ਕੀ ਅਸੀਂ ਪਿਆਰ ਦੀ ਮਹਿਕ ਮਹਿਸੂਸ ਕਰ ਸਕਦੇ ਹਾਂ?

ਬਾਲੀਵੁੱਡ ਦੀ ਨਵੀ ਸੁਪਨਸੁੰਦਰੀ ਸੁਹਾਨਾ ਖਾਨ ਅਤੇ ਅਮਿਤਾਭ ਬਚਨ ਦੇ ਦੋਹਤੇ ਅਗਸਤਿਆ ਨੰਦਾ ਦਰਮਿਆਨ ਰੋਮਾਂਸ ਇਨੀਂ ਦਿਨੀਂ ਸਿਖਰਾਂ ਨੂੰ ਛੂਹ ਰਿਹਾ ਹੈ। ਇਸ ਜੋੜੀ ਨੇ ਹਾਲ ਹੀ ’ਚ ਜ਼ੋਇਆ ਅਖਤਰ ਦੀ ‘ਦਿ ਆਰਚੀਜ਼ ’ਚ ਇਕੱਠਿਆਂ ਅਭਿਨੈ ਕੀਤਾ ਸੀ। ਉਸ ਵੇਲੇ ਤੋਂ ਹੀ ਉਨ੍ਹਾਂ ਦੇ ਰੋਮਾਂਸ ਦੀਆਂ ਅਫਵਾਹਾਂ ਪੂਰੀ ਮਾਇਆ ਨਗਰੀ ’ਚ ਚਰਚਾ ਦਾ ਵਿਸ਼ਾ ਬਣ ਗਈਆਂ ਹਨ। ਅਜਿਹੇ ਵੀ ਚਰਚੇ ਹਨ ਕਿ

ਉਹ ਇਸ ਸਾਲ ’ਚ ਇਕ ਹੋਣ ਲਈ ਤਿਆਰ ਹਨ। ਪਿਛਲੇ ਦਿਨੀਂ ਸੁਹਾਣਾ ਅਤੇ ਅਗਸਤਿਆ ਨੂੰ ਸਪੀਡਬੋਟ ’ਚ ਸਵਾਰ ਕੈਮਰੇ ਨੇ ਕੈਦ ਕਰ ਲਿਆ ਜਦੋਂ ਉਹ ਇਕੱਠੇ ਚਲ ਰਹੇ ਸਨ। ਸੁਹਾਨਾ ਖਾਨ ਸਿਧਾਰਥ ਆਨੰਦ ਦੇ ਨਿਰਦੇਸ਼ਨ ਹੇਠ ਬਣਨ ਵਾਲੀ ਫਿਲਮ ਕਿੰਗ ’ਚ ਆਪਣੇ ਪਿਤਾ ਸ਼ਾਹਰੁਖ ਖਾਨ ਨਾਲ ਅਭਿਨੈ ਕਰਨ ’ਚ ਤਿਆਰ ਹੈ। ਇਹ ਪ੍ਰਾਜੈਕਟ ਜਲਦੀ ਹੀ ਸ਼ੁਰੂ ਹੋਣ ਵਾਲਾ ਹੈ। ਇਹ ਵੀ ਪਤਾ ਲਗਾ ਹੈ ਕਿ

ਸੁਹਾਨਾ ਖਾਨ ਅਕਸਰ ਅਗਸਤਿਆ ਨੰਦਾ ਨਾਲ ਡੇਟਿੰਗ ’ਤੇ ਜਾਂਦੀ ਹੈ ਅਤੇ ਅਗਸਤਿਆ ਨੇ ਆਪਣੇ ਪਰਿਵਾਰ ਨਾਲ ਸੁਹਾਨਾ ਦੀ ਜਾਣ ਪਛਾਣ ਆਪਣੀ ਲਾਈਫ ਪਾਰਟਨਰ ਵਜੋਂ ਵੀ ਕਰਵਾਈ ਸੀ।