕਿ ਬ੍ਰਿਟਿਸ਼-ਭਾਰਤੀ ਨਿਰਦੇਸ਼ਕ ਸੰਧਿਆ ਦੀ ਫਿਲਮ ‘ਸੰਤੋਸ਼’ ਆਖਰੀ 15 ‘ਚ ਜਗ੍ਹਾ ਬਣਾਉਣ ‘ਚ ਕਾਮਯਾਬ ਰਹੀ। ਇਹ ਫਿਲਮ ਬ੍ਰਿਟੇਨ ਦੀ ਨੁਮਾਇੰਦਗੀ ਕਰੇਗੀ।

ਆਸਕਰ ਐਵਾਰਡ ਸਮਾਰੋਹ 2 ਮਾਰਚ ਨੂੰ ਹੋਵੇਗਾ। ਇਸ ਵਿੱਚ ਜੇਤੂਆਂ ਦਾ ਐਲਾਨ ਕੀਤਾ ਜਾਵੇਗਾ। ਫਿਲਮ ਫੈਡਰੇਸ਼ਨ ਆਫ ਇੰਡੀਆ ਸਿਲੈਕਸ਼ਨ ਕਮੇਟੀ ਦੀ 13 ਮੈਂਬਰੀ ਜਿਊਰੀ ਨੇ ਭਾਰਤ ਤੋਂ ‘ਲਾਪਤਾ ਲੇਡੀਜ਼’ ਦੀ ਚੋਣ ਕੀਤੀ ਸੀ। ਹੁਣ ਤੱਕ 3 ਫਿਲਮਾਂ ਮਦਰ ਇੰਡੀਆ, ਸਲਾਮ ਬਾਂਬੇ ਅਤੇ ਲਗਾਨ ਨੂੰ ਆਸਕਰ ਦੀ ਵਿਦੇਸ਼ੀ ਫਿਲਮ ਸ਼੍ਰੇਣੀ ਵਿੱਚ ਭਾਰਤ ਤੋਂ ਨਾਮਜ਼ਦ ਕੀਤਾ ਗਿਆ ਹੈ, ਪਰ ਕਿਸੇ ਨੂੰ ਵੀ ਇਹ ਪੁਰਸਕਾਰ ਨਹੀਂ ਮਿਲ ਸਕਿਆ।