8.64C Vancouver 8.64C VancouverSep 20, 2024 4:03 PM - Connect Newsroom
ਦਿੱਲੀ ’ਚ 26 ਅਕਤੂਬਰ ਤੋਂ ਸ਼ੁਰੂ ਹੋਣ ਵਾਲੇ ਦਿਲਜੀਤ ਦੋਸਾਂਝ ਦੇ ਆਗਾਮੀ ਟੂਰ ਦਿਲ ਲੁਮਿਨਾਟੀ ਦੇ ਸੰਬੰਧ ’ਚ ਇਕ ਹੈਰਾਨੀਜਨਕ ਵਿਵਾਦ ਸਾਹਮਣੇ ਆਇਆ ਹੈ। ਦਿੱਲੀ ਦੇ ਇਕ ਲਾਅ ਸਟੂਡੈਂਟ ਨੇ ਟਿਕਟ ਦੇ ਮਾਮਲੇ ’ਚ ਘਪਲੇ ਬਾਜ਼ੀ ਦਾ ਦਾਅਵਾ ਕਰਦੇ ਹੋਏ ਦਿਲਜੀਤ ਨੂੰ ਕਾਨੂੰਨੀ ਨੋਟਿਸ ਜਾਰੀ ਕੀਤਾ ਹੈ।
ਕਾਨੂੰਨ ਦਾ ਇਹ ਵਿਦਿਆਰਥਣ ਦਿਲਜੀਤ ਦੇ ਟੂਰ ਦੀ ਟਿਕਟ ਪ੍ਰਾਪਤ ਨਹੀਂ ਕਰ ਸਕੀ। ਰਿਧੀਮਾ ਕਪੂਰ ਨਾਮੀ ਇਕ ਵਿਦਆਰਥਣ ਨੇ ਦਿਲ ਲੁਮਿਨਾਟੀ ਟੂਰ ਦੇ ਪ੍ਰਬੰਧਕਾਂ ’ਤੇ ਵੀ ਗੰਭੀਰ ਕਿਸਮ ਦੇ ਦੋਸ਼ ਲਾਏ ਹਨ।
ਉਸ ਨੇ ਦਾਅਵਾ ਕੀਤਾ ਕਿ ਪ੍ਰਬੰਧਕਾਂ ਨੇ ਟਿਕਟਾ ਦੇ ਚਾਹਵਾਨ ਲੋਕਾਂ ਦੇ ਅਧਿਕਾਰਾਂ ਦਾ ਉਲੰਘਣ ਕੀਤਾ ਹੈ ਅਤੇ ਟਿਕਟਾਂ ਦੀ ਵਿਕਰੀ ਸੰਬੰਧੀ ਕਈ ਗੜਬੜੀਆਂ ਹੋਈਆਂ ਹਨ। ਰਿਧੀਮਾ ਕਪੂਰ ਵਲੋਂ ਲਾਏ ਦੋਸ਼ ਟਿਕਟਾਂ ਦੀ ਵੰਡ ਸੰਬੰਧੀ ਪਾਰਦਰਸ਼ਤਾ ਅਤੇ ਨਿਰਪੱਖਤਾ ’ਤੇ ਸ਼ੰਕੇ ਖੜ੍ਹੇ ਕਰਦੇ ਹਨ।
