ਮੈਂਡੀ ਤੱਖੜ ਨੇ ਛੇੜਿਆ ਪੰਜਾਬੀ ਸਿਨੇਮਾ ਵਿੱਚ ਪੁਰਸ਼ ਅਤੇ ਔਰਤ ਦੀ ਨਾ ਬਰਾਬਰੀ ਦਾ ਜ਼ਿਕਰ

Jasmine Singh

ਫਿਲਮ ਉਦਯੋਗ ਵਿੱਚ ਅਕਸਰ ਲੰਬੇ ਸਮੇਂ ਤੋਂ ਪੁਰਸ਼ਾਂ ਦਾ ਦਬਦਬਾ ਰਿਹਾ ਹੈ। ਪੰਜਾਬੀ ਸਿਨੇਮਾ 'ਤੇ ਇਸ ਦੇ ਪ੍ਰਭਾਵ ਨੂੰ ਲੈ ਕੇ ਹੁਣ ਨਾ ਸਿਰਫ ਜ਼ਿਕਰ ਛਿੜਨ ਲੱਗਾ ਹੈ ਸਗੋਂ ਇਸ ਦੇ ਇਲਾਜ ਦੀਆਂ ਸੰਭਾਵਨਾਵਾਂ ਵੀ ਲੱਭੀਆਂ ਜਾਣ ਲੱਗੀਆਂ ਹਨ। ਅਭਿਨੇਤਰੀ ਮੈਂਡੀ ਤੱਖੜ ਜਿਸ ਨੂੰ ਕਿ ਆਪਣੇ ਜ਼ੋਰਦਾਰ ਪ੍ਰਦਰਸ਼ਨ ਅਤੇ ਕਲਾਕਾਰਾਂ ਲਈ ਜਾਣਿਆਂ ਜਾਂਦਾ ਹੈ ਨੇ ਹਾਲ ਹੀ ਵਿੱਚ ਆਪਣੇ ਕੈਨੇਡਾ ਦੌਰੇ ਦੌਰਾਨ ਪੰਜਾਬੀ ਸਿਨੇਮਾ ਵਿੱਚ ਪੁਰਸ਼ਾਂ ਅਤੇ ਔਰਤਾਂ ਵਿਚਲੀ ਨਾ ਬਰਾਬਰੀ ਦਾ ਵਿਸ਼ੇਸ਼ ਤੌਰ 'ਤੇ ਜ਼ਿਕਰ ਛੇੜਿਆ।

ਮੈਂਡੀ ਇਨ੍ਹੀਂ-ਦਿਨੀਂ ਆਪਣੀ ਆਉਣ ਵਾਲੀ ਫਿਲਮ 'ਇਨ੍ਹਾਂ ਨੂੰ ਰਹਿਣਾ ਸਹਿਣਾ ਨਹੀਂ ਆਉਂਦਾ' ਦਾ ਪ੍ਰਚਾਰ ਕਰਨ ਲਈ ਸਰੀ ਐਡਮਿੰਟਨ ਅਤੇ ਕੈਲਗਰੀ ਵਰਗੇ ਸ਼ਹਿਰਾਂ 'ਚ ਮੁਹਿੰਮ ਚਲਾ ਰਹੀ ਹੈ। ਉਸ ਨੇ ਆਪਣੇ ਅਨੁਭਵ ਸਾਂਝੇ ਕਰਦਿਆਂ ਆਖਿਆ ਕਿ ਪੰਜਾਬੀ ਸਿਨੇਮਾ ਵਿੱਚ ਔਰਤਾਂ ਨੂੰ ਬਹੁਤ ਸਾਰੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਮੈਂਡੀ ਨੇ ਇਕ ਪ੍ਰਮੁੱਖ ਪੰਜਾਬੀ ਫਿਲਮ ਨਿਰਮਾਤਾ ਨਾਲ ਖਾਸ ਤੌਰ 'ਤੇ ਨਿਰਾਸ਼ਾਜਨਕ ਮੁਲਾਕਾਤ ਦਾ ਜ਼ਿਕਰ ਕੀਤਾ।

ਮੈਂਡੀ ਨੇ ਕਿਹਾ ਕਿ ਮੈਂ ਉਸ ਦੇ ਵਤੀਰੇ ਤੋਂ ਬਹੁਤ ਉਦਾਸ ਅਤੇ ਹੈਰਾਨ ਮਹਿਸੂਸ ਕੀਤਾ। ਮੈਂਡੀ ਨੇ ਕਿਹਾ ਕਿ ਅਜਿਹੇ ਮਾਮਲੇ ਇਕਾ-ਦੁਕਾ ਨਹੀਂ ਸਗੋਂ ਪਾਲੀਵੁੱਡ ਵਿੱਚ ਇਕ ਵੱਡੇ ਮੁੱਦੇ ਦਾ ਸੰਕੇਤ ਦਿੰਦੇ ਹਨ। ਇਸ ਦੇ ਬਾਵਜੂਦ ਮੈਂਡੀ ਲਗਾਤਾਰ ਆਪਣੀ ਮੰਜ਼ਿਲ ਵੱਲ ਵੱਧ ਰਹੀ ਹੈ।