ਲਖਵਿੰਦਰ ਵਡਾਲੀ ਨੂੰ ਧੁਰੰਧਰ ਦੀ ਟੀਮ ਵਲੋਂ ਆਈ ਸੀ ਕਾਲ

ਕੁਨੈਕਟ ਮੀਡੀਆ ਨੈਟਵਰਕ ਦੇ ਸਰੀ ਦਫਤਰ ਵਿੱਚ ਚਰਚਿਤ ਪੰਜਾਬੀ ਗਾਇਕ ਲਖਵਿੰਦਰ ਵਡਾਲੀ ਨੇ ਆਪਣੇ ਜੀਵਨ ਅਤੇ ਸੰਗੀਤਕ ਸਫਰ ਬਾਰੇ ਕਈ ਕਹਾਣੀਆਂ ਸਾਂਝੀਆਂ ਕੀਤੀਆਂ। ਲਖਵਿੰਦਰ ਨੇ ਦੱਸਿਆ ਕਿ ਉਸ ਦੇ ਆਪਣੇ ਪਿਤਾ ਪੂਰਨ ਚੰਦ ਵਡਾਲੀ ਨਾਲ ਬਹੁਤ ਡੂੰਘੇ ਰਿਸ਼ਤੇ ਅਤੇ ਸੰਬੰਧ ਸਨ।

ਲਖਵਿੰਦਰ ਨੇ ਇਕ ਹੋਰ ਹੈਰਾਨੀਜਨਕ ਖੁਲਾਸਾ ਕਰਦਿਆਂ ਕਿਹਾ ਕਿ ਇਕ ਵਾਰ ਉਸ ਨੂੰ ਮੈਗਹਿੱਟ ਬਾਲੀਵੁੱਡ ਫਿਲਮ ਧੁਰੰਧਰ ਵਿੱਚ ਭਾਗ ਲੈਣ ਵਾਸਤੇ ਫੋਨ ਕਾਲ ਆਈ ਸੀ। ਅਫ਼ਸੋਸ ਦੀ ਗੱਲ ਇਹ ਰਹੀ ਸੀ ਕਿ ਲਖਵਿੰਦਰ ਦੀ ਟੀਮ ਅਤੇ ਧੁਰੰਧਰ ਦੀ ਟੀਮ ਦਰਮਿਆਨ ਠੀਕ ਸੰਚਾਰ ਨਾ ਹੋਣ ਕਰਕੇ ਉਸ ਕੋਲੋਂ ਇਹ ਵੱਡਾ ਮੌਕਾ ਖੁੰਝ ਗਿਆ।

ਲਖਵਿੰਦਰ ਨੇ ਕਿਹਾ ਕਿ ਜੇ ਗੱਲਬਾਤ ਠੀਕ ਤਰ੍ਹਾਂ ਹੋ ਜਾਂਦੀ ਤਾਂ ਮੈਂ ਵੀ ਧੁਰੰਧਰ ਦਾ ਹਿੱਸਾ ਹੁੰਦਾ। ਲਖਵਿੰਦਰ ਨੇ ਕਿਹਾ ਕਿ ਅਜਿਹੇ ਚਰਚਿਆਂ ਦੇ ਬਾਵਜੂਦ ਉਹ ਆਪਣੇ ਭਵਿੱਖ ਪ੍ਰਤੀ ਆਸ਼ਾਵਾਦੀ ਰਿਹਾ ਅਤੇ ਹੁਣ ਵੀ ਉਸ ਨੂੰ ਕਈ ਪ੍ਰਾਜੈਕਟਾਂ ਵਿਚ ਕੰਮ ਮਿਲਣ ਦੀ ਉਮੀਦ ਹੈ।